اوشاقلاردا اينك سودونون ضررلري
دؤردونجو آيدان اعتباراً كؤرپه‌نيزين بسلنمه‌سينه سود و قاتي قيدالاردان عبارت اولان قاريشيق بسلنمه پروقرامي ايله داوام ائدركن، اونودولان و دقت يئتيريلمه‌ين نقطه‌لردن بير اينك سودونون ايستيفاده ائديلمه‌سيدير. كؤرپه‌يه ايلك بير ايلده، حتي ايلك 24 آيدا قطعيليكله اينك سودو (پاستئريزه سود و يا اوهت ) وئريلمه‌مه‌ليدير. اينك سودونون قورخولاري - اينك سودونون يوكسك زولال و مينئرال مضمونو، كؤرپه‌نين هله يئتكينلشمه‌ميش بؤيركلرينه حدديندن آرتيق يوك مينديرر. - اينك سودو ايستيفاده‌سي، باغيرساق ايچي قانامالارا گتيريب چيخاراجاقدير. بو دا كؤرپه‌نين قانسيز قالماسينا سبب اولار. - اينك سودونده‌كي دمير، آنا سودونده‌كيندن فرقليدير. بو ياخشي عميلن بير دمير دئييل. بونون نتيجه‌سينده، دمير اسكيكليگي و اينكيشاف گئريليگي اولار. - اينك سودونده‌كي يود و سينك ميقدارلاري چوخ آز اولدوغو اوچون، كؤرپه‌نين ذهني اينكيشافي منفي تأثيرلنر. - اينك سودونده د ويتاميني چوخ آزدير. بو دا راشيتيزم (سوموكلرين دوز اينكيشاف ائده بيلمه‌مه‌سي) دئييلن خسته‌لييه سبب اولار. - اينك سودو، كؤرپه‌نين ويتامين احتياجيني قارشيلايا بيلمز. بو دا بؤيومه‌ده ياواشلاماغا سبب اولار. - ائسانسييئل ياغ تورشولاري باخيميندان چوخ كاسيب اولدوغو اوچون بئيين و گؤز اينكيشافي گئريده قالير. - اينك سودو آلان كؤرپه‌لر، داها چوخ مينئرال آلماديقلاري اوچون، "سوسوز قالما" دئيه تعبير ائديلن دئهيدراتاسيونا اويغون اولماقدادير. - ان اهميتلي قورخولاردان بيري ده، اينك سودو ايله بسلنن كؤرپه‌لرده آللئرگييا ريسكي‌نين داها چوخ اولماسيدير.
دؤردونجو آيدان اعتباراً كؤرپه‌نيزين بسلنمه‌سينه سود و قاتي قيدالاردان عبارت اولان قاريشيق بسلنمه پروقرامي ايله داوام ائدركن، اونودولان و دقت يئتيريلمه‌ين نقطه‌لردن بيري اينك سودونون ايستيفاده ائديلمه‌سيدير. كؤرپه‌يه ايلك بير ايلده، حتي ايلك 24 آيدا قطعيليكله اينك سودو (پاستئريزه سود و يا اوهت ) وئريلمه‌مه‌ليدير.
اينك سودونون قورخولاري.
1 اينك سودونون يوكسك زولال و مينئرال مضمونو، كؤرپه‌نين هله يئتكينلشمه‌ميش بؤيركلرينه حدديندن آرتيق يوك مينديرر.
2 اينك سودو ايستيفاده‌سي، باغيرساق ايچي قانامالارا گتيريب چيخاراجاقدير. بو دا كؤرپه‌نين قانسيز قالماسينا سبب اولار.
3 اينك سودونده‌كي دمير، آنا سودونده‌كيندن فرقليدير. بونون نتيجه‌سينده، دمير اسكيكليگي و اينكيشاف گئريليگي اولار.
4 اينك سودونده‌كي يود و سينك ميقدارلاري چوخ آز اولدوغو اوچون، كؤرپه‌نين ذهني اينكيشافي منفي تأثيرلنر.
