مئيوهلر حاقيندا بيلمهديكلريميز
آلما-تركيبينده ج،ب1،ب2،ف،ائ ويتامينلري، كاروتين،ك،جا،فئ،مارقانس،پئكتينلر،شكر،عضوو تورشولار واردير.سكلئروز علئيهينه،اورك،باغيرساق،بؤيرك،هيپئرتونييا،قانسيزليق،پييلنمه خستهليكلرينه و بؤيركده داشلارا قارشي ثمرهلي موعاليجه واسطهسيدير.
آرمود-ج و ب1 ويتامينلري،شكر و عضوو تورشولارلا زنگيندير.سيديكقوووجو،ميكروب علئيهينه ،سيديك يوللارينين اينفئكسيياسي و بؤيركده داش اولان واخت ايستيفاده اولونور.
اوزوم-ك،جا،مارقانس،جو،ج،پ،پپ،ب1،ب6،ب12 ويتامينلري،كاروتينله و عضوو تورشولارلا زنگيندير.تركيبينده 18-20 درجه زولال وار.بؤيركلر،آغ و قارا جيير،پوداقرا،هيپئرتونييا و.س.،بوتؤولوكده اورقانيزمي مؤحكملتمك قابيليتينه ماليكدير.
اريك-تركيبينده 20-27 % شكر،عضوو تورشولار (ساليسيلات،آلما تورشوسو،ليمون تورشوسو)، آ ويتاميني (كاروتين)،ج و ب13 ويتامينلري،كاليوم دوزو،فئ،پ،مگ زنگيندير.اريك و قوروسو اورگي و بئيني قيدالانديرير.
آلبالي-قلوكوزا،فروكتوزا،ج،ب1،پپ ويتامينلري،كاروتين،عضوي تورشولار،جو،جا،مگ،فئ،پئكتين زنگيندير.قان آزليغيندا،آغ جييرين،بؤيرگين موعاليجهسينده،آترئسكئلئروز و قبيزليكده ايستيفاده اولونور.
نار-اورقانيزمي مؤحكملنديرير،هزمولماني ياخشيلاشديرير،مدهآلتي وزيني ساغالدير،قاني تميزلهيير،قان آزليغيني آرادان قالديرير.
كؤرپهنين دويغولاري نه واخت اينكيشاف ائدر
ائشيتميي اؤيرنمك
دوغوم سونراسي: ائشيتديگي سس ايستيقامتينه باخار.
بير آيليق: سسلري آييرد ائتمهيه باشلايار.
اوچ آيليق: بير سسه قارشي باشيني ساغا يا دا سولا حركت ائتديرر.
دؤرد آيليق: سسين يئريني تاپيب اونا دؤنه بيلر.
بئش آيليق: اوستدهكي يا دا آلتداكي سسلري تاپار، سسلري و تونلاري آييرا بيلر.
آلتي آيليق: اؤز آديني بيلر و سسلري بيرلشديره بيلر.
اون آيليق: "قوش" يا دا "توپ" كيمي تانيش اشيالرين آدلاريني بيلر. "آل، توت" و يا "گؤستر" كيمي ساده ايستكلره اويغون داورانا بيلر.
اللري ايستيفاده ائتمك
دوغوم سونراسي: اوووجونا يئرلشديريلن بير جيسيمي رئفلئكس اولاراق توتار.
اوچ آيليق: ايستهيهرك اوزانا بيلمز، آنجاق بير جيسمه توخوندوغوندا هيجانلانار.
دؤرد آيليق: بير چوخ جيسيملري قاورايا بيلر.
بئش آيليق: اوزانماق و توخونماق اوچون اللريني آچار.
آلتي آيليق: سالديغي بير اشياني ايزلر و بير حيصهسي گؤرونن اشيانين بوتون فورماسيني آنلايار.
يئددي آيليق: اللريني گؤزلرييله نظارت ائدر، بير جيسيمي توتماق اوچون اوووجلاريني آچار، اوزاناركن گؤزلريني اللريندن آييرماز، ايكي اليني بيرليكده ايستيفاده ائدر.
