قادين
گؤزلليك،ساغلامليق،دوشونجه،اوشاق تربييه سي،حاميله ليك و...
یاییلیب : سه شنبه 18 مهر 1391 | یازار : نژادمحمد | بؤلوم : اوشاق و تربييه | 1 باخیش

اوشاقلاردان واليدئينلره مصلحت وار

لوندون اوشاق خستخاناسي‌نين پسيخاترييا شؤبه‌سينده كئوين هيجكلئي آدلي 15 ياشيندا اوشاق موعاليجه‌‌ آليردي.كئوين واليدئينلرييلري‌نين اونو باشا دوشمه‌مه‌سي نتيجه‌سينده دئپرئسسييا وضعيتينه دوشموشدو.آپاريلان تئستلر نتيجه‌سينده اونون تاماميله آغلي باشيندا اولان اوشاق اولدوغو تسديقلنميشدير.

بير گون كئوين الينه كاغيذ-قلم آلاراق اؤز واليدئينلري‌نين تيمساليندا بوتون واليدئينلره 13 مصلحت يازدي.ايندي بو 13 قيزيل قايدا اينگيلتره حكيملري‌نين بير نؤمره‌لي كؤمكچيسيدير.

1.مني اركؤيون ائتمه‌يين.هر ايسته‌ديگيمي الده ائده بيلمه‌يه‌جه‌ييمي بيليرم.ساده‌جه اولاراق سيزي سيناييرام.

2.منه شيرين-سرت داورانماقدان چكينمه‌يين.بو منه اعتبارلي اللرده اولدوغون حيسسيني بخش ائدر.

3.مني پيس ورديشلردن چكينديرين.بونلارين ائركن واختدان اورتايا چيخيب قارشيسين آلينماسيندا سيزه گووه‌نيرم.

4.سهولريمي هر كسين ايچينده دئمه‌يين.تكليكده منله صؤحبت ائتسز سيزي داها ياخشي باشا دوشه‌رم.

5.سيزدن نيفرت ائتديگيمي دئديگيمه اينانمايين.اصلينده سيزه دئييل،مني انگلله‌مه گوجونوزه نيفرت ائديرم.

6.سهولريمين نتيجه‌سين گؤرمه‌ييمه ايمكان يارادين.هر دفعه‌‌سينده مني سيز قورتارمايين.سهو آدديملاريمين آجيسين گؤره‌رك اؤيره‌نيم.

7.كيچيك خسته‌ليكلريمي شيشيرتمه‌يين.بونلاري يئنه‌جك گوجده‌يم.

8.دوشونمه‌دن يئرينه يئتيره بيلمه‌يه‌جه‌يينيز شئي اوچون سؤز وئرمه‌يين.يئرينه يئتمه‌يينجه چوخ كدرلنديگيمي بيلين.

9.اؤزومو بضا ياخشي ايضاه ائده بيلميرم.بونون اوچون منه واخت وئرين.

10.سهويمي اعتراف ائدركن چوخ اوستومه گلمه‌يين.گلن سفر آسانليقلا قورخوب يالان دئيه بيله‌رم.

11.مني آلداتمايين.بو سيزه اولان اعتباريمي ايتيرر.

12.مندن اوزور ايسته‌مه‌يه‌جك قدر قورورلو اولمايين.بضا صميمي بير اوزور مني سيزه داها دا ياخينلاشديرار.

13.ياددان چيخارتمايين كي، بؤيومك اوچون سيزين آنلاييشينيزا و سئوگينيزه احتياجيم وار.آمما بونو سيزه دئمه‌ييمه احتياج يوخدو،ائله دئييل مي؟



یاییلیب : دوشنبه 10 مهر 1391 | یازار : نژادمحمد | بؤلوم : اوشاق و تربييه | 0 باخیش

سيز اوشاغينيزي تانيييرسينيزمي؟

عائله‌‌ده ايستئدادلي اوشاغين اولماسي عائله‌‌دن اوشاغا قارشي دقت و قايغي طلب ائدير.اونا گؤره ده عائله‌‌ده،اوشاق باغچاسيندا همين اوشاغا دقتله ياناشيلمالي،اوندا كوللئكتيوچيليك تلاباتلاري‌نين فورمالاشماسينا دا اوستونلوك وئريلمه‌ليدير.هر بير اوشاغين اؤزونه‌مخصوص قابيليتي وار.بعضي اوشاقلاردا بوتون قابيليتلرين هاميسي يوكسك سويه‌ده اينكيشاف ائدير.چوخ آز اوشاقلاردا قابيليت آشاغي سويه‌ده اولور.اكثر اوشاقلاردا ايسه قابيليت اورتا سويه‌ده بير-ايكي قابيليت ايسه ضعيف اينكيشاف ائتميش اولور.گؤركملي پسيخولوق عاليم قاردنئرئ گؤره هئچ بير قابيليت تجريد اولونموش فورمادا مؤوجود دئييل.قابيليت قارشيليقلي علاقه‌‌ده فعاليت گؤسترير.عاليمين فيكرينجه هر بير شخصي روحلانديرديقدا،اونا دوزگون تعليماتلار وئرديكده اوندا سككيز قابيليتي لازيمينجا اينكيشاف ائتديرمك اولار.8 قابيليت آشاغيداكيلاردير:

1.وئربال قابيليت-آدلاري،يئرلري آسانليقلا ياديندا ساخلايير،ياخشي لوغته ماليكدير،آسانليقلا يئني ديل اؤيرنه بيلير،ديل باجاريقلاري حاقيدا صؤحبت ائده بيلير،ديلين فونكسييالاريني باشا دوشور،سؤزلرله زنگين اويونلاري سئوير،اوخوماغي خوشلايير،يازماغي سئوير،چوخلو سوال وئرير،دانيشماغي خوشلايير.

2.منطيقي رياضي قابيليت-بولماجالاري حل ائتميي خوشلايير،رقملرله اوينايير،اشيالاري قروپلاشديرماغي خوشلايير،ايشلرين نئجه گئتديگيني بيلمك ايسته‌يير،قايدالي فعاليت يؤنوملودور،اشيالاري توپلاماغي سئوير،رياضياتي سئوير،پروبلئمه ياناشماغي خوشلايير.

3.بدن قابيليتي-بدن ديليني اوخويور،پرئدمئتلري آسانليقلا مانيپولياسييا ائده بيلير،ال.گؤز كورديناسيياسينا ماليكدير،پروبلئمي ايجرا ائتمكله حل ائده بيلير،ياخشي ريتم حيسسينه ماليكدير،ياخشي مووازينت حيصه‌‌نه ماليكدير،حركتلري قراسيياليدير،فيكيرلريني ژئستلر واسطه‌‌سيله چاتديرا بيلير،صنعتكارليق قابيلي

4.ويزوال فزا قابيليتي-خريته‌لري شرح ائده بيلير،يئرلري تصويره و شكيللره اساساً ياددا ساخلايير،مئخانيكي شئكيلده باجاريقليدير،اشيالاري ياخشي تسووور ائدير،شكيل چكميي خوشلايير،اشيالاري قوراشديرماغي خوشلايير،مئخانيكي اولاراق جيزما-قارا ائتميي خوشلايير،دئتاللارياسانليقلا دويور.

5.موسيقيلي ريتميك قابيليت-تيققيلتيني دويور،مئلودييا آهنگيني ياديندا ساخلايير،موسيقيني خوشلايير،سسي حيسس ائدير،سسلره قارشي حساسدير،موسيقيني دوداقالتي ميزيلدايير،ريتمله ترپه‌نير،سسلري بير-بيريندن آييرير،ريتمله حركت ائدير.

6.شخصيتلر آراسي قابيليت-همياشيدلاري طرفيندن سئويلير،ياخشي علاقه‌‌ قورور،باشقالاري‌نين حيسسلرينه شريك اولور،ليدئرليك باجاريغيني نوماييش ائتديرير،اينسانلاري ياخشيباشا دوشور،باشقالاري اوچون ياخشي مصلحتچي رولونو اوينايير.

7.شخصيت داخيلي قابيليت-حيسسلريني بيلديره بيلير،گوجلو و ضعيف جهتلريندن خبرداردير،اؤز ماراق مقصدلريني گودور،اوريژينال اولماغي سئوير،قارشيسينا مووافيق مقصدلر قويور،آمبيسييا اوغروندا چاليشير،اؤزونو ياخشي باشا دوشور،اؤز باجاريقلارينا اينانير.

8.ناتوراليستيك قابيليت-طبيعت حادثه‌‌لريني درك ائدير،قوشلاري سئير ائتميي خوشلايير،آغاجلاري اؤيرنميي خوشلايير،هشاراتلاري توپلاماغي خوشلايير،هوسكار آسترانومدور،آچيق هاوادا ايشله‌ميي خوشلايير،حئيوان ساخلايير،بيتكي يئتيشديرير.



ايگيرمي بير عصرين قارا كؤلگه‌سي-پييلنمه

بو خسته‌ليگين يارانماماسي اوچون اينسان ان آزيندان اؤز چكيسينه دقت يئتيرمه‌ليدير.هر ايل آوروپادا پييلنمه نتيجه‌سينده 70 مين اينسان دؤش،يوغون باغيرساق و اوشاقليق بوروسو خرچنگينه يولوخورلار.چوخ كؤك اينسانلارين اورگي يوخودا دايانير.ان ياخشي حالدا ايسه،طبيعي كي،بونا ياخشي دئمك اولارسا،پييلنمه برونخيال آستما ايله نتيجه‌له‌نير.

پييلنمه‌نين گتيرديگي بلالار:

1.اينفاركت

2.اينسولت

3.هيپئرتونييا

4.ديابئت

5.آتئروسكلئروز

پييلنمه كيمي بلادان ياخا قورتارماق اوچون :

1.ايلك اؤنجه آريقلاماق لازيمدير.چونكي آرتيق پيي موعاليجه‌‌ پروسئسيني لنگيدير.