5 اينك سودونده د ويتاميني چوخ آزدير. بو دا راشيتيزم (سوموكلرين دوز اينكيشاف ائده بيلمه‌مه‌سي) دئييلن خسته‌لييه سبب اولار.
6 اينك سودو، كؤرپه‌نين ويتامين احتياجيني قارشيلايا بيلمز. بو دا بؤيومه‌ده ياواشلاماغا سبب اولار.ائسانسييئل ياغ تورشولاري باخيميندان چوخ كاسيب اولدوغو اوچون بئيين و گؤز اينكيشافي گئريده قالير.
7 اينك سودو آلان كؤرپه‌لر، داها چوخ مينئرال آلماديقلاري اوچون، "سوسوز قالما" دئيه ايفاده اولونان دئهيدراتاسيونا توتولار.
ان اهميتلي قورخولاردان بيري ده، اينك سودو ايله بسلنن كؤرپه‌لرده آللئرگييا ريسكي‌نين داها چوخ اولماسيدير.
دوغوش واختي قادين اؤزونو نئجه آپارماليدير؟
دوغوشون بيرينجي دؤورو-دوغوش سانجيلاري‌نين تأثيري آلتيندا اوشاقليق بوينونون گئنيشلنمه‌سيدير. تام آچيلميش اوشاقليق بوينونون ديامئتري 10 sm-ه ياخين اولور. تام آچيليش زاماني دؤلو احاطه ائدن قيشالار جيريلاراق دؤلياني سولار خاريج اولور (بو پروسئس آغريسيز اولور).
بعضي حاللاردا دؤلياني سولار اوشاقليق بوينونون هله تام آچيلماديغي دؤورده ده خاريج اولا بيلر. بو حال سون نتيجه‌ده نورمال دوغوش فعاليتي‌نين پوزولماسينا دا سبب اولا بيلر.
دوغوشون بيرينجي دؤورونون مدتي ايلك دفعه دوغان قادينلاردا 12-18 ساعت،تكرار دوغان قادينلاردا ايسه ايكي دفعه قيسا اولماقلا داوام ائدير. دوغوش زاماني سيزين نورمال و ساكيت داورانيشينيز دوغوش پروسئسينه خئيلي موسبت تأثير گؤستره بيلر. سيز نه قدر سربست اولسانيز، دوغوش دا بير او قدر تئز باشا چاتميش اولار.
اگر قادين گرگين وضعيتده قاليرسا، اوشاقليق بوينو گئج آچيلميش اولور. اوشاغين و اينتئنسيو فعاليتده اولان اوشاقليغين اوكسيگئنله ياخشي تعمين اولونماسي اوچون نورمال نفس آلماق واجيب حساب اولونور.
سانجي توتماسي ياخينلاشديقدا دريندن نفس آلماق و نفس وئرمك لازيمدير. سانجيلار باشلايان كيمي سيز تام ساكيتلشمه‌ليسينيز. سونرادان بير قدر تئزلشميش ريتمده اولماقلا ستهي نفسالما و نفسوئرمه حركتلريني يئرينه يئتيرمه‌ليسينيز. بو زامان ديافراقمانين اوشاقليغا تضييق ائده‌رك اونون ييغيلماسينا مانع اولماماسي واجيب حساب اولونور.
سانجي‌نين كئچديگي حالدا دريندن نفس آلين (دؤش قفه‌سي و قاري‌نين ايشتيراكي ايله)، نفه‌سي تدريجن وئرين. سانجي توتمالاري آراسينداكي دؤورده استراحت ائتمك و نورمال تنففوس حركتلريني يئرينه يئتيرمك لازيمدير. دوغوشون بيرينجي دؤورونون سونوندا سيزده گوج وئرمك ايستيي عمله گلسه ده،بونا يول وئرمه‌يين. بئله كي، ائركن گوجنمه‌لر اوشاقليق بوينونون تام آچيلماسينا مانع اولاراق دوغوش دؤورونون اوزانماسينا و سيزين واختيندان اول يورولماغينيزا سبب اولا بيلر.
