قادين
گؤزلليك،ساغلامليق،دوشونجه،اوشاق تربييه سي،حاميله ليك و...
یاییلیب : یکشنبه 28 اردیبهشت 1393 | یازار : نژادمحمد | بؤلوم : اوشاق و تربييه | 2 باخیش
جزالانديرماق يا دا جزالانديرماماق  
بير چوخ  موذاكيره‌ ائديلن مؤوضولاردان بيري ده جزالانديرماق، يا دا جزالانديرماماق مؤوضوسودور. سيزجه هانسي دوغرودور؟ 

بير چوخ آنا و آتا جزالانديرماغي اوشاغين دوغرو اؤيره‌ديلمه‌سي اوچون قاچيلماز اولدوغونو مودافيه ائدير. حتي بعضي آنا و آتالار آچيقجا اوشاقلارين يالنيز جزالانديريلماقلا ساكيتلشديگيني سؤيله‌ييرلر و بونو شدّتله مودافيه ائديرلر. 

اؤزونوزو دوشونون، اوشاقليق دؤورونوزده جزالانديريلديغينيز آنلاري خاتيرلاماغا چاليشين، نئجه بير دويغو ياشاييردينيز؟ 

جزالانديرماق چوخ واخت، كين، نيفرت و اينتيقام حيسّيني يارادير، آدامي داها دا عصبي اولماغا وادار ائدير و سونوندا دا آدامين  اؤزونه اولان اعتباري‌نين ايتيرمه‌سينه سبب اولور؛ بو ايشين سونو بضا آدامين اؤزوندن بئله نيفرت ائتمه‌سينه و دونيايا چوخ منفي بير گؤزله باخماسينا  گتيريب چيخارير. 

جزالانديرماق پيسديرسه، بس نه ائتمك لازيمدير؟ دئيه سوروشورسونوزسا، سيزه بير سيياهي وئره بيله‌رم. عامّا هر شئيدن اوّل بونو بيلمه‌ليسينيز كي، سيز بير اينسان يئتيشديريرسينيز و بير اينسان يئتيشديرمك، بير بريليانت ايش‌له‌مكدن چوخ داها چتين و صبر طلب ائدن بير ايشدير. بونو اونوتمايين كي، ايندي هر  بير اوشاق اولان اوغول-اوشاغينيز بير گون قارشينيزا سيزين بويونوزدا بير اينسان اولاراق چيخاجاقلار؛ بوندان هئچ شوبهه‌نيز اولماسين.عامّا اونلاري ايندي بير بريليانت كيمي صبر و دقتله بؤيورتسه‌نيز بير نئچه   ايللر سونرا قارشينيزداكي اينسانلا سئوينه بيرسينيز  محض بو منيم اؤولاديم دئيه بيلرسينيز. 

بير آز صبيرلي اولسانيز، اصلينده دوغرو اوصوللارين داها آسان نتيجه‌لر وئرديگيني ده چوخ تئز فرق ائده‌جكسينيز. سحو اوصوللارلا اوشاغينيزي دوغرويا ايستيقامتلنديرمك چوخ داها چتين نتيجه‌لر وئره بيلر، حال‌بوكي، دوغرو اوصوللاري ايلك باشدا بير آز صبر گؤستره‌رك تطبيق ائتمك لازيمدي.چوخ داها آسان و قطعي نتيجه‌لر وئرديگيني قيسا بير زاماندا فرق ائده‌جكسينيز. 
جزالانديرماق يئرينه نه‌لر ائده بيلريك سوالينا گئري دؤنوب، بو اوصوللاري قيساجا سيياهي حاليندا سيرالاماق ايسته‌ييرم. 
1)دوغرونو اونا گؤسترين. . 
2)اوشاغين صحويني اونا ايضاح ائدركن، اوشاغين شخصيّتيني هدف آلمايين. 
3)اوندان ايسته‌ديكلرينيزي آچيقجا سؤيله‌يين و دويغولارينيزي ديله گتيرين. 
4)صحولريني نئجه دوزلتمه‌سي لازيم اولدوغونو اونا ايضاح ائدين. 
5)بونلارين هئچ بيري ايشه ياراماديسا، ايندي محدودلاشديرما گتيره بيلرسينيز. 
6)ائتديگي صحولر نتيجه‌لريني ياشاماسينا قيسماً ايجازه وئرين.