سككيز آيليق: اؤزونه ديگيرلنن بير توپو توتا بيلر، بير اشياني توتماق اوچون بارماقلاريني و اوووجونو بيرليكده ايستيفاده ائدر، بير اشيايا چاتماق اوچون باشقا بير اشيادان كؤمك آلار.
دوققوز آيليق: ايستهيهرك اشيالاري آتار، ايتلهير و دارتاراق، بير اشياني بير اليندن ديگرينه كئچيره بيلر.
اون آيليق: بير جيسيمي توتماق اوچون اللرييله اوستونو باغلاماق يئرينه بارماقلارييلا آنلاييشلا حركت ائتمهيه چاليشار.
اون اوچ آيليق: بير جيسيمي گؤتورمهدن اول اليني ان ياخشي مؤوقئيه گؤره حاضرلايار. اوبيئكتلري بير قاب ايچينه قويا بيلر.
اون دؤرد آيليق: بير قوتونو ديگرينين اوزرينه قويا بيلر.
اون يئددي آيليق: بير توپو يومرولايا بيلر.
اون سككيز آيليق: بير چوخ بلوكدان بير قولله مئيدانا گتيره بيلر؛ رنگلي بوياني توتوب بير كاغيذا شكيللر چكه بيلر.
گؤرميي اؤيرنمك
دوغوم سونراسي: گؤزببكلري ايشيغا نيزاملانار و 20-25 سم اوزاقليغا فوكوسلانا بيلر. گؤزلري بيرليكده حركت ائتمهيه بيلر، آنجاق باش ياواشجا حركت ائتديريلسه گؤزلرييله آدامي ايزلر.
بير آيليق: آنانين اوزونو تانييار.
ايكي آيليق: گؤزلري بيرليكده فوكوسلانار؛ اشيالارين كنار و كونجلريني گؤره بيلر.
اوچ آيليق: ياخشي بير اطراف حاقيندا فيكري يارانار.
دؤرد آيليق: بيري يا دا بير شئيين تانيش اولدوغونو بيلر و اللرينه باخار.
آلتي آيليق: آيناداكي گؤرونوشونو اللهمهيه چاليشار، بير اشيانين فرقي بوجاقلاردان عيني اولدوغونو قاورايار، يئره سالديغي بير اشيانين آختاريشينا باشلار.
يئددي آيليق : كيچيك جيسيملره بئله فوكوسلانا بيلر.
سككيز آيليق: درين اوبيئكتلرين درينده اولدوغونو آنلايا بيلر.
اون بير آيليق: سرعتلي، حركتلي اوبيئكتلره فوكوسلانا بيلر.
اون ايكي آيليق: آنانين گؤردويو قدر ياخشي گؤره بيلر، بير اشياني سون گؤردويو يئرده آختارا بيلر.
تئخنولوگييانين اوشاقلارا ضرري
كومپيوتئر، تي وي، ويدئو اويونلاري و جيب تلفونلاري گوندهليك حياتيميزين آيريلماز حيصهلريدير. اينكيشاف ائدن تئخنولوگييانين اوشاقلارا منفي تأثيري چوخدور. بونلاري گؤزدن كئچيرك:
0-2 ياش: آمئريكا اوشاق آكادئميياسي بو ياش اوشاقلارين اصلا ائكرانلا قارشيلاشمامالاريني تكليف ائدير. آپاريلان آراشديرمالار گونده 2 ساعتدان چوخ تئلئويزييا سئير ائدن اوشاقلارين ديل اينكيشافينين ديگر اوشاقلارا نيسبتن 6 دفعه داها گئريده اولدوغونو بيلديرميشدي.
2-5 ياش: بو ياشلار آراسينداكي اوشاقلارين تئلئويزييا ايزلهمك يئرينه زامانلاريني اويونلارا و اجتماعيلشمهيه آييرمالاري اويغوندور. بو ياش آراسينداكي اوشاقلارين يالنيز 1 ساعت تئلئويزييا ايزلهمهلري مصلحتدير. آنجاق آنا آتالارين اوشاقلارا شدّت صحنهسي اولمايان پروقراملار، خصوصيله جيزگي فيلملره باخيلماسينا ايجازه وئريلمهسي مصلحتدير.