دوغوشون ايكينجي دؤورو-دؤلون قووولماسي(خاريج اولماسي): بو دؤور اوشاقليق بوينونون تام آچيلماسيندان سونرا باشلاياراق اوشاغين دوغولماسي ايله باشا چاتير. ايلك دفعه دوغان قادينلاردا بو دؤور 30-45 دق داوام ائدير. بو دؤورده سانجي توتمالاري‌نين سايي و داوامئتمه مدتي آرتميش اولور.
بوندان باشقا، بو دؤورده علاوه اولاراق گوجنمه‌لر قارين ديواري، چاناق و ديافراقما عضلهلري‌نين ريتميك شكيلده بيرگه ييغيلمالاري باشلايير. بو، نجيسه گئتمه حاليني خاتيرلادير. بو زامان ماما-طيبب باجيسي‌نين دئديكلرينه تام شكيلده عمل ائتمه‌يينيز واجيبدير. سانجي ياخينلاشير-آراليق ساحه‌نيزي بوش وضعيتده ساخلاماقلا دريندن نفس آلين.
سانجي باشلاندي-بورونلا دريندن نفس آلاراق نفه‌سينيزي ساخلايين. دؤله مومكون قدر گوجلو تأثير ائده‌رك اونو ايره‌لييه ايتله‌مك اوچون قارين عضله‌لريني مومكون قدر ييغين. نفه‌سي آغيزدان بوراخين،يئنيدن بورونلا دريندن نفس آلاراق نفه‌سينيزي ساخلايين. سانجي‌نين سونونا قدر سيز 3 دفعه گوجنمه‌ليسينيز. سانجي باشا چاتدي-دريندن نفس آلين.
سانجيلاراراسي دؤورده ماما-طيبب باجيسي سيزه علاوه گؤستريشلر وئرمزسه،گوجنمه‌يين. اوشاغين باشي جينسي يولدان چيخديغي زامان موعيين آن دوغان قادينا گوجنمه‌مك تاپشيريلير. بو ستادييادا تئزلشميش ريتمده اولماقلا ستهي تنففوس حركتلريني يئرينه يئتيرمك لازيمدير. بو آنلاردا آرتيق گوج وئرمك اوشاغين باش حيصهسي‌نين سرعتله چيخماسينا و آراليغين جيريلماسينا سبب اولا بيلر.
دوغوشون اوچونجو دؤورو (جيفتين خاريج اولماسي): بو دؤور جيفتين اوشاقليق ديواريندان آرالاناراق ديگر حيصه‌لري ايله بيرليكده اوشاقليق يوللاريندان خاريج اولماسي ايله كاراكتئريزه اولونور. بو دؤورده اوشاقليغين ييغيلماسي باش وئرير و نتيجه‌ده جيفتين آرالانماسي باش وئرير.
قئيد ائتمك لازيمدلر كي، اگر حاميله قادين دوغوش مدتي عرضينده ماما-طيبب باجيسي و ماما-گينئكولوقون گؤستريشلرينه دقيق شكيلده عمل ائده‌رك اؤزونو ساكيت آپارميش اولارسا، بو زامان دوغوش آنا و اوشاق اوچون علاوه پروبلئملر ياراتمادان قيسا بير مدت عرضينده اوغورلا باشا چاتميش اولور.
سوندا بوتون قادينلارا آنا اولماغي آرزو ائديرم!!!