یاییلیب : یکشنبه 14 اردیبهشت 1393 | یازار : نژادمحمد | بؤلوم : گؤزلليك | 0 باخیش
فايدالي 7 مصلحت  

قادين هر بير شرايطده اؤزونو اونوتمامالي ، خواريجي گؤركمينه، سليقه‌لي اولماسينا فيكير وئرمه‌ليدير.اونوتمايين كي، تميز و ذؤوقله بزَنميش ائوده پيرتلاشيق ساچلي، چيركلي خالات گئيميش قادين هئچ ده ياخشي گؤرونمور.گونده‌ليك قايغيلار نه قدر چوخ اولسا دا ،اؤزو اوچون واخت آييران قادينلارا آشاغيداكي فايدالي مصلحتلري تقديم ائديرم.  

1.ياتاركن باشينيزين آلتينا هوندور باليش قويمايين، يوخسا بوينونوزون دريسي تئز قيريشار.  

2.تئز-تئز قورويان  و قابيق وئرن دوداقلارا 1 فايضلي بور طورشوسو محلولو چكير و بيتكي ياغي سورتورلر.  

3.چاتلاميش اللري قهوه خيلطي ايله يودوقدا اللرين دريسي يومشاق و ائلاستيك اولور.     

4.يورغونلوغو گؤتورمك اوچون آياقلاري دوزلو  (2 ليوان  سويا 1 خؤرك قاشيغي دوز) سويا قويورلار.سونرا سرين سو ايله يويوب، دابانلارينيزا كرئم چكين و داباندان ديزه قدر ماساژ ائدين.  

5.يانميش يئره يومورتا آغيندا ايسلاديلميش اسكي قويورلار. بو، آغريني آزالدير و يارا داها تئز ساغالير. يانميش يئره توند چاي،توند-بنؤوشيي مانقان (مارقانس) محلولو، يا دا اودئكولون چكمك اولار.  

6.ترله‌ين آياقلاري 10 فايضلي فورمالين محلولو ايله سيليرلر. فورماليني ياتماميشدان اوّل هفته‌ده 2-3 دفعه‌‌ آياقلاري يويوب قورولاياندان سونرا چكيرلر.  

7.سيخيلميش ليمونو آتماميشدان اوّل اونو اللرينيزه چكين.طورشويا قويولموش خيارين سويوندا اللرينيزي واننا ائدين.


یاییلیب : جمعه 15 فروردین 1393 | یازار : نژادمحمد | بؤلوم : ساغلامليق | 0 باخیش
باديمجانين فايدالاري  

باديمجان بيتكيسييله ائديلن بير چوخ يئمك مؤحتشم لذّتده اولماقدادير. باديمجان بو بنزرسيز دادي‌نين يانيندا فايدالارييلا دا بدنيميزه بير چوخ فايدا تعمين ائدير. باديمجانين قيدا ديَري و فايدالارييلا علاقه‌‌‌لي ماراق ائتديگينيز بوتون معلوماتلاري بو مقالميزده اؤيرنه بيلرسينيز. 

ساغلامليق باخيميندان باديمجانين ديَري نه دير؟ 
پئيغمبريميز (س)، بو موبارك سؤزلري باديمجان حاقيندا سؤيله‌ميشدير: "باديمجاني قايناتماق صورتييله يومشالدين و ايچينه زئيتون ياغي تؤكون. اونو يئيين، هم ده چوخ يئيين. چونكي الله ' آ ايمان ائدن ايلك آغاج اودور. آدامي حيكمتلي ائدر،جينسي اقتداري آرتيرار. "بو سؤزلردن ده آيدين اولدوغو كيمي باديمجان ساغلامليق باخيميندان چوخ فايدالي بير قيدادير. 

قيدا ديَري آ، ب1، ب2، ب3، ب6، ج ويتاميني، مينئرال اولاراق ده فوسفور، كالسيوم، دمير، ناتريوم و كاليوم وار. 

فايدالاري نه‌لردير؟ 

* عصبلري ساكيت‌لشديرير. 

* قلبده‌كي ريتيتم پوزوقلوغونا ياخشي گلير. 

* يوكسك خولئستئرولا ياخشي گلير. 

* ايچريسينده اولان يوكسك ميقداردا ليفلي حزمسيزليك پروبلئمينه ياخشي گلير. 

