دوداق باخيمي
دولغون، باخيملي و گؤزل گؤرونن دوداق ديشيليگين و سئكسوالليغين سيموولودور. دوداق باخيمي دوداقلاريميزين گؤزل و جازيبدار گؤرونمه‌سيني تعمين ائدر. دوداقلاريميز چوخ حساس و دريسي اينجه اولدوغو اوچون خصوصي بير باخيم ايسته‌يير. دوداقلاريميزي هدديندن آرتيق كولك، سويوق و ايستيدن قورومالي، قوروماسي‌نين و چاتلاماسي‌نين قارشيسيسني آلماليييق. بونون اوچون چانتاميزدا هر واخت بير چاتلاق كرئمي (ليپستيجك) ساخلاماليييق.
وازئلين و يا زئيتونياغييلا دوداقلاريميزي نملنديره‌رك باخيميني ائده بيلريك.آيريجا سويوق هاوالاردا دوداقلارينيز چاتلاييرسا كاكاو ياغي ايستيفاده ائده بيلرسينيز.همچي‌نين درينيز اوچون ايستيفاده ائتديگينيز نملنديريجي ايله دوداقلارينيزي دا نملنديرميي اونوتمايين.
دوداق ماكيياژي
دوداقلارينيزداكي قوسورلاري دوزلتمك اوچون آچيق تونلارداكي پومادالاري سئچمه‌ليسينيز.
اگر دوداقلارينيز اينجه‌ديرسه آچيق توندا و اوجو كوت بير دوداق قلمييله اوست دوداغينيزين اورتاسيندان باشلاياراق و دوداق خطتينيزين بير آز اوستوندن دوداقلارين بيرلشديگي يئره قدر يومشاق بير خطت چكين. عيني عملياتي آلت دوداغينيزا دا تطبيق ائتديكدن سونرا قله‌مينيزين رنگيندن بير تون داها آچيق رنگده پومادا سورتون و آلت دوداغينيزين تام اورتاسينا بير آز پارلاديجي وورون.بئله‌جه دوداقلارينيز هم داها سئكسوال هم ده داها دولغون گؤرونر.
پومادانيزي سورتمه‌دن اول موطلق دوداق قلمي ايستيفاده ائدين.
نه قدر يونگول ماكيياژ ائتسه‌نيز ده دوداق قله‌مينه لاقئيد ياناشمايين. قله‌مينيزين اوجونون كوت اولماسينا دقت يئتيرين. ايتي اوجلو قلم دوداقلارينيزين خطتلريني طبيعي گؤسترمز. قله‌مينيزين رنگي پومادانيزين يالنيز بير تون توندو اولسون.
پومادانيزين داها قاليجي اولماسيني ايسته‌ييرسينيزسه پومادا سورتمه‌دن اول دوداقلارينيزا بير آز كيرشان و يا تونال كرئم سورتون يا دا آسان چيخمايان پومادالاردان ايستيفاده ائدين.
اگر اسمر بير بدنه صاحبسينيزسه آچيق تونلاردا (چهرايي، نارينجي و س.) پومادالاري سئچين.
بونو اصلا اونوتمايين قادين اوچون ان گؤزه‌لي طبيعي گؤزلليكدير.
خصوصيله 20 لي و 30 لو ياشلاردا چوخ ماكيياژ گؤزلليگينيزي كؤلگله‌ير. بو ياشلاردا گؤزلرينه سولغون تونلاردا يونگولجه سورته‌جه‌يينيز بير تئن، دوداقلارينيزا يونگول بير پومادا، بورون و چنه‌نيزين اوستونه بير آز كيرشان و آلليق، كيرپيكلرينيزه ايسه شفاف و يا قهوه رنگي تونلاردا بير كيرپيك اوچون توش سورتمك خصوصيله گوندوز ماكيياژي اوچون كافي و ايدئالدير.
گؤزل ساچلارين سيرري بيتكيلرده
ساچلارينزين ديبي قورويور و قاشينيرسا، باشينيزي آلما سيركه‌سييله يويون. آلما سيركه‌سي قاشينتينيزين كسيلمه‌سينه كؤمك اولاجاق، قورولوغو دا آرادان قالديراجاق.
ساچينيز داواملي قاريشير و چتين دارانير؟ هر هانسي بير ساچ كرئميندن چوخ آز بير ميقداري (بير نئچه داملا) سپرئيلي بير شوشه‌يه قويون. سو علاوه ائدين و ياخشيجا چالخالاياراق ايستيفاده ائدين.
كپكدن قورونماق اوچون بالدان ايستيفاده ائدين! دؤردده بير ستكان ايستي سودا 1 قاشيق بالي اريدين. بارماقلارينيزلا ساچ ديبلرينيزه ماساژ ائده‌رك بو قاريشيغي ياخشيجا يئديرين. داها سونرا ساچينيزي يويوب دورولايين. فرقي حيسس ائده‌جكسينيز.
ايستي ياغ ايله ماسكا
قوروموش و كؤهنلميش ساچلاري ان ياخشي جانلانديرما اصولو زئيتون ياغي موعاليجه‌‌سيدير. ساچلارينيزا پارلاقليق وئرمك و بسله‌مك اوچون 2 خؤرك قاشيغي زئيتون ياغيني ايستيله‌دين. بونو ياواش-ياواش بوتون ساچ درينيزه يئديردين. ايستي سودا ايسلاتديغينيز بير دسمالي سيخديقدان سونرا حجاب كيمي باشينيزا سارييين. دسمال سويوياركن بو عملياتي ايكي و يا اوچ دفعه تكرارلاياراق، باشين ياغي ياخشيجا قبول ائتمه‌سيني تعمين ائدين. سونرا ساچلارينيزي يوياراق، ياخشيجا ياخالايين. بو باخيم نؤع، خصوصيله تئز قيريلان ساچلار اوچون چوخ فايداليدير.