2.قاردئروبونوزا اؤلچوسو كيچيك اولان بير نئچه گئييم آلين.

3.قيداني آلاندا ياغليليغينا فيكير وئرين.

4.ياريمفابريكات قيدالار آلمايين.چونكي اونون تركيبينده دوز و پيي چوخدور.

5.يئمكلري سوبادا بيشيرين.

6.يئمك زاماني كئتچوپ و مايونئزدن ايستيفاده ائتمه‌يين.چونكي اونلار ايشتاهاني آرتيرير.

7.دوزدان آز ايستيفاده ائدين.او.آرتئريال تضييقي قالديرير.

8.آجي شوكولاد يئيين.هم سيزي دويدوراجاق،هم ده ايشتاهانيزي آزالداجاق.

9.اگر يئمك يئديكدن سونرا “ بو گون پهريزيمي پوزدوم ”دئييرسينيزسه،قم ائتمه‌يين.سوفره‌ني ييغيشديرين،قابلاري يويون،ائوده او يان-بو يانا گئدين-گلين.سببلي يا سببسيز حركت ائدين.



یاییلیب : شنبه 11 شهریور 1391 | یازار : نژادمحمد | بؤلوم : اوشاق و تربييه | 1 باخیش

دالغالي ساچلارا صاحب اولاق

قادينلار اوچون ان گؤزل ساچ مودئللريندن بيري ده دالغالي ساچ تيپيدير شوبهه‌سيز. لاكين بونون اوچون اوزون و دولغون ساچلارينيزين اولماسي لازيم اولدوغونو دا اونوتمايين. اگر اوزون و دولغون ساچلارينيز وار ايسه و بونونلا بيرليكده ساچلارينيزي نئجه دالغالي ائده‌جه‌يينيزي ماراقلانيرسينيزسا، دالغالي ساچ ائتمك مؤوضوسونداكي اينجه دئتاللارين ايشتيراك ائتديگي يازيميزي دقتليجه اوخوماغا داوام ائده بيلرسينيز… ساچلارينيزا شكيل وئرمكدن اول ساچ تيپينيزه اويغون اولاراق ايستيفاده ائتديگينيز بير شامپون ايله ساچلارينيزي يومالي و سونراسيندا بير دسمال واسطه‌‌چيليگي ايله قورولاماليسينيز. ساچلارينيزي يوياركن نه چوخ ايستي، نه ده چوخ سويوق سويو سئچين. ايليق سو ايله ساچي يوماق ساچلارينيزين گوجونو آرتيراجاق و چوخ داها گؤزل گؤرونمه‌سيني تعمين ائده‌جك. دالغالي ساچلار نئجه ائديلر؟ ساچينيزي بير دسمال كؤمگي ايله يا دا ساچ قوروتما ماشيني ايله قوروداركن يونگول نملي قالماسينا دقت گؤسترمه‌ليسينيز. يونگول نملي ساچلارينيزين ديبلريندن باشلاياراق ساچ اوجونوزا قدر بولجا كؤپوك سورون. ساچينيزي ايكي آيري توتاما آييرمالي و سونراسيندا گيجگاهلارينيزدان باشلاياراق پئيسرينيزه قدر هر بير توتامي قوجاقلاماليسينيز. هر توتامي قوجاقلاماغي تاماملاديغينيزدا رئزين/شين توخا كؤمگييله ساچلارينيزي ثابتله‌يه بيلرسينيز. ياريم ساعت كيمي بير مدت سونرا ساچلارينيزي آچماغا باشلايا بيلرسينيز. ساچلارينيزين طبيعي گؤرونمه‌سي اوچون اللرينيزي ايستيفاده ائده‌رك بارماقلارينيزي ساچلارينيزين آراسيندا دولاشديرماق عذره داها دوز بير گؤرونوش قازانديرا بيلرسينيز ساچلارينيزا… اگر ساچلارينيزين داها اوزون داواملي دالغالي قالماسيني ايسته‌ييرسينيزسه، ساچ سپرئيي ايستيفاده ائده بيلر و ساچلارينيزين چوخ اوزون ساعتلار بويونجا دالغالي قالماسيني تعمين ائده بيلرسينيز… قادينلار اوچون ان گؤزل ساچ مودئللريندن بيري ده دالغالي ساچ تيپيدير شوبهه‌سيز. لاكين بونون اوچون اوزون و دولغون ساچلارينيزين اولماسي لازيم اولدوغونو دا اونوتمايين. اگر اوزون و دولغون ساچلارينيز وار ايسه و بونونلا بيرليكده ساچلارينيزي نئجه دالغالي ائده‌جه‌يينيزله ماراقلانيرسينيزسا، دالغالي ساچ ائتمك مؤوضوسونداكي اينجه دئتاللارين ايشتيراك ائتديگي يازيميزي دقتليجه اوخوماغا داوام ائده بيلرسينيز…ساچلارينيزا شكيل وئرمكدن اول ساچ تيپينيزه اويغون اولاراق ايستيفاده ائتديگينيز بير شامپون ايله ساچلارينيزي يومالي و سونراسيندا بير دسمال واسطه‌‌سي ايله قورولاماليسينيز. ساچلارينيزي يوياركن نه چوخ ايستي، نه ده چوخ سويوق سويو سئچين. ايليق سو ايله ساچي يوماق ساچلارينيزين گوجونو آرتيراجاق و چوخ داها گؤزل گؤرونمه‌سيني تعمين ائده‌جك.دالغالي ساچلار نئجه ائديلر؟ساچينيزي بير دسمال كؤمگي ايله يا دا ساچ قوروتما ماشيني ايله قوروداركن يونگول نملي قالماسينا دقت گؤسترمه‌ليسينيز. يونگول نملي ساچلارينيزين ديبلريندن باشلاياراق ساچ اوجونوزا قدر بولجا كؤپوك سورتون.ساچينيزي ايكي آيري حيصه‌‌يه آييرمالي و سونراسيندا گيجگاهلارينيزدان باشلاياراق بوينونوزا قدر هر بير حيصه‌‌ني الينيزلا توپا توتون،داها سونرا رئزين سانجاغين كؤمگييله ساچلارينيزي ثابتله‌يه بيلرسينيز.ياريم ساعت كيمي بير مدت سونرا ساچلارينيزي آچماغا باشلايا بيلرسينيز. ساچلارينيزين طبيعي گؤرونمه‌سي اوچون اللرينيزي ايستيفاده ائده‌رك بارماقلارينيزي ساچلارينيزين آراسيندا دولاشديرماق عذره داها دوز بير گؤرونوش قازانديرا بيلرسينيز ساچلارينيزا…گر ساچلارينيزين داها اوزون داواملي دالغالي قالماسيني ايسته‌ييرسينيزسه، ساچ سپرئيي ايستيفاده ائده بيلر و ساچلارينيزين چوخ اوزون ساعتلار بويونجا دالغالي قالماسيني تعمين ائده بيلرسينيز…