* آنئميايا ياخشي گلير. 

* باديمجان قاراجيير و بؤيركلري گوجلنديرير. 

* سيديك چيخيشينا كؤمكچيي اولور. 

* آريقلادير. 

* اِكسپِرتلر شكر خسته‌ليگي و قان آزليغي اولان خسته‌لره موعاليجه‌‌‌ اولاراق ايستيفاده ائتميي بيلديرميشلر. 

  دقت: يئتكينلشمه‌ميش باديميجانلاردا سولان دئييلن ماده‌‌ تاپيلار. چيي اولاراق ايستهلاك زهرلنمه‌لره يول آچا بيلر. بيشيريلديگي زامان ايسه بو ماده‌‌نين تأثيري قالمير.


یاییلیب : یکشنبه 27 بهمن 1392 | یازار : نژادمحمد | بؤلوم : گؤزلليك | 1 باخیش
توشون تاريخي 
گونده‌ليك حياتيميزدا بضامك اوچون ايستيفاده ائتديگيميز طورشون تاريخيني بيليرسينيزمي؟ 

بيزلره گؤزل گؤرونمه‌يه كؤمك اولان توشو ايلك دفعه‌‌ 1913-جو ايلده فارماسئفت تئرري  اويليامس  باجيسي مئيب اوچون كشف ائتميشدير (مئيبين سئوديگي اوغلان باشقا بير قيزي سئويردي).او،توشو باجيسينا سئوديگي اوغلانين قلبيني آلماغا كؤمك ائتمك  مقصدي ايله ايجاد ائدير. تئرري وازئليني قارا كؤمور توزجوقلاري ايله قاريشديردي.بئله‌ليكله او، دونيادا ايلك اولاراق توشو كشف ائتدي.او،تئزليكله توش شيركتي ياراديب آديني مئيبل و وازئلين سؤزلريندن گؤتوروب مئيبئلينئ قويموشدور.  

ايكينجي بؤيوك شيركت ايسه ماخفاكتور-دور.ماخ فاجتور برئندي "پروفئسسيونال-ويزاژيستلرين كوسمئتيكاسي" كيمي تانينير.ماخفاختور شيركتي بير چوخ يئنيليكلرين موليفي ساييلير-اوز اوچون تونال كرئملردن باشلاياراق سوني كيپريكلره قدر.ماخفاجتور ايگيرمي  عصر هولليوود قلامور آكتريسالاري‌نين اوبرازي اوچون عوض‌اولونماز واسطه‌‌‌ اولوب.ايگيرمي  عصر قادينلاري ايسه بو اوبرازلاري تقليد ائديبلر.


اوشاقلارينيزا گيمناستيكا ائتديرين

اوشاغينيزين هم روحي اينكيشافي، هم ده دوروش ساغلامليغي باخيميندان ايدمانين اهميّتي چوخ بؤيوكدور. كؤرپه‌ليك دؤورونده باشلانان گيمناستيكانين، هم بدن، هم ده ذهني اينكيشاف جهتدن موثبت تأثيري واردير. مشق ائدن كؤرپه‌لرين ياشيدلارينا گؤره اوتورما، عضله‌‌ اينكيشافي، ال باجاريقلاري داها گوجلو اولور. گيمناستيكا، اوتورما و گزمه آراسينداكي كوورديناسيياسيني دا تعمين ائدير. اوتورما، كؤرپه‌نين آياقدا دايانماسيني و گئتمه‌سيني ده سرعتلنديرديگي اوچون، گيمناستيكا ائدن كؤرپه‌لر ياشيدلارينا گؤره داها ائركن گزه بيليرلر.

مشق ائدن كؤرپه‌لرده آيريجا؛

* بدن و ذهني اينكيشاف سرعتله‌نير.

* گيمناستيكا اسناسيندا كؤرپه‌نين اويناق و عضله‌‌لري اينكيشاف ائدير.

* آنا ايله كؤرپه آراسينداكي پسيخولوژي اينكيشافا موثبت تأثير ائدير.

* گيمناستيكا، كؤرپه‌نين جسارتلنديريلمه‌سي، اجتماعي اينكيشافي‌نين ايره‌ليله‌مه‌سينه ده كؤمكچي اولور.

* كؤرپه‌نين اؤزونه اعتباري و باجاريقلاري آرتير.