2-3 ياشلي كؤرپه‌سي اولان آنالارا
اشيالاري گميرمه‌سي
عادتا كؤرپه‌لر 3-4 آيليق اولاندا ال بارماقلاريني،اويونجاقلاري،قيساسي،اللرينه كئچن هر شئيي آغيزلارينا آليرلار.بو عادتا شرطي رئفلئكسدن ايره‌لي گلير. اگر سيزين ده 2-3 ياشيندا اولان اوشاغينيز بئله بير حركتلره يول وئريرسه،بو سيزي هئچ تعجبلنديرمه‌سين.اونلار اؤزلري ده بيلمه‌دن آغيزلارينا نسه گؤتورورلر.بونون،سيزين بيلمه‌ديگينيز تك بير سببي وار-بو وضعيت اوشاقلاري راحتلاشديرير،روحن كؤرپه‌ليك زامانلارينا قاييداراق اؤزلريني و فيكيرلريني توپلاماغا چاليشيرلار.اوشاغينيز چيركلي بير اشياني آغزينا آليب چئينه‌يركن،اونون باشيني قاتاراق چيركليني آليب،عوضينه تميز بير اشيا وئره بيلرسينيز.اويونجاقلاري ايله اويناياركن، اوشاغينيزي تعريفله‌يين.مثلا: “اويونجاقلاري آغزينا آلماغين يووخ،اما اونلارلا اويناماغين چوخ خوشوما گلير جانيم بالاجام” دئيه بيلرسينيز.امين اولون،بو اونون چوخ خوشونا گله‌جك.
يئمكدن ايمتينا ائتمه‌سي
2-3 ياشينداكي اوشاقلارين يئمكدن ايمتينا ائتمه‌سي هم نورمال،هم ده آرا-سيرا باش وئرن بير حالدير.اگر اوشاغينيز ستولون اوستونه قويولان بوشقابي ايتله‌ييرسه،بو بيشيرديگينيز يئميي بَينمه‌ديگي معناسيني اصلا بيلديرمير.بو اصلينده اؤز دونياسيندا اؤز قرارلاريني گؤسترمك واسطه‌سيدير.يعني،من،بو آخشام كوفته يئمك ايستميرم.سيز بونا آنلاييش گؤستره‌رك،اونا الده ائتمك ايسته‌ديگي حاكميتي آز دا اولسا ياشاييب سئوينمه‌سينه ايمكان وئرمه‌ليسينيز.داها ” بو اوشاقليغي ايله اؤز سؤزونو يئريتمه‌يه‌جك كي” دئييب، بير نؤو الينيزي ستولا وورماغينيزا گرك يوخدور.مثلا، اونا بوشقابيني و سالفئتيني سئچمه‌يه ايجازه وئرين.اگر اوشاغينيزا بئله بير سئچيم وئرسه‌نيز،يئمك زاماني داها آز نارازيليقلا قارشيلاشاجاقسينيز.آنجاق هئچ بير حالدا اونو مجبوري يئمك يئمه‌يه وادار ائتمه‌يين.نه ده يئمه‌ديگي اوچون جزالانديرمايين.چونكي بو،آرانيزدا اولان وضعيتي گرگينكلشديرمكدن باشقا بير شئي دئييلدير. اوشاغينيزين بير گونده دئييل، بير هفته‌ده نه يئديگيني نظردن كئچيرين.اولا بيلر كي،بازار ائرته‌سي و چرشنبه آخشامي آز يئسين،لاكين او بيري گونلر داها چوخ.
چيممك ايسته‌مه‌مه‌سي
سو ايله دولو واننادا اوتورماق بعضي اوشاقلار اوچون چوخ قورخولو اولا بيلر.بعضي اوشاقلارين ايسه چيممك چوخ خوشونا گلير.بضا سويون و حامامين ايستي و يا سويوق اولماسي اونلاري ناراحات ائدير.بئله ياشداكي اوشاقلارين چوخونون چيممكدن خوشلاري گلمير.چونكي بونون نه اوچون ائديلديگيني اونلار هئچ جور آنلايا بيلميرلر.اودور كي،اؤولادينيزا چيممك واختيني اولجه‌دن دئسه‌نيز،او اؤزونو بونا حاضرلايار.و بونو داها گؤزل شكيلده باشا سالين كي،اونون دا چيممه‌يه اولان هوسي آرتسين.حتي واننا اوتاغيني اويونجاقلارلا بزه‌مه‌نيز اونلارين چيممكدن خوشلانماسيندا آپاريجي رول اوينايا بيلر.
اوشاغيمين دوستو يوخدور...!