6-11 ياش: اوخوما و تاپشيريقلارا صرف ائديلن زاماني چوخالتماق اوچون بو ياشدا اوشاغين تئلئويزييا سئيرينه نظارت ائديلمهليدير. آراشديرمالار، اوشاغين گونده 1-2 ساعت تئلئويزييايا باخماسينين مكتب موفقيتينه، خصوصيله اوخوما مؤوضوسونداكي ايرهليلييشينه منفي تأثير گؤسترديگيني موعيين ائتميشدير.
عائلهلر بو ياش قروپو اوچون كئيفيتلي پروقراملار (طبيعت ايله علاقه دار پروقراملار) آختارماق مجبوريتيندهديرلر. بو ياش اوشاقلاري، مكتب اولي ياشدا اولان اوشاقلار كيمي جيزگي فيلملري سئور و اوراداكي قهرامانلارا اوخشاماق ايستهيرلر. بو تيپ پروقراملارين "تجاووزكارليق" ايستيقامتي مينيموما ائنديريلمهليدير. تئلئويزييانين يارادا بيلهجك منفي تأثيرلريني مينيموما ائنديره بيلمك اوچون شدّت اولان فيلملردن اوشاقلاري اوزاقلاشديرماق لازيمدير. چونكي بير چوخ آراشديرمالار شدّت مئساژلاري ايله دولو فيلملرين اوشاقلاردا قورخويا سبب اولدوغونو گؤسترميشدير. عيني زاماندا هدديندن آرتيق تئخنولوگييا آسيليليغينين كؤكلمهيه سبب اولدوغو، خستهليكلره زمين ياراتديغي دا قئيد اولونموشدور.
7-12 ياش: اوشاقلاردا هدديندن آرتيق تئلئويزييا سئير ائتمهسي ائو تاپشيريغينا آييرديغي زاماني آزالدير. تئلئويزييا سئيري پاسسيو بير ايشدير. ياراديجيليغي آزالدير. اينتئللئكتوال وئريليشلره باخماق داها مقصدويغوندور.
قادينلار ياشلانماغين،قيريشلارين قارشيسيني آلماق اوچون هر جور باهالي كرئملردن ايستيفاده ائديرلر.لاكين هر واسطه او قدر ياخشي ائففئكت وئرمير.آمما آوسترالييانين گؤزلليك ائكسپئرتلري قادينلارين جاوان قالماسينين اونلارين حيات طرزيندن آسيلي اولدوغونو ثبوت ائدير:
ياشيل چاي
-تركيبينده چوخلو آنتيوكسيدانتلار اولان ياشيل چاي سربست راديكاللارا تأثير ائديب،قوجالماني لنگيدير.گونده 8 ستكاني كئچمهمك شرطي ايله ياشيل چاي ايچمك اولار.
مئيوه ميكسلري
-قيريشلار علئيهينه ان ايدئال ماسكا مئيوه قاريشيقلاريدير.ائو شرايطينده چييلك ،قرئيپفروت،آلمادان حاضرلانان ماسكالار اوزو تام هامارلاشديراجاقدير.
تونوس
-بدن تونوسو ياشلانماقدا اولان هوجئيرهلري لنگيدير.بدن تونوسونو ساخلاماق اوچون گونده هئچ اولماسا 30 دقيقه ايدمان حركتلري ائتمك واجيبدير.
گولوش
-گولوش سترئس هورمونو اولان كونتيزولون سويهسيني آشاغي سالير.كونتيزول يوكسك اولدوغو زامان قيريشلار عمله گلمهيه باشلايير.
اينتيم
-موتمادي اولاراق،فيزيكي ياخينليق ائتمك قاندا خوشبختليك هورمونو اولان سئروتونيني يوكسلدير.بو دا ياشلانمانين قارشيسيني آلير.
مئيوهلر حاقيندا بيلمهديكلريميز
گاوالي-موعاليجهوي مئيوهدير.تركيبينده 16 % شكر،كوللي ميقداردا ك،پئكتين،ج،ب1،پپ،كاروتين،عضوي تورشولار وار.گاوالي (الخسوس،قوروموش قارا گاوالي) يومشالديجي و سيديكقوووجودور.آترئسكئلئروز،قارا جيير،اورك،بؤيرك،هيپئرتونييا اوچون واجيبدير.