یاییلیب : چهارشنبه 11 مرداد 1391 | یازار : نژادمحمد | بؤلوم : گؤزلليك | 1 باخیش

"سوفييا روتارو"نون جاوان قالما سيرري

بوتون روسييا مشهور موغنني سوفييا روتارونون بئله جاوان قالماسيندان دانيشير. ايللردير قوجالماق بيلمه‌ين موغنني‌نين بدنينه و دريسي‌نين طراوتينه حتي آللا پوقاچووا بئله حئيراندير. سوفييا اؤز قوسورلاريني پالتار آلتيندا گيزلتميي سئومير. عكسينه، اونلارلا موباريزه آپاريب، ائكستريمال پهريز ساخلايير.

*3 گون سودا بيشميش دويو يئيير.

*نؤوبتي 3 گون ايسته‌ديگي قدر تروز يئيير.

*سونونجو 3 گون موغنني مئيوه‌لره اوستونلوك وئرير.

چاي و باشقا ايچكيلر عوضينه موغنني آنجاق قازسيز مينئرال سو ايچير. اونون دئديگينه گؤره بو پهريز اونو هم آريقلادير، هم دريسي‌نين طراوتلي و جاوان قالماسينا كؤمك ائدير.

پ.س. سوفييا روتارو 7 آوقوست 1947-جي ايلده آنادان اولموشدور . ايندي سيز دئيين بو قادينا هئچ 64 ياشي وئرمك اولار؟؟؟؟؟



یاییلیب : دوشنبه 19 تیر 1391 | یازار : نژادمحمد | بؤلوم : ساغلامليق | 0 باخیش

اللرينيزه قوللوق -1.

خؤرك حاضرلاياركن چاتلاميش اللرينيزه ايشاراسي خييار ، پوميدور ، كارتوف پورئسي چكميي ، كارتوف بيشيريلميش سودا اللرينيزي ياخالاماغي اونوتمايين.

2. اللرينيز چوخ كوبودلاشميش ، ديرناقلارينيز سينميشسا ، قيزديريلميش گونه‌باخان ياغيندا 10-15 دقيقه ساخلايين .سونرا اللرينيزي يومايين اسكي ايله سيلين

3. اگر اللرينيزده زيگيل عمله گلميشسه گونده 4- دفعه‌‌ زنجيروتو ، تزه كارتوف ،ساريمساق چكين.خالق تبابتينده زيگيلين اوستونه كولله‌مه سوغان قويماق مصلحت گؤرولور.زيگيلي كسمك و زدله‌مك اولماز . ياخشي اولاركي حكيمه مراجعت ائده‌سينيز.

4. اگر اللرينيزي چيركلنديره‌جك بير ايش گؤره‌جكسينيزسه ، اوندا ديرناقلارينيزلا سابونو قاشييين ، ديرناقلارين آلتي سابونلا دولسون .ايشدن سونرا اللرينيزي يويون و سابونو شوتكا ايله تميزله‌يين.

