قادين اوتو-اركوده
يونانجا ناموس معناسيني بيلديرير. 2500 ايل بوندان اول ايستيفاده اولونموشدور. كيشيلر اوچون مصلحتلي اولمايان،لاكين قادينلارين هورمونال پوزغونلوغونو تنزيمله‌ين بيتكيدير. ائل آراسيندا "ايبراهيم آغاجي" و “قادين اوتو”آدلانديريلير. بو آغاجين آلتيندا دينجلن و اونون عطيريني آلان هر كس جاوانلاشير.
اركوده مئيوه‌سي‌نين دملنمه‌سي فايداليدير:
- مئنسترواسييا اولي و سونراسي گرگينليكده
- مئنسترواسييا پوزغونلوغوندا (سانجي،دئپرئسسييا)
- هورمونال توكلنمه‌ده (3 آي ايچيلمه‌سي مصلحتليدير)
- مئنوپاوزا دؤورونده‌كي سيخينتيلاردا (ايستيليك باسماسي،سوموكلرين اريمه‌سي،باشگيجللنمه‌سي)
- اوشاقليقداكي كيستا و ايلتيهابلاردا
- باغيرساق فعاليتي‌نين نورماللاشماسيندا
- گئنيتال بؤلگه‌نين خرچنگ خسته‌ليگيندن قورونماسيندا
- دامار كئچمه‌مزليگينده (ترومبلاردا)
- تسيكلين پوزغونلوغوندان دولايي حاميله‌ليگين گئرچكلشمه‌ديگي دوروملاردا
(14-16 آي ايچيلمه‌ليدير)
- اوشاقليق يولونون قورولوغو
- سينير پوزغونلوغوندا
- قبيزليكده
- ايشتاهاسيزليقدا
- اوشاقليغين عملياتلا گؤتورولمه‌سيندن سونرا عمله گلن بوتون پروبلئملرده.
ايستيفاده مدتي و ميقداري:
ساغالما مدتي ايلك 10 گونده باشلاسا دا،تام بير موعاليجه مدتي 6 آيدير.خسته‌ليگين علامتلري تام آرادان قالخاندان سونرا اركوده ايله موعاليجه 3-4 آي داوام ائتمه‌ليدي.عكس تقديرده گئرييه دؤنوش باشلايا بيلر.
آرديني اوخو
يئني كؤرپه صاحبي اولان عائله‌لرين ان چوخ ناراحاتليق ائشيتديكلري مؤوضولاردان بيري هم كؤرپه‌لري‌نين هم ده اؤزلري‌نين يوخو نيزاملاري‌نين ايسته‌ديكلري كيمي اولماماسيدير. خصوصيله گئجه يوخولاري‌نين آزالماسي و بؤلونمه‌سي آنا و آتاني قيسا مدتده يورار، اوزر و حكيمه مراجعت ائتمه سببي اولار. يئني دوغان كؤرپه‌لر، 2-3 ساعتليق حيصه‌لر حاليندا جمعي اولاراق تخمينن 16-18 ساعت ياتار. آنجاق بو مدت زامانلا آزالار. بير دفعه‌ده كسيلمز اولاراق آنجاق 1 - 2 ساعت ياتارلار. داها سونرا بسلنمك و يا اطرافلا ماراقلانماق اوچون اويانارلار. گئجه و گوندوز ريتمي هله يوخدور. يعني ايلك هفته‌لرده اويانمادان بير گئجه كئچيرميي گؤزله‌مه‌مك لازيمدير. گئجه كؤرپه‌نيزي يا بسله‌مك يا دا آلتيني ديَيشديرمك اوچون قالخمانيز لازيم اولاجاق. كؤرپه بؤيودوكجه يوخوسو نيزاما گيرمه‌يه باشلار.
نه‌لره دقت يئتيريلمه‌لي؟
•يوخو زاماني كؤرپه اوچون ايستي، دينج و كومفورتلو بير مدت اولماليدير.
آيليق اولانا قدر تكرلي كؤرپه آوتوموبيللري، داشينا بيلر ياتاقلار، بئشيكلر و يا سبتلرده ياتيرديلا بيلرلر.
•ياتديغي اوتاق سسسيز و چوخ ايشيقليق اولمايان، تهلوكهسيزليگي‌نين تعمين ائديلديگي، گونش گؤرن، نمسيز، هاوا آخيني اولمايان و هر گون هاوالانديريلا بيلن بير اوتاق سئچيلمه‌ليدير.
•وشاغينيز اوچون ايدئال يوخو موحيطي يونگول ايشيق، سسسيز و راحت ائده بيله‌جيي ايستيليكده بير اوتاقدير. اوتاق ايستيليگي‌نين 21-25 درجه آراسيندا اولماسي كيفايتدير و گئجه يوخوسونا حاضرليق ائدركن هر حركتينيزين دينج ساكيت اولماسينا اهميت وئرمه‌ليسينيز.
•اوشاغينيز يوخويا گئتمه‌دن اول سسسيز بير دؤور كئچيرمه‌سيني تعمين ائديلمه‌سي، ايشيقلاري آزالتما، ساكيت موسيقي دينلئتمئ كيمي بير تكرارلانان اينكيشاف ائتديرمه‌يه چاليشيلماسي و بونلارين نيزاملي ائديلمه‌سي كؤرپه‌نيزه يوخو ساعتي‌نين گلديگيني حيسس ائتديره‌جك.
ساكيت و دينج بير موحيط ياراديب گئجه يوخولاري‌نين دينجليك و خوشبختليك وئريجي اولدوغونو و قورخماماسي لازيم اولدوغونو حيسس ائتديره بيلرسينيز و سونوندا اوزون يوخولاريني گئجه‌يه سوروشدوره بيلرسينيز.
•وشاغينيزين يوخوسونون گلديگيني گؤردويونوزده اونو ياتاغا آپارين. اگر يوخوسو گلديگينده اونو ياتاغا ياتيرتماقدا گئجيكسه‌نيز چوخ يورولاجاق و يوخويا گئتمكده چتينليك مجبور ائديله‌جك. قيسا بير مدت سونرا اونسوز دا آلتينجي حيسسينيزله كؤرپه‌نيزين يوخو نيزاميني و نه واخت يوخوسو گلديگيني ايچگودوسئل اولاراق آنلايا بيله‌جكسينيز.
•اوشاغينيز نئجه بوشاليب يوخويا دالا بيله‌جه‌ييني اؤيرنمه‌سي لازيمليدير. كؤرپه‌ني ياتاغينا قويون و اونا ماهني زومزومه ائدين، كورگيني اوخشايين و دينج اولماسيني تعمين ائتديكدن سونرا اوتاقدان آيريلين. اگر يوخوسو گلديگينده اونو يئلله‌ير و يا قوجاغينيزدا ياتيرتماغا آليشديرسانيز، گئجه اويانينجا دا ياتا بيلمك اوچون عيني فعاليتلره احتياج دويار. گئجه يوخوسونا تاپشيريق اؤز-اؤزونه دالماسيني اؤيرتمكله باشلار. اوشاغنيزي ياتاغا امزيك ايله ياتيرتمايين. امزيك كؤرپه‌لرين اما رئفلئكسيني تعمين ائتمك اوچوندور، يوخويا گئتمه‌سي اوچون دئييل. اگر كؤرپميز يوخويا آغيزيندا امزيكله قالسا، تام ياتمادان امزيگي آغيزيندان چيخاردين و ياتاقدا امزيكسيز قالسين.
آرديني اوخو