* كؤرپه‌ليك دؤورونده باشلانان مشقلر عضله‌‌ گوجو و عضله‌‌ اينكيشافي تعمين ائتديگي اوچون، اوشاقليق چاغيندا ايدمانا يؤنه‌ليش و ايدمان حياتي‌نين فورمالاشماسينا شرايط يارانير. ايدمان ائدن يا دا مشق ائدن اوشاقلارين مكتب دؤورونده اؤزونه اعتبارلاري و مكتب مووفّقيّتلري ده آرتير.

* اوشاقلارين بدن ستروكتورلاري داها مؤحكم و شكيللي اولور.

* اوشاقلارين سيرادا اوتوراركن اوتوروش مؤوقئ پوزوقلوغو اولمور.

* عضله‌‌لري اوّلدن گوجلنديگي اوچون گوجلو اولان عضله‌‌لر، اويناقلاري و سوموكلري دستكله‌يير. بو اوشاقلاردا (اونورغا شكيل پوزوقلوقلاري) يا دا اويناق دئفورماسييالاري داها آز گؤرولور.

گيمناستيكا اوچون دوغرو زامان و دوغرو موحيط

گيمناستيكا حركتلري اوچون هر گون 5-10 دقيقه زامان آييرماق چوخ اهميّتليدير. گونده 4-5 دفعه‌‌ ائديلديگينده فايدالي اولار. كؤرپه‌ني راحتلاشديرماق اوچون دوشدان و يوخودان اوّل ائديلن مشقلر، دوشدان سونرا ساغلام بير يوخويا كؤمك ائدير.گيمناستيكانين ائديلديگي زمي‌نين، دوش دسمالي يا دا اديال سريلميش دوز بير ساحه‌‌ اولماسي لازيمدير. گيمناستيكا اسناسيندا كؤرپه‌نين چيلپاق اولماسي يا دا اوزرينده ناراحاتليق وئرمه‌يه‌جك يونگول بير گئييم اولماسي چوخ اهميّتليدير.اوتاق ايستيليگي ده ياخشي نيظاملانماليدير. ايستيليگين 22 ايله 24 درجه‌‌ده اولماسي كيفايتدير.

مشق پروقرامينا كؤرپه‌ني يوراجاق، بدنين بوتون اويناق و عضله‌‌لريني ايشله‌دن، آغير و چتين حركتلرله باشلانماماليدير. تخميناً ايكي هفته يونگول حركتلرله داوام ائديله‌رك، ياواش ياواش عضله‌‌ و اويناقلاري ايشله‌دجك مشقلره كئچيلمه‌ليدير.

حؤرمتلي واليدئينلر، گله‌جك آنالار،ائلئجه ده سايتيميزين دايمي اوخوجولاري،سيزلرله مؤوضو ايله علاقه دار حياتا كئچيرديگيم تجروبمي پايلاشماق ايسته‌ييرم.فايدالي اولاجاغينا امينم.

ائتديگيم آراشديرمالاردان بئله نتيجه‌يه گلديم كي،كؤرپه‌ني ائله 2-3 آييندان فيزيكي و ذهني مشقلره باشلاماق لازيمدير،دئييرلر تمل گوجلو قويولدوقدا سونراكي اينكيشاف دا ياخشي گئدير.من ده بئله بير ويدئو ايله راستلاشميشديم آختاريش ائدركن.سيزه تقديم ائديرم:

ويدئو: كؤرپه گيمناستيكاسي

ايلك باشدا ويدئونو سئير ائدركن،اينسانا ائله گلير كي،بو چتين بير ايشدير و يا تهلوكه‌‌ليدير.اعتراف ائديم كي، اؤزوم ده بو حيسسلري كئچيرميشديم.آمما دقتلي اولدوقدان سونرا و اؤيرشديكدن سونرا هئچ بير تهلوكه‌‌سي ده قالمير،عكسينه كؤرپه‌نين فيزيكي و عقلي اينكيشافينا كؤمك ائتميش اولورسان.بئله‌ليكله،ماركئته گئديب اوّلجه كيچيك اؤلچولو بير توپ آلديم و مشقلره باشلاديم.آرا وئرمه‌دن هر گون حركتلره داوام ائتديم،داها چوخ اوغلومون توپ اوزريندن يئره اييليب اويونجاق آلماسيني چوخ مشق ائتديرديم.ال،بارماق توتمالاري تئز اينكيشاف ائتدي،دئمك اولار كي، بوتون اشيالاري توتاراق تجروبه‌دن كئچيردي