5. اللر آغارسين دئيه ، اونلاري بوراكس يا دا سيركه تؤكولموش ايليق سودا ساخلاماق لازيمدير .قديم خالق تبابتينه گؤره چيي سود و يا ليمون شيره‌سي قاتيلميش سو ايله واننا ائتمك ياخشي كؤمك ائدير.

6. داها بير مصلحت : سيخيلميش ليمونو آتماميشدان اول اونو اللرينيزه چكين . تورشويا قويولموش خييارين سويوندا اللرينيزي واننا ائدين.

7. اگر ايشينيزله علاقه دار اولاراق اللرينيزدن آغ نئفت ،نافتالين ، باليق ياغي و س اييي گليرسه ، اوندا اللرينيزي آديجه سابونلا يوماقدان باشقا اونلاري قورو خاردال تؤكولموش سو ايله سيلين ، سونرا دا آدي سو ايله يويون.

8. ياغلي بوياني اللردن هر هانسي حلئديجي (آسئتون) ايله سيليرلر. بو اولماسا اوندا پالتار يويان توزدان ايستيفاده ائدين و سونرا موطلق سيركه ، يا دا ليمون تورشوسو تؤكولموش سو ايله ياخالاييب يئنه ده آدي سو ايله يويون.

9. اللره دوشموش مورككب لكسيني ناشاتير سپيرتي ، اودئكولون يا دا سپيرتله سيلين.

10. تزه عمله گلميش دؤينه‌يه 8 گون عرضينده سيركه‌ده ايسلاديلميش يوموشاق چؤرك قويوب كومپرئس ائتسه‌نيز كئچر. كومپرئسي بوتون گئجه ساخلاماق لازيمدير.

11. اته باتميش ديرناغي كسمك اوچون اونون خاريجه چيخماسينا شرايط ياراتماق لازيمدير . بونون اوچون ديرناغين آلتينا ريوانولدا ، 5 – 10% - لي سينتوميسين ائمولسيياسيندا ايسلاديلميش تنزيف پارچاسي ، يا دا پامبيقدان دوزلميش پيلته قويماق اولار.



ايلكين يارديم قايدالاري موختليف قضالار و اونلارا ائديلن ايلك يارديملار.

يانيقلار:

اينسان حياتيندا اولان قضالاردان بيري ده يانغيندير.يانمالار چوخ واخت قازدان،گونشدن،الكتريكدن،ايستي سو،ايستي ياغ،كيميوي مادده،ايستي مئتئالدان اولا بيلر.يانيق آچيق يارايا بنزه‌يير،ميكروبو اؤزونه تئز هوپدورا بيلير.ووجودون عوموميليكده 20% -بير احاطه‌‌ ائدن يانغينلار حياتي تهلوكه‌‌يه سالير. يانيغين شدّتيندن و درييه نئجه تماس ائتمه‌سينه گؤره يانيقلار بير نئچه قروپا آيريلير.ان آغيري بونلاردي:

ان چوخ ايستي سو و يا ياغلا اولان يانيقلاردي.چوخ آغريلي و جدي يانيقلاردي

ايلك اولاراق قيزارير و سونرادان دري‌نين اوستونده ايچي سو ايله اولان يارالار عمله گلير

سو عمله گلن ياراني پارتلاتماق اولماز

دوزگون موعاليجه‌‌ ائديلمسه ايزي قالا بيلر.

عوموميليكده بوتون يانيقلاردا ائديلن ايلك ايشلر:

يانغي‌نين آجيسي كئچنه قدر و 10 دقيقه سونراسينا قدر سويوق سو آلتيندا ساخلانيلماسي

اير يانانين اوزرينده قيزيل زينيت اشياسي وارسا چيخاريلماليدير

يانميش يئرين اوستونه ياش و تميز بير بينتله اؤرتولور

اير آدام اوزرينده اولانلارلا يانيرسا همين آدامين اوزرينه نَيلنسا اؤرتوله‌رك سؤندورولور و يا يومبالاديلير.

اير شورو آچيقديرسا آغزينا سولو قيدالار وئريله بيلر

اير ادي يانيقلار وارسا موطلق خستخانايا يئرلشديريلمه‌ليدير

سودا بوغولمادا ايلك يارديم

بوغولماقدا اولان اينسانا ايلك نؤوبه‌ده سودا باتمايان بير شئي وئريلمه‌ليدير.اير بئله بير شئي يوخدورسا اوندا اوزون بير تاختا و يا كورك وئريلير.درين هوووز و يا دنيزده چيرپينماقدا اولان اينسانا ايلك يارديم باجاريغي اولمايان بير اينسان كؤمك ائده بيلمز.او،هتدا اوزميي باجارسادا.

ساحله چيخاريلديغي زامان ايلك نؤوبه‌ده نفس يولونون آچيق اولوب-اولماماغينا دقت ائتمك لازيمدير.زرچكميشين آغزيندا تاخما ديش و يا باشقا بير شئي وارسا موطلق چيخاريلماليدير.