موروق-تكيبينده 9-10 % شكر،چوخلو فئ،جو،جا،پئكتين،عضوي تورشولار،ج،ب1،ب12،پپ ويتامينلري و ديگر ديَئرلي ماددهلر وار.مده-باغيرساق تراكتينين ماليجهسينده،آترئسكئلئروزدا،بؤيرك خستهليگينده،هيپئرتونييادا ايستيفاده ائديلير.
قارا قاراغات-ايتبورنودان سونرا ج ويتاميني ايله زنگين اولان ان قييمتلي بيتكيدير.تركيبينده 300 مق / % قدر ج ويتاميني،چوخلو ب1،پپ ويتامينلري،كاروتين،ك،فئ،ليمون تورشوسو،آلما تورشوسو و ديگر عضوي تورشولار،پئكتين،16 % قدر شكر واردير.مده ياراسينا،قاستريته (تورشوسو آز اولاندا)،آتئروسكئلئروزا،بؤيرك خستهليكلرينه قارشي،ماددهلر موباديلهسي پوزولاندا و قان آزليغي باش وئرنده ايستيفاده اولونور.
بوراني-تركيبينده ك،جا،مگ،فئ،شكر،ج،ب1،ب2،پپ ويتامينلري،كاروتين،زولال و.س. واردير.ورهمه قارشي ياخشي واسطهدير.توموندان قارين قوردونو سالماق اوچون ايستيفاده اولونور.بوراني،اساساً،اورك،بؤيرك،پييلنمه،هيپئرتونييا،قبزليك خستهليكلرينه قارشي ثمرهلي واسطهدير.
قارپيز-تركيبينده ج،پپ،ب1،ب2 ويتامينلري،كاروتين،پئكتين،ك،كاربوهيدرات زنگيندير.بؤيرك،اورك-دامار (او جوملهدن،هيپئرتونييا) خستهليكلري واختي ايستيفاده اولونور،اورقانيزمدن زهرلي ماددهلري چيخاران گؤزل واسطهدير.
يئميش-تركيبينده 13 % شكر،بوندان علاوه بوللوجا ج،پپ ويتامينلري،كاروتين،فئ و.س. واردير.قبزليك،آتئروزكئلئروز،باباسيل،اورك-دامار و قان خستهليكلرينين موعاليجهسينده ايستيفاده اولونور.خاطيرلاديريق:يئميشي يالنيز آيريجا قيدا كيمي قبول ائتمك لازيمدير.
كپكله موباريزه
كپك دري پروبلئميدير.هر بير اينسانين ووجود دريسي موتمادي اولاراق اؤلو هوجئيرهلري آتاراق يئنيلهنير.بو يئنيلنمه 24 گوندن بير باش وئرير.كپك،باش دريسيندهكي اؤلو دري هوجئيرهلرين آنورمال موحيطده قوروياراق آتيلماسي پروسئسيدير.ياز آيلاريندا آزالير،قيش آيلاريندا آرتير.نورمال ساچ دريسينده اؤلو هوجئيرهلرين آتيلماسي و يئنيلنمهسي مدتي پروبلئمسيز حياتا كئچير.كپك پروبلئمي اولانلاردا ايسه بو فونكسييا پوزولور،ساغلام هوجئيرهلر ده زده آلماغا باشلايير.آمئريكا متخصصلرينين آراشديرمالارينا گؤره،بونا سبب “مالاسسئزييا گلوبوسا”ادي وئريلن گؤبلكدير.بو گؤبلك اينسان دريسينده ياشايير و اوراداكي ياغلا قيدالانير.قاشينما و دورومدان آسيلي اولاراق درينين پول-پول تؤكولمهسينه سبب اولان گؤبليي آراشديران عاليملر بيلديريبلر كي،هر بير اينسانين ساچ دريسينده اونون سايي 10 ميليونا چاتير.اونلار درينين اوست قاتيندا اولور و حساس دريلرده كپهيين عمله گلمهسينه داها تئز نايل اولورلار.
ديگر منبعده قئيد اولونور كي،كپهيين عمله گلمه سببلري ياغلي دريسي اولانلاردا داها چوخ اولور.