بو اوغلومو مشق ائتديرمك اوچون ايلك توپ:

زامان كئچديكجه آلپاي بالامين ايلك ايدمان توپو ايشه يارارسيز اولدو،آخي او بوي آتميشدير.توپ اوزرينده اوّلكي كيمي آشاغي-يوخاري حركت ائده بيلمير.ايكينجي،داها بؤيوك توپ آلماغا احتياج ياراندي.



یاییلیب : دوشنبه 13 خرداد 1392 | یازار : نژادمحمد | بؤلوم : ساغلامليق | 1 باخیش

آغيز قوخوسونا سون -

قوخونو يوخ ائتمك اوچون تكجه ديشلري فيرچالاماقلا ايش بيتمير. بس نه ائتمك لازيمدير كي، بو قوخو بيزي ترك ائتسين؟ بو واخت نفه‌سينيزي تزله‌مه‌يه يارديمچي اولا بيله‌جك يئمكلردن، مئيوه‌ و ادويّاتلاردان ايستيفاده ائتمك لازيمدير. مثلا، آلما، كؤك، تورپ نفه‌سي تميز‌له‌مكده تأثيرليدير. نانه و دارچين دا ساريمساق و سوغان قوخولارينا قارشي بيره- بير تأثير ائدير. دارچي‌نين قابيقلاريندا اولان خصوصي ياغ آغيزداكي باكتئرييالاري مهو ائدير.

ليمونو اورتادان ايكييه بؤلوب، سويونو ايچمكله آغيز قوخولاريني يوخ ائتمك اولار. جعفري، كئشنيش، رازيانادان دا ايستيفاده ائتمك مصلحتدير. گونده 1 و يا 2 دفعه‌‌ يئيه‌جه‌يينيز ياريم فينجان قاتيق دا آغيزدا قوخو عمله گتيرن هيدروگئن-سولفيدي آپارماقدا گؤزل واسطه‌‌دير. چونكي آغيزداكي پيس قوخولاري يارادان دا ائله هيدروگئن-سولفيددير.



یاییلیب : دوشنبه 26 فروردین 1392 | یازار : نژادمحمد | بؤلوم : ساغلامليق | 4 باخیش

معاصر دؤورده موختليف گيگييئنيك واسطه‌‌لري‌نين ياييلماسي فونوندا اينتيم گئللر ده بازاردا اؤز يئريني توتوب. بو واسطه‌‌لر هر بير خانيمين شخصي اشيالاري‌نين آراسيندا موطلق اولماليدير. آنجاق بير چوخ قادينلار هله ده بو واسطه‌‌ حاقدا يئتري قدر معلوماتلي دئييللر.

اينتيم گئل گئنيتال بؤلگه اوچون ايستيفاده ائديلن گيگييئنيك تميزلييجي گئلدير. گئل گونده‌ليك ايستيفاده اوچون نظرده توتولوب. اينتيم ساحه‌‌نين طبيعي په بالانسيني قورويور. آدي صابونلار گئنيتال بؤلگه‌ده اينفئكسييالار اوچون مونبيت شرايط ياراتديغي حالدا، بو نؤوع گئللر يارانا بيله‌جك اينفئكسييالارين قارشيسيني آلير. ايستيفاده زاماني حوجئيره‌لرين يئنيلنمه‌سي داها سرعتله گئدير. خوشاگلمز قوخونو آرادان قالديرماقلا ياناشي، يومشالديجي و نملنديريجي خوصوصيّتلره ماليكدير. خصوصيله ده حاميله‌ليك زاماني و آي‌باشيدان كسيلمه دؤورونده گئنيتال بؤلگه‌ده مئيدانا گله بيله‌جك ميكروورقانيزملرين اينكيشافينا مانع اولور. بو گئللر آللئرگياسي اولان خانيملار اوچون ده چوخ فايداليدير. اوندان ايستيفاده زاماني بير چوخ قادينلارين پروبلئمي اولان قاشينما، قورولوق حيسّي آرادان قالخير و گون عرضينده راحتليق وئرير. قئيد ائتمك لازيمدير كي، بئله گئللرله گئنيتال بؤلگه گونده ان آز ايكي دفعه‌‌ يويولماليدير.