اير نفس آلميرسا اوندا ايلك اولاراق بير اليميزي اونون باشينا قويوب ديگر اليميزين شهادت و باش بارماقي ايله بورنونو توتور،قورتاريجي درين نفا آلاراق دوداغيني اونون دوقاغينا بيرلشديريب گوجلو نفس وئريريك و درحال اليميزي چكيب نفس آلماسينا ايمكان ياراديريق.

اير اورك آتيشلاري يوخدورسا و يا ضعيف آتيرسا بو عمليات ايكينجي دفعه‌‌ تكرارلانير،و اورك ماساژي ائديلير.بير الي دؤش قفه‌سي‌نين آلت حيصه‌‌سينه ديگر الي ايسه بئلينه يئرلشديريله‌رك اليميزي دؤش قفه‌سي‌نين آلتينا قوياراق گوجله باستيريب و درحالدا چكيريك.آغيزدان گلن سو چوخوندا آغ جييردن يوخ مددن گلينديگي بيلينمه‌ليدير.آما بضا آغير نتيجه‌لرده اولا بيلر.مثلا بويوندا هر هانسي بير قيريلما،دالاغ و يا قاراجييرده پارتالاما گؤرونه بيلر.ايستر وضعيت ياخچي اولسون ايسترسه ده پيس موطلق خستخانايا چاتديريلماليدير.

بعضي هشراتلارين سانجمالاريندا ايلك يارديم

ايستر زهرلي ايسترسه‌ده زهرسيز بير حئيوانين سانجماسي اينسان حياتيندا تهلوكه‌‌ يارادا بيلر.عقرب،ايلان،آري كيمي زهرلي حئيوانلارين زهري اينسان بدنينده قالا بيلر و هتدا اؤلومه بئله گتيريب چيخارا بيلر.زهرسيز حئيوانلار ايسه داشيديقلاري ميكروبلارلا تهلوكه‌‌ يارادير.

بضا آنيدن بير پيشيك و يا ايت عيسيني توتا بيلر.ديشلنن يئر درحال سابونلا يويولوب،ميكروبدان اوزاقلاشديريلماليدير.درحال خستخانايا چاتديريلماليدير.اولا بيلر كي،حئيوان قودوز اولسون.

زهرلي حئيوانلارين سانجماسي

آري سانجماسي

گؤستريجيلري – ايينه‌نين گيرديگي يئرده قيزارما،آغري،قاشينما،شيشمه اولا بيلر

موداخيله - ايينه اير هله ده دريده‌ديرسه ائهمالجا چيخاريلير و هميم يئره بوز قويولور.دقت- آلئرگيياسي اولانلار،آسمالار،آغزيندان آري واسطه‌‌سيله سانجيلانلار،چوخ سايدا آري واسطه‌‌سيله سانجيلانلار درحال خستخانايا يئرلشديريلمه‌ليدير.

عقرب سانجماسي

گؤستريجيلر – آغري و كئييلشمه اولور.نفس آلينما چتينلشير.

موداخيله - همين سانجيلان بؤلگه سو ايله يويولور شقانين آخمامسي و زهرين ياييلماماسي اوچون همين يئره بوز قويولور.اير سانجيلان يئر آياق و يا قولسا سانجيلان يئرله ووجود آراسينا بير پارچا واسطه‌‌سيله قانين آخماسيني ياواشلاتماق لازيمدير.آما همين پارچا بدنده 10 دق آرتيق قالمامليدير.چونكي قانسيزليقدان دامارلاردا پروبلئم يارانا بيلر.

ايلان سانجماسي

گؤستريجيلر – همين يئرده گؤيرمه،شيشليك،آغريليق اولور

موداخيله - سانجيلان يئر سانجيلان اينسان ترپه‌ديلمه‌دن يويولماليدير.سانجيلان يئرين 1-2 سم يوخاريسيندان بير پارچا واسطه‌‌سيله باغلانيلير.سانجيالن يئر 0.5سم كسيله‌رك و الله زهر چيخاريلماقا چاليشيلير.يارانين سورولاراق زهردن تميزلنمه‌سي لازيم دئييل بو عيني زاماندا سوووران اينسان اوچون تهلوكه‌‌دير.همين يئره بوز قويولماليدير.خسته ياتيلي شرايطده خاستخانايا چاتديريلماليدير.

دونمالاردا ايلك يارديم

چوخ سويوق بير يئرده اوزون مدت قالديقدا دونما موشاهيده اولونا بيلر.دونماقدا اولان آدام حالسيز،يوخولو اولور.دريسي‌نين دونان حيصه‌‌سي آغ ،دونمايان حيصه‌‌سي ايسه قيزارتيلي اولور.

بضا دونان آداما بعضي موداخيله‌لر اولونور – ايستي اوتاقا آپاريلير،ايستي سو ايله ال آياقي يويولور،ماساژ ائديلير،قارلا اوووشدورولور،درييه بعضي درمانلار چكيلير،سپيرتلي ايشكي و يا سيقارت وئريلير كي،بو ده خسته‌نين حاليني داها دا پيسلشديره بيلر.