بعضي اوشاقلار عائله داخيلينده اؤزلريني آسانليقلا ايفاده ائده بيلسه‌لر ده ، ديگر موحيطده اؤزلريني ايفاده ائتمكده چتينليك چكيرلر. بو دا چوخ واخت اونلارين دوستلوق قورا بيلمه‌مه‌لري و يا كوللئكتيودن كنار قالمالاري ايله نتيجله‌نير.ائله ايسه بونا سبب نه دير ؟ طبيعي كي، بورادا ايلك سبب اونسيت پروبلئميدير. ديگر سببلره گلينجه، بورادا اوشاغين اؤزونه اينامسيزليغي دا موهوم رول اوينايا بيلر. عائله‌نين اوشاغي “ قوروماق “ مقصدي ايله يولداشلاريندان تجريد ائتمه‌سي ده اونون تك قالماسيندا اساس سببلردن بيريدير. بوندان باشقا، اوشاق اطرافينداكي همياشيدلاريني “ اؤزونه اويغون گؤرمه‌يه “ ده بيلر..
ياش دؤورو ايله باغلي – مثلا، يئنييئتمه‌ليك كيمي بعضي پسيخولوژي پروبلئملري ده اوشاغين دوستلوق قورا بيلمه‌مه‌سينده اساس مانعه‌لردن بيري سايماق اولار…
100 ياشاماق اوچون 50-دن ده باشلاماق اولار ( 1-جي حيصه)
موعيين ياش دؤوروندن سونرا ، اينسان بدنينده ساغلامليغي تاراز وضعيته سالماق اوچون موعيين زولاللاري ايفراز ائليين بير چوخ عضله عضولري اؤز فعاليتيني آزالدير و بعضي حاللاردا ، دئمك اولار كي، لاپ تاماميله دايانديرير.بونا گؤره ده اساساً، 50 ياشيندان سونرا ،بدني تاراز وضعيتده ساخلاماق اوچون ،قيدالانما قايدالارينا سون درجه‌ده جدي نظارت ائله‌مك لازيمدير.بئله كي، هر هانسي بير آددا يوكسك كالوريلي قيدا مادده‌سيني، بير ده تكرار ائديرم بير آددا قبول ائتمكله اورقانيزمه لازيم اولان قدر كالوري اولا بيلر.اما لازيم اولان قدر ويتامينلري، زولاللاري ، آمين تورشولاري و س. كيمي ساغلامليق اوچون واجيب اولان ديگر اِلِمِنتلري لازيم اولان قدر، آلا بيلمز و نتيجه‌ده، واختي-واختيندا اؤز دوزاسيني آلا بيلمه‌ين عضله عضولري موعيين بير واختدان سونرا سؤزسوز كي، اؤز فعاليتيني دايانديرير.بو دا اؤز نؤوبه‌سينده اينسانلاردا موختليف خسته‌ليكلرين باش قالديرماسينا گتيريب چيخارا بيلير.بئله حاللارين باش وئرمه‌مه‌سي اوچون، 50،60 ياشلاريندان سونرا قيدا مادده‌لري‌نين چكيسيني آزالتماق ، نؤولري‌نين ميقداريني آرتيرماق لازيمدير...مثال اوچون، كولباسا نؤولريندن تاماميله ايمتينا ائتمك لازيمدير.ياغلي ات قاداغاندير.
اساساً يئمك لازيمدير: مئيوه-تروز محصوللاريني، سود ممولاتلاريندان اولان، بوتون محصوللاري قايماقدان باشقا.نئهره ياغيندان ايستيفاده ائتمك اولار، آز ميقداردا. هفته عرضينده 2-3 دنه يومورتا يئمك اولار.
يئمك واختي تلسمك اولماز، يئميي سون درجه دقتله چئينه‌مك لازيمدير. گون عرضينده ان آزي 2-3 ليتر سو ايچمك لازيمدير. سويو ان آزي يئمكدن 25-30 دقيقه قاباق ايچمك و يا يئمكدن ان تئزي 1 ساعت، ساعت ياريم سونرا ايچمك اولار.يئمك واختي هئچ بير چاي، سو ايچمك اولماز. هر دفعه قبول اولونان قيدا مادده‌لري‌نين عومومي چكيسي 700-800 قرامدان آرتيق اولماماليدير. اگر تاماه سنه گوج گليرسه ، سنه بير مصلحت وئريم: - گئت ديشلريني يو، ائله او ساعت نفسين كوسه‌جك، تا كي، 700-800 قرامليق قيدا مادده‌لرينه ورديش ائليينه قدر.