كپهيين يارانما سببلري آشاغيداكيلاردير:
1.ساغلامليقلا باغلي پروبلئملر
2.هدديندن آرتيق ترلهمه
3.تميزليگين اولماماسي
4.يورغونلوق
5. سترئس
6. هدديندن آرتيق شكر،ياغ،نيشاستادان ايستيفاده
7. دوزگون اولمايان قيدالانما
8.هدديندن آرتيق ساچ لاكي
9.ساچ بويالاريندان،ائلئكتريكلي بوقيديلردن دوزگون ايستيفاده ائتمهمك
10.سويوق هاوا
11.ساچين آز-آز يويولماسي و شامپوندان سونار ياخشي دورولانماماسي
12.گؤبلك خستهليكلري
13.هورمونال ديَيشيكليكلر
كپكله نئجه موباريزه آپارمالي؟
دوزگون قيدالانمانين كپهيه بؤيوك تأثيري واردير.كپهيين عمله گلمهسيني سرعتلنديرن كاربوهيدرات و ياغ تورشولارينا قارشي بول ب ويتاميني كومپلئكسي قبول ائتمك داها مقصده اويغوندور.
كئيفيتينه اينانديغينيز كپهيه قارشي شامپونلاردان ايستيفاده ائدين.ساچينيزي شامپونلا ياخشيجا كؤپوكلنديريب تميز ياخالايين.
ساچينيزي يوياركن 2 دفعه شامپونلاييرسينيزسا اونلارين اورتاسيندا آلما سيركهسيندن ايستيفاده ائتمك فايدالي اولماق باخيميندان موسبت نتيجهلر وئرميشدير.يعني بير دفعه شامپونلا يويوب ياخالايين،سونرا سيركهلي سويو ساچينيزا تؤكوب بير نئچه دقيقه گؤزلهيين،سونرا يئنه شامپونلايين.
سارميساق كپهيه قارشي گوجلو سلاح ساييلير.بونون اوچون بول-بول ساريمساق يئمهليسينيز.
سوغاندا يوكسك فايزده كوكورد وار.هردنبير بير سوغاني ازهرك ماساژلا ساچ ديبينه سورتمهيينيز كپهيه قارشي تأثيرلي اولا بيلر.بوندان علاوه هفتهده بير دفعه كوكورتلو شامپوندان ايستيفاده ائدين.
كپيي بعضي هئمواپاتيك موعاليجه،خصوصي ماساژلارلا دا آزالتماق مومكوندور.
كپك شامپونلارينين تركيبي نئجه اولمالي؟
كپك پروبلئمينين ان چوخ ياييلميش موعاليجهسي تركيبينده آشاغيداكي ماددهلر اولان شامپونلاردير.
كؤمور-قطران
پيوريتهيونئ-سينك
ساليسيليك آسيت
سئلئييوم سولفيت
كوكورد
كپهيه قارشي ماسكالار:
اگر باشينيزين دريسي ياغلي و كپكليديرسه،بو جور موعاليجهيه اوستونلوك وئرين:كالئندولا جؤوهريني چيخارين،اونو سپيرتله قاريشديرين.همين قارييشيقدان 10 حيصه گؤتوروب 1 حيصه گنگرچك ياغي ايله قاريشديرين.مهلولو باشينيزين دريسينه ياخين.اگر باشينيزين دريسي قورودورسا،اوندا گنگرچك ياغيني،كالئندولا چيچيينين جؤوهريني و سپيرتي برابر ميقداردا گؤتوروب ماز حاضرلايين.اونو آخشاملار باشينيزا ياخين،دسماللا سارييين و سحرلر يويون.
اگر باشينيزدا قاشينما وارسا،كپك چوخدورسا،بو واسطهني تطبيق ائتميي اونوتمايين:10قر توزاغاجي قاتراني،20 قر گنگرچك ياغي،100قر سپيرتي قاريشديرين،باشينيزين دريسينه سورتون،دسماللا باغلايين و 2 ساعتدان سونرا يويون.بير نئچه گونلوك بئله آرديجيل موعاليجه پروسئدوروندان سونرا نتيجهدن راضي قالاجاقسينيز.