ايلك يارديمجي نه ائتمه‌ليدير؟- ايلك اؤنجه خسته‌نين ياش پالتارلاريني چيخارماليدير.ايستيدن و سورتونمه‌دن قوروياراق بير آديالا بوكولمه‌ليدير.ياواش-ياواش درييه تماس ائديلمه‌ليدير.ايليق سو(ايستي يوخ!) بو معنادا ياخشي اولار.خسته‌يه ايليق و شيرين ايچمه‌لي بير شئي وئريلمه‌لي و ايلك موداخيله‌نين آرديندان تئز بير زاماندا خستخانايا چاتديريلماليدير.



یاییلیب : شنبه 27 خرداد 1391 | یازار : نژادمحمد | بؤلوم : ساغلامليق | 1 باخیش

خييارين خئيري

خييار دئمك اولار كي، 95% سودان عبارتدير. او، سوزوزلوغو چوخ گؤزل ياتيزديرير.قالان 5-6 فايز ايسه فايدالي مينئرال و ويتامينلر توپلوسودور؛ 2% شكر (قلوكوزا، فروكتوروزا، نيشاستا)، 1،5% زولال 0، 75% سئللولوز، عطيرلي مادده‌لر.خيياردا ب2 ويتامي‌نين ميقداري تورپداكيندان، ب1 ويتامي‌نين ميقداري چوغوندورداكيندان، يودون ميقداري ايسه ديگر تروزلرده‌كيندن قات-قات چوخدور.هم ده خييارين تركيبينده قلوكوزا، فروكتوزا، نيشاستا،آسكوربين تورشوسو (ويتامين ج)، آ، ج، ائ، پپ، ه ويتامينلري، كاروتين،خلوروفيل،كاليوم،كالسيوم،فوسفور،ماقنئزيوم،دمير،ناتريوم،خروم،سيليسيوم،خلور،كوبالات،سير-كونيوم،مانقان،نيكئل،ميس،سينك،عاليمينيوم،قورغوشون،گوموش،تيتان دا وار.

8-12 گونلوك توخوملوق خييار پهريز و موعاليجه‌‌وي خصوصيتلره ده ماليكدير.خيياردا كاليومون اوستونلوك تشكيل ائتمه‌سي اونون قبولوندان سونرا اورقانيزمده سويون حركتي‌نين سرعتلنمه‌سينه سبب اولور. خييار گوجلو سيديكقوووجو خصوصيتلره ده ماليكدير، اورقانيزمده‌كي كيچيك هجملي شيشلري كنارلاشديرير،آرتئريال تضييقي آشاغا سالير، اورك ريتمي‌نين پوزغونلوقلاري زاماني موسبت تأثير ائدير.طبيعي شرايطده يئتيشديريلن خييار ايستيخانالاردا يئتيشديريلن خييارلاردان قات-قات خئييرليدير.خييار آغريكه‌سيجي،يونگوللشديريجي خصوصيتلره ماليك اولماقلا ياناشي قيزديرما، شيش علئيهينه ائففئكتلي واسطه‌‌دير.



یاییلیب : سه شنبه 2 خرداد 1391 | یازار : نژادمحمد | بؤلوم : حاميله ليك و اوشاق | 1 باخیش

حاميله‌ليك پروقرامي

رسولي اكرم بويوروب: صالح اؤولاد جنّت گوللريندن بيريدير!

بيرينجي آي: جومه آخشامي ياسين و صففات سوره‌لري اوخونسون.

ايكينجي آي: جومه آخشامي و جومه گونلري مولك سوره‌سي تيلاوت اوخونسون. هابئله جومه آخشامي گونلري 140 دفعه‌‌، جومه گونلري 100 دفعه‌‌ پئيغمبر و اونون اهلي بئيتينه سالاوات گؤندريب، آخيريندا ايسه و اججيل فره‌جهوم دئييلسين.

اوچونجو آي: جومه آخشامي و جومه گونلري آلي عمران سوره‌سي تيلاوت اولونسون و آخيريندا 130 دفعه‌‌ و اججيل فره‌جهوم دئييلمكله سالاوات گؤندريلسين.

دؤردونجو آي: جومه آخشامي و جومه گونلري اينسان سوره‌سي اوخونسون و هر گون 40 دفعه‌‌ سالاوات گؤندريلسين.

بئشينجي آي: جومه آخشامي و جومه گونلري فئته سوره‌سي اوخونسون.

آلتينجي آي: جومه و جومه گونلري واقيه سوره‌سي تيلاوت اولونسون.

يئددينجي آي: آذان، ايقامه و گئجه نامازلارينا دقت يئتيرمكله بازار ائرته‌سي گونلري نهل سوره‌سي، جومه آخشامي و جومه گونلري ياسين و مولك سوره‌لري تيلاوت اولونسون. همچي‌نين 140 دفعه‌‌ سالاوات دئييلسين.