گنگرچكياغي ايله ماسكا
ياريم چاي فينجاني گنگرچك ياغيني ايسيتديكدن سونرا باش درينيزي اوواراق ساچينيزين ياغي عمه‌‌سيني تعمين ائدين. ياواش-ياواش داراياجاغينيز ساچلارينيزي قاينار سويا باتيريب سيخديغينيز دسماللا سارييين. بو عملياتي ائتديكدن سونرا ياريم ساعت قدر گؤزله‌ييب شامپونلا يويون. بو موعاليجه، چوخ اينجه، تئز قيريلان، قورو ساچلارا ياخشي تأثير ائدير.
زئيتون ياغي و بال ايله ماسكا
ياريم ستكان زئيتون ياغيني بير ستكان باللا قاريشديرين. بو مايعني ياخشيجا چالخالايين و بير نئچه گون قويون قالسين. داها سونرا بو قاريشيغي ساچ درينيزه اوواراق و داراياراق يئديردين. آنجاق بو عملياتي ائدركن داراغين ديشلري‌نين باش درينيزه باتماماسينا دقت يئتيرين. باشينيزا بير نئيلون توربا كئچيره‌رك، باشين ايستيليگيني قورويون. قاريشيغي باشينيزدا ياريم ساعت گؤزلتديكدن سونرا، ساچلارينيزي بول سويلا ياخالايين. بو عمليات، توند رنگ ساچلارين پاريلداماسينا كؤمك ائدير.
زولال ايله ماسكا
يومورتا ايله اولان زولال موعاليجه‌‌سي دئمك اولار كي، هر جور ساچ اوچون اويغوندور. ايكي يومورتاني چيرپين و ايچينه ياواش-ياواش بير خؤرك قاشيغي زئيتون ياغي، بير خؤرك قاشيغي قليسئرين، بير خؤرك قاشيغي سيركه (مومكونسه آلما سيركه‌سي) علاوه ائدين. ساچينيزي بير دفعه شامپوانلاديقدان سونرا ساچلارينيزا بو قاريشيغي سورتوب 15-20 دقيقه گؤزله‌يين. ساچلارينيزي ياخشيجا دورولاديقتان سونرا ساچلارينيزين چوخ قيسا مدتده جانلانديغيني حيسس ائده‌جكسينيز.
پارلاق ساچلار اوچون
1 يومورتانين ساريسي ايله 2 خؤرك قاشيغي زئيتونياغيني قاريشديرين. ساچ ديبلرينه سورتوب ماساژ ائدين و 10 دقيقه گؤزله‌يين. شامپونلا يويوب دورولايين. ساچلارينيزين پارلاق و ساغلام بير گؤرونوش قازانديغيني گؤره‌جكسينيز.
قيدالانديريجي ماسكا
1 يومورتا ساريسي، 1 چاي ستكاني دملنميش چاي، 1 خؤرك قاشيغي بادام ياغي و 2 داملا ليمون سويونو بير قابدا قاريشديرين. ساچ ديبلرينيزه سورتوب ماساژ ائده‌رك ياخشيجا يئديرين. 10-15 دقيقه گؤزله‌ييب شامپونلا يويون.
كپكلي ساچلار اوچون
2 خؤرك قاشيغي ليمون سويو و يا سيركه‌ني 4 سو ستكاني سويا علاوه ائديب ايليق ائدين. ساچلارينيزي يودوقدان سونرا بو قاريشيقلا دورولايين.
و نتيجه‌ده بئله گؤزل ساچلارا صاحب اولاجاقسينيز
يانيقلار زاماني بئله موعاليجه اصوللاريندان ايستيفاده ائتمك اولار:
* يانميش يئري يومورتا ايله سورتمك.
* سورتگجدن كئچيريلميش كارتوف،كؤك و يا چوغوندور قويماق.
* يارانين اوزرينه بال سورتمك.
يانيق بالاجا و يونگولسه اونون اوزرينه ديش مجونو و يا هر هانسي دورو ياغي سورتمك اولار.اگر يارا آغيرديسا يارانين آغريسين آزالتماق اوچون بو اصوللاردان بيريني سئچيب ياراني ساريييب حكيمي گؤزله‌مك لازيمدي.يانيق يارالاري‌نين ساغالماسي اوچون "مارقانئس"له ده گونده 2-3 دفعه يارانين اوستونو يونگولجه سيلمك اولار.ايستي يئمكلر زاماني بوغاز ياناندا كيچيك قورتوملارلا هانسيسا دورو ياغي ايچمك مصلحتدي. بير باشقا موعاليجه ايله: بوغاز ياناندا يومورتانين آغيني ياريم ستكان سويا قاتيب ايچمك اولار.
آللئرگييا و اونون فسادلاري
آللئرگييا- اورقانيزمدن آسيلي اولمايان 2 سببدن آسيليدير:
1-جي سبب: اورقانيزمين بير حيصه‌‌سي اولمايان،لاكين هر هانسي يوللا اونونلا علاقه‌‌سي اولان