ايندي ايسه ايجازه‌نيزله فاكتلارا مراجعت ائدك.
بئيين توخومالاريني لازيم اولان ميكرو-اِلِمِنتلره تعمين ائتمك اوچون نه‌لري يئمك لازيمدير؟بئيين توخومالاريني مارقانيسله تام تعمين ائتمك اوچون هر گون 2-3 دنه جويز-قوز يئمك لازيمدير.هفته‌ده 2 دفعه دنيز باليغي يئمك بئيني فوسفور و ب12 ويتاميني ايله تعمين ائدير. 50-60 ياشلاريندان سونرا بئيين توخومالاريندا ب12 ويتامي‌نينين چاتيشمامازليغي اينسانلاردا يادداشين ضعيفله‌مه‌سينه سبب اولور. يئري گلميشكن قئيد ائديم كي، ب12 ويتاميني هئچ بير تروز محصوللاري‌نين تركيبينده يوخدور. يادداشي واختاشيري مؤحكملنديرمك اوچون بوغازدا قالخانواري وزلري دايما يودلا تعمين ائتمك لازيمدير. بونون اوچون دنيز كله‌ميندن ، دوز عوضينه هر گون ايستيفاده ائتمك اولار.
اورك و قان-دامار سيستميني تاراز وضعيته سالماق اوچون ، تركيبينده آ، ائ، ج ويتامينلري ايله زنگين اولان عرضاق محصوللاريندان ايستيفاده ائتمك لازيمدير.گونده 1دنه شهادت بارماغي بويدا ساري كؤك يئمك كيفايت ائدر، هانسيكي تركيبينده اولان كاراتين ميكروئلئمئنتلري مديه دوشندن سونرا چئوريلير آ ويتامي‌نينه. هفته‌ده 2-3 دفعه بوراني- بالقاباق يئمك لازيمدير.هانسيكي، تركيبي ائ ويتاميني ايله سون درجه زنگيندير. اريك تزه‌سي و قوروسو دا اولار. ليمون سويو ج ويتاميني ايله تعمين ائتمك اوچون ان قييمتلي واسطه‌دير. قان دؤورانيني تاراز وضعيتده ساخلاماق اوچون هر گون ان آزي 2 ديش ساريمساق ، پارا سوغان يئمك واجيبدير.قيرميزي چوغوندور ، قارا قاراغات، شويود ،جعفري و س كيمي گؤي-گؤيرتيلردن ايستيفاده ائتمك لازيمدير.
گؤرمه قابيليييتيني قوروماق اوچون هر گون هر گؤزه بير دامجي گنگرچك ياغي تؤكمك لازيمدير. هر گون هر گؤزه ، 2 دامجي اؤز سيديگيني تؤكمك داها الوئريشليدير... ياخشي اولار كي، هر سحر يوخودان دوران كيمي هر شئيدن قاباق ، اؤز سيديگينله گؤزلريني يويوب، 15 دقيقه گؤزله‌يه‌سن قورويانا قدر. سونرا ايليق سو ايله سابونسوز يويوب ، مهراباينان ائهمالجا قورولاياسان.
قبيزليگين قارشيسيني آلماق اوچون آلبوخاري گاواليسي‌نين كامپوتونو ايچمك اؤزونو ده يئمك اولار. قيرميزي چوغوندورنان كؤكون قايناديلميش سالاتلاريني يئمك لازيمدير. بئله سالاتين اوستونه 1 خؤرك قاشيغي سولو ياغ تؤكوب ،قاريشديرسان لاپ ياخشي اولار. آلما يئمك، 1 ستكان ائو قاتيغي ايچمك لازيمدير...
آردي وار...