من اؤزوم “اوريفلئيم” فيرماسي‌نين “فئمينئللئ” گئليندن ايستيفاده ائديرم. اوّللر گينئكولوقومون گؤستريشي ايله يالنيز پالتار صابونوندان ايستيفاده ائديرديم. بو گئلدن ايستيفاده ائتمه‌يه باشلاديغيم واختدان منده اولان بعضي پروبلئملر تاماميله آرادان قالخيب. ايندي اؤزومو داها راحت حيسس ائديرم.



یاییلیب : یکشنبه 15 بهمن 1391 | یازار : نژادمحمد | بؤلوم : ساغلامليق | 4 باخیش

ايتبورنونون فايدالاري

ايتبورنو دمله‌مه‌لري بير چوخ خسته‌ليكلرين درمانيدير.

1.اگر اوزونوزده اولان چهرايي رنگلي يعني بيزيم “اوقري” دئديگيميز نقطه‌‌لر وارسا اوندا كؤمگينيزه ايتبورنو گلير

10 قرام ايتبورنونو 10مل سودا قايناديريق.5 دقيقه قايناديقدان سونرا 1 ساعت سويودروق سونرا آلينميش لاسيون ايله سحر و آخشام اوزوموزو سيليريك.

2.ماتكانين سويوقديمه‌سي زاماني:

1 خؤرك قاشيغي ايتبورنو دنه‌سينه2 ايستكان سودا 10 دقيقه قايناديريق، سونرا بير سوتكا قالير و اوزرينه ذؤوقه گؤره شكر توزو علاوه‌‌ ائديب گونده 2-3 دفعه‌‌ ياريم ايستكان ايچيريك.

3.قاستريت زاماني:

2 حيصه‌‌ باغايارپاغي، 2 حيصه‌‌ چوبانياستيغي، 1حيصه‌‌ ايتبورنو، 1 حيصه‌‌ بويمادرن اوتو (تيسياچئليست)

بو قاريشيقدان 2 خورك قاشيغي گؤتوروب ياريم ليتر سودا قايناديريق. سونرا 6 ساعت تئرموسدا ساخلاييريق، سونرا يئمكدن سونرا گونده ايكي دفعه‌‌ ياريم ايستكان ايچيريك.

4.ضعيف گؤرمه زاماني

1 خؤرك قاشيغي ايتبورنو گؤتوروب 2 ايستكان سودا 5 دقيقه قايناديريق. سويودوقدان سونرا ياريم ايستكان اولماقلا گونده ايكي دفعه‌‌ قبول ائديريك.

5.بدنين ضعيفله‌مه‌سي و آغير فيزيكي يورغونلوقدان سونرا بو موعاليجه‌‌وي چايي ايچين

25قرام قورو ايتبورنو، شالفئ يارپاغي، نانه يارپاغي، قينيق اووت يارپاغي و چوبانياستيغي

بونلاري بير-بيرينه قاتيب 2 خؤرك قاشيغي گؤتوروب 2 ايستكان سودا قايناديريق. سونرا 8 ساعت ساخلاييريق. سحر يئمه‌ييندن و ناهاردان سونرا ياريم ايستكان آخشام ايسه 1 ايستكان ايچيريك.



یاییلیب : پنجشنبه 16 آذر 1391 | یازار : نژادمحمد | بؤلوم : ساغلامليق | 4 باخیش

ساغلامليق مصلحتلري

مده باغيرساق سيستميني و بوتون بدنده قاني تميزله‌مك اوچون، 2 ايستكان دويونو ترتميز يويوب، 4 ايستكان سو علاوه‌‌ ائتمك لازيمدير...1 آغزي آچيق قازاندا ، ضعيف اوددا سو تاماميله بوخارلانيب قورتارانا قدر، قايناتماق لازيمدير (يانديرماق اولماز) دوز علاوه‌‌ ائتمك اولماز. گون عرضينده يئمك ايسته‌ينده همين او بيشميش دويودن يئمك، ايچمك ايسته‌ينده ايسه ساده‌جه اولاراق قايناميش سو (ايستي ايستي) ايچمك لازيمدير. گون عرضين ده همين او بيشميش دويونو موطلق يئييب قورتارماق لازيمدير.. همين گونو دويودن باشقا هئچ نه يئمك اولماز..كورس آيدا 1 دئفه كئچيريلير.