سككيزينجي آي: شنبه گونلري صوبح نامازيندان سونرا قدر سوره‌سي 10 دفعه‌‌، بازار گونلري صوبح نامازيندان سونرا تين سوره‌سي 2 دفعه‌‌، بازار ائرته‌سي گونلري 1 دفعه‌‌ ياسين سوره‌سي، چرشنبه گونلري اينسان، جومه آخشامي گونلري محمّد سوره‌سي، جومه گونلري ايسه صففات سوره‌سي تيلاوت اولونسون.

دوققوزونجو آي: جومه آخشامي گونلري حج سوره‌سي، جومه گونلرينده ايسه فاتير سوره‌سي تيلاوت اولونسون.

حاميله‌ليك دؤورونده عمل اولونان قايدالار.

1. 40 گون آشورا زيارتيني، هابئله القه‌مه زيارتيني اوخوماق.

2. 40 گون ياسين سوره‌سيني اوخويوب نارا اوفوردوكدن سونرا يئمك.

3. 40 دفعه‌‌ يوسيف سوره‌سيني اوخويوب آلمايا اوفوردوكدن سونرا يئمك.

4. 40 دفعه‌‌ توسسول دعاسيني اوخوماق.

5. 40 گون جاميئيي كبيره زيارتنامه‌سيني اوخوماق.

6. 40 گون آلي ياسين زيارتنامه‌سيني اوخوماق.

7. 40 جومه آخشامي گجه‌سي كومئيل دعاسيني اوخوماق.

8. 40 گون نودبه دعاسيني اوخوماق.

9. 40 گون جومه گونو آخشامچاغي سيمات دوسيني اوخوماق.

10. 40 گئجه ياتمازدان قاباق هديد، تغابون، جومه و صفف سوره‌لريني اوخوماق.

11. هر نامازدان سونرا، همچي‌نين هر گئجه ياتاركن حضرتي فاطمه‌‌يي زهرا (ائ.س ) اين تسبيحاتيني دمك. (34 دفعه‌‌ اللهو اكبر، 33 دفعه‌‌ صوبحناللاه، 33 دفعه‌‌ الهمدوليللاه)

12. آزي 40 گئجه گئجه نامازي قيلماق.

13. 40 جومه، جومه قوسلو آلماق.

14. 40 دفعه‌‌ حديثي كسا - ني و ايمام زامان (ه.ف.) اين زيارتنامه‌سيني اوخوماق.

15. 40 گون صوبح نامازيندان سونرا عهد دعاسيني اوخوماق.

16. 40 گون سحر چاغي آجقارينا 12 دفعه‌‌ بي‌سميللاه دمكله 12 عدد كيشميش يئمك.

17. حاميله‌ليگين ايلك اوچ آييندا 40 گون آجقارينا 7 عدد كوندور يئمك. (بير نؤو آغاج شيره‌سيدير)

18. يئددينجي آيدان سونرا تسبيح ايله باشلايان 5 سوره‌ني تيلاوت ائتمك. هديد، تغابون، جومه، هشر، صفف.

19. هميشه دستمازلي اولماق.

20. گئجه‌لر ياخشي اولار كي، گوزگويه باخماماق.

21. ايستر كيچيك، ايسترسه ده بؤيوك گوناهلاردان چكينمك.

22. تمكينلي اولوب هئچ واخت عصبلشمه‌مك.

23. كؤرپه دونيايا گلن زامان ساغ قولاغينا آذان، سول قولاغينا ايقامه دئيين.

24. اوشاغين آديني روح اولماميشدان 4 آي 10 گونلوكدن اول قويون



یاییلیب : دوشنبه 25 اردیبهشت 1391 | یازار : نژادمحمد | بؤلوم : ساغلامليق | 2 باخیش

مده خرچنگي‌نين موعاليجه‌‌ اصوللاري

سوغان قابيغي‌نين چاييني ايچمك ( ان آزي 1،5 ليتر)

گون عرضينده موختليف تروزلر شيره‌سي 3-4 جوره.

تزه كلمي چيي-چيي يئمك ، نه قدر يئيه بيلسن.

دوز باغيرساغي تميزله‌مك (ايماله).

موعاليجه‌‌ واختي قيزارديلميش يئمكلردن، آجي ايستيوتدان و س. كيمي قيجيقلانديريجي قيدا ماددلريندن ايمتينا ائتمك لازيمدير.(سپيرتلي ايچكيلر ، شوكولاد و س.)

بير گون عرضينده 5 آددا چيي تروزين شيره‌سيني ايچمك لازيمدير.25-30 گوندن سونرا خسته‌نين حالي نظرچارپاجاق درجه‌‌ده ياخشيلاشاجاقدير.بو ارفه‌ده موعاليجه‌‌نين 10-15-جي گونلري ارفه‌سينده قاناخمالار باش وئره بيلر.قورخويا دوشمه‌يه ديَمز، چونكي بو حال جمعي 1 گون داوام ائده بيلر.اونون دا اساس سببي مدده اؤلموش توخومالارين بدندن خاريج اولونماسي ايله علاقه داردير.

تورت يئمك اولماز.



یارپاق لار : 1 2 3 4 5 .. 8

free counters
Free counters


Powerd By : ARZUBLOG.COM Theme Designer : Blogskin.ir