بو ماسكا كپكلي،تؤكولن و قيريلان ساچلار اوچون چوخ فايداليدير.چمنوتو توخومونو اويودوب توز حالينا سالين(كوفئچكن ماشينلا دا ائده بيلرسينيز)و گئجهدن سويا قويون.سحر الده ائتديگينيز بو قاريشيغي باش دريسينه سورتوب ماساژ ائدين و 15-20 دقيقه ساخلايين.سونرا يومشاق شامپونلا يويون.بوتون ساچ تيپلري اوچون ايدئال ماسكادير.
بو بيتكي كپك و ساچ تؤكولمهيه قارشي الا واسطهلردن بيريدير.بير خؤرك قاشيغي پيتراق كؤكونون اوزرينه قاينار سو تؤكرك،اونون ياريسي بوخارلانانا قدر بيشيريرلر.سونرا بو هليمه بير قدر قويونون ايچ پيگيندن قاتيرلار و قاريشديراراق ضعيف اوددا ايسيديرلر.سونرا بو تركيبي بير ساخسي قابا تؤكرك(پيتي قابيني گؤتورمك اولار)آغزيني خميرله باغلاييب،بير نئچه ساعتليق دوخووكايا قويورلار.عمله گلميش تركيبي باش يوماميشدان اول اونون دريسينه سورتورلر.
ائبرو شالليدان دئتوكس ايچكيسي
مانكئن ائبرو شاللي بير دئتوكس ايچكيسي كشف ائديب.ايدداسينا گؤره ايچكي بدنه چوخ خئييرليدير.بئلهكي ايچكي ووجودداكي توكسينلري تميزلهيير،ياگلارين تئز بير شكيلده يانماسينا كؤمك ائدير و سئلوليتلي بؤلگهلري ييگير.
هر كس ائوينده چوخ راحتليقلا حاضرلاييب سحر يئمهييندن ياريم ساعت اول 1 ستاكان ايچمكله 5 گونده تأثيريني گؤرهجك
بو دا ايچكينين تركيبي و حاضرلانماسي
2 ائنگينار
1 دسته بروكولي
1 اورتا بوي سوگان
ياريم ليمون سويو
3 كاباچكي
1 دسته چفري
تروزلري سودا قايناديريق.داها سونار سويلا بيرليكده بلئندئردن كئچيريريك.اوستونه ليمون سويو علاوه ائديب تكرار بلئندئرده قاريشديرين.سونرا ايسه ايستي و يا سويوق حالدا ايچين.ايچينه باشقا هئچ نه علاوه ائتمهيين.
دوغوشون بيرينجي دؤورو-دوغوش سانجيلارينين تأثيري آلتيندا اوشاقليق بوينونون گئنيشلنمهسيدير. تام آچيلميش اوشاقليق بوينونون ديامئتري 10 سم-ه ياخين اولور. تام آچيليش زاماني دؤلو احاطه ائدن قيشالار جيريلاراق دؤلياني سولار خاريج اولور (بو پروسئس آغريسيز اولور).
بعضي حاللاردا دؤلياني سولار اوشاقليق بوينونون هله تام آچيلماديغي دؤورده ده خاريج اولا بيلر. بو حال سون نتيجهده نورمال دوغوش فعاليتينين پوزولماسينا دا سبب اولا بيلر.
دوغوشون بيرينجي دؤورونون مدتي ايلك دفعه دوغان قادينلاردا 12-18 ساعت،تكرار دوغان قادينلاردا ايسه ايكي دفعه قيسا اولماقلا داوام ائدير. دوغوش زاماني سيزين نورمال و ساكيت داورانيشينيز دوغوش پروسئسينه خئيلي موسبت تأثير گؤستره بيلر. سيز نه قدر سربست اولسانيز، دوغوش دا بير او قدر تئز باشا چاتميش اولار.
اگر قادين گرگين وضعيتده قاليرسا، اوشاقليق بوينو گئج آچيلميش اولور. اوشاغين و اينتئنسيو فعاليتده اولان اوشاقليغين اوكسيگئنله ياخشي تعمين اولونماسي اوچون نورمال نفس آلماق واجيب حساب اولونور.
سانجي توتماسي ياخينلاشديقدا دريندن نفس آلماق و نفس وئرمك لازيمدير. سانجيلار باشلايان كيمي سيز تام ساكيتلشمهليسينيز. سونرادان بير قدر تئزلشميش ريتمده اولماقلا ستهي نفسالما و نفسوئرمه حركتلريني يئرينه يئتيرمهليسينيز. بو زامان ديافراقمانين اوشاقليغا تضييق ائدهرك اونون ييغيلماسينا مانع اولماماسي واجيب حساب اولونور.
سانجينين كئچديگي حالدا دريندن نفس آلين (دؤش قفهسي و قارينين ايشتيراكي ايله)، نفهسي تدريجن وئرين. سانجي توتمالاري آراسينداكي دؤورده استراحت ائتمك و نورمال تنففوس حركتلريني يئرينه يئتيرمك لازيمدير. دوغوشون بيرينجي دؤورونون سونوندا سيزده گوج وئرمك ايستيي عمله گلسه ده،بونا يول وئرمهيين. بئله كي، ائركن گوجنمهلر اوشاقليق بوينونون تام آچيلماسينا مانع اولاراق دوغوش دؤورونون اوزانماسينا و سيزين واختيندان اول يورولماغينيزا سبب اولا بيلر.
دوغوشون ايكينجي دؤورو-دؤلون قووولماسي(خاريج اولماسي): بو دؤور اوشاقليق بوينونون تام آچيلماسيندان سونرا باشلاياراق اوشاغين دوغولماسي ايله باشا چاتير. ايلك دفعه دوغان قادينلاردا بو دؤور 30-45 دق داوام ائدير. بو دؤورده سانجي توتمالارينين سايي و داوامئتمه مدتي آرتميش اولور.
بوندان باشقا، بو دؤورده علاوه اولاراق گوجنمهلر قارين ديواري، چاناق و ديافراقما عضلهلرينين ريتميك شكيلده بيرگه ييغيلمالاري باشلايير. بو، نجيسه گئتمه حاليني خاتيرلادير. بو زامان ماما-طيبب باجيسينين دئديكلرينه تام شكيلده عمل ائتمهيينيز واجيبدير. سانجي ياخينلاشير-آراليق ساحهنيزي بوش وضعيتده ساخلاماقلا دريندن نفس آلين.
سانجي باشلاندي-بورونلا دريندن نفس آلاراق نفهسينيزي ساخلايين. دؤله مومكون قدر گوجلو تأثير ائدهرك اونو ايرهلييه ايتلهمك اوچون قارين عضلهلريني مومكون قدر ييغين. نفهسي آغيزدان بوراخين،يئنيدن بورونلا دريندن نفس آلاراق نفهسينيزي ساخلايين. سانجينين سونونا قدر سيز 3 دفعه گوجنمهليسينيز. سانجي باشا چاتدي-دريندن نفس آلين.
سانجيلاراراسي دؤورده ماما-طيبب باجيسي سيزه علاوه گؤستريشلر وئرمزسه،گوجنمهيين. اوشاغين باشي جينسي يولدان چيخديغي زامان موعيين آن دوغان قادينا گوجنمهمك تاپشيريلير. بو ستادييادا تئزلشميش ريتمده اولماقلا ستهي تنففوس حركتلريني يئرينه يئتيرمك لازيمدير. بو آنلاردا آرتيق گوج وئرمك اوشاغين باش حيصهسينين سرعتله چيخماسينا و آراليغين جيريلماسينا سبب اولا بيلر.
دوغوشون اوچونجو دؤورو (جيفتين خاريج اولماسي): بو دؤور جيفتين اوشاقليق ديواريندان آرالاناراق ديگر حيصهلري ايله بيرليكده اوشاقليق يوللاريندان خاريج اولماسي ايله كاراكتئريزه اولونور. بو دؤورده اوشاقليغين ييغيلماسي باش وئرير و نتيجهده جيفتين آرالانماسي باش وئرير.
قئيد ائتمك لازيمدلر كي، اگر حاميله قادين دوغوش مدتي عرضينده ماما-طيبب باجيسي و ماما-گينئكولوقون گؤستريشلرينه دقيق شكيلده عمل ائدهرك اؤزونو ساكيت آپارميش اولارسا، بو زامان دوغوش آنا و اوشاق اوچون علاوه پروبلئملر ياراتمادان قيسا بير مدت عرضينده اوغورلا باشا چاتميش اولور.
سوندا بوتون قادينلارا آنا اولماغي آرزو ائديرم!!!
دوداق باخيمي
دولغون، باخيملي و گؤزل گؤرونن دوداق ديشيليگين و سئكسوالليغين سيموولودور. دوداق باخيمي دوداقلاريميزين گؤزل و جازيبدار گؤرونمهسيني تعمين ائدر. دوداقلاريميز چوخ حساس و دريسي اينجه اولدوغو اوچون خصوصي بير باخيم ايستهيير. دوداقلاريميزي هدديندن آرتيق كولك، سويوق و ايستيدن قورومالي، قوروماسينين و چاتلاماسينين قارشيسيسني آلماليييق. بونون اوچون چانتاميزدا هر واخت بير چاتلاق كرئمي (ليپستيجك) ساخلاماليييق.
وازئلين و يا زئيتونياغييلا دوداقلاريميزي نملنديرهرك باخيميني ائده بيلريك.آيريجا سويوق هاوالاردا دوداقلارينيز چاتلاييرسا كاكاو ياغي ايستيفاده ائده بيلرسينيز.همچينين درينيز اوچون ايستيفاده ائتديگينيز نملنديريجي ايله دوداقلارينيزي دا نملنديرميي اونوتمايين.
دوداق ماكيياژي
دوداقلارينيزداكي قوسورلاري دوزلتمك اوچون آچيق تونلارداكي پومادالاري سئچمهليسينيز.
اگر دوداقلارينيز اينجهديرسه آچيق توندا و اوجو كوت بير دوداق قلمييله اوست دوداغينيزين اورتاسيندان باشلاياراق و دوداق خطتينيزين بير آز اوستوندن دوداقلارين بيرلشديگي يئره قدر يومشاق بير خطت چكين. عيني عملياتي آلت دوداغينيزا دا تطبيق ائتديكدن سونرا قلهمينيزين رنگيندن بير تون داها آچيق رنگده پومادا سورتون و آلت دوداغينيزين تام اورتاسينا بير آز پارلاديجي وورون.بئلهجه دوداقلارينيز هم داها سئكسوال هم ده داها دولغون گؤرونر.
پومادانيزي سورتمهدن اول موطلق دوداق قلمي ايستيفاده ائدين.
نه قدر يونگول ماكيياژ ائتسهنيز ده دوداق قلهمينه لاقئيد ياناشمايين. قلهمينيزين اوجونون كوت اولماسينا دقت يئتيرين. ايتي اوجلو قلم دوداقلارينيزين خطتلريني طبيعي گؤسترمز. قلهمينيزين رنگي پومادانيزين يالنيز بير تون توندو اولسون.
پومادانيزين داها قاليجي اولماسيني ايستهييرسينيزسه پومادا سورتمهدن اول دوداقلارينيزا بير آز كيرشان و يا تونال كرئم سورتون يا دا آسان چيخمايان پومادالاردان ايستيفاده ائدين.
اگر اسمر بير بدنه صاحبسينيزسه آچيق تونلاردا (چهرايي، نارينجي و س.) پومادالاري سئچين.
بونو اصلا اونوتمايين قادين اوچون ان گؤزهلي طبيعي گؤزلليكدير.
خصوصيله 20 لي و 30 لو ياشلاردا چوخ ماكيياژ گؤزلليگينيزي كؤلگلهير. بو ياشلاردا گؤزلرينه سولغون تونلاردا يونگولجه سورتهجهيينيز بير تئن، دوداقلارينيزا يونگول بير پومادا، بورون و چنهنيزين اوستونه بير آز كيرشان و آلليق، كيرپيكلرينيزه ايسه شفاف و يا قهوه رنگي تونلاردا بير كيرپيك اوچون توش سورتمك خصوصيله گوندوز ماكيياژي اوچون كافي و ايدئالدير.