دوز باگيرساغي تميزله‌مك و وتره‌لري مؤحكملنديرمك-برپا ائتمك اوچون هر گون ياتمازدان قاباق آخشام يئمه‌ييندن ان آزي 3 ساعت سونرا 5 عدد دويو (چيي) دنه‌سيني چوخ دقتله چئينه‌مك شرطي ايله يئمك لازيمدير. كورس 7 گون ،7 گون فاصيله،بيرده 7 گون،بيرده فاصيله...بو مينواللا 5 دفعه‌‌ تكرار ائتمك لازيمدير.2-جي كورسو تكرارا ان آزي 1 ايلدن تئز اولماماق شرطيينن تكرار ائتمك اولار (بونو اؤزوم ائتميشم).

اؤسكورگين موعاليجه‌‌ اصوللاري:

سحر سحر آجقارنينا 1 ايستكان تزه قاينار سوده 1 چاي قاشيگي نهره ياغي آتيب، ايچمك اولار..

انجير قوروسونو سودده ساخلاييب ايچمك..گونده 3 ستكان...

1 ايستكان قاينار سويا 1 خؤرك قاشيغي بهمز قاتيب ايچمك..گونده 1 دفعه‌‌ سحر سحر...

1 عدد ليمون آنجاق توملاريني چيخارتماق شرطيينن ....قابيقلي شكيلده ات ماشي‌نيندان كئچيرمك و بال قاتيب يئمك لازيمدير...

قارا تورپو خيردا خيردا دوغراييب اوستونه سكر توزو علاوه‌‌ ائديب پئچده يا دا هزين اوددا قيزديرماق، قازانين ديبينده عمله گلن شيره‌ني گونده 3-4 دفعه‌‌ 1 خؤرك قاشيغي ايله يئمكدن 15 دقيقه قاباق ، دؤردونجو دفعه‌‌ني ياتمازدان ياريم ساعت اول....

ايري بير سوغاني (ايري سوغانين سويو چوخ اولور) خيردا خيردا دوغراييب بير قابا تؤكمك اوستو اؤرتولنه قدر نازيك قاتدان شكر توزو تؤكوب، قاپاغيني اؤرتوب سويوق يئره قويماق لازيمدير.

گونده 3 دفعه‌‌ 3 قورتوم اؤز سيديگيني 3 گون عرضينده هر كيم ايچسه اؤزكورگين عومورلوك كئچر..حتي اولا بيلر كي 24 ساعت كئچسين.



قرئيپفروت توخومونون ائكسراكتي كوسمئتولوگييادا

قرئيپفروت توخومونون ائكسراكتي پروانتوسيانيدلرين موهوم منبعييدير.بو واسطه‌‌ كوسمئتولوگييادا آشاغيداكي مقصدلرله ايستيفاده اولونور:

آنتيوكسيدانت واسطه‌‌ كيمي

بوزوشدوروجو واسطه‌‌ كيمي

تونوسلاشديريجي واسطه‌‌ كيمي

درييه قوللوق واسطه‌‌سي كيمي

دري‌نين ائلاستيكليگيني آرتيرماق اوچون

توخومالارين رئگئنئراسيياسيني ياخشيلاشديرماق اوچون

دريني گونش شوالاري‌نين منفي تأثيريندن قوروماق اوچون

دري‌نين ديزينفئكسيياسي اوچون

ساچلاري مؤحكملنديرمك و گوجلنديرمك اوچون

باش دريسي‌نين قاشينماسي و قابيق وئرمه‌سي زاماني

بو واسطه‌‌ ائكزئما، دئرماتيت، آكنئ، دري‌نين موختليف ايلتيهابي و ديگر خسته‌ليكلري زاماني

و دميروودا ايستيفاده اولونور.ويتامينلر و آنتيوكسيدانتلار ايله ائففئكتيو كونسئروانت عمله

گتيرير.ائكسرانتين آروماتي هاواني طراوتلنديرير و دئزينفئكسييا ائدير.



یارپاق لار : 1 2 3 4 5 6 .. 8

free counters
Free counters


Powerd By : ARZUBLOG.COM Theme Designer : Blogskin.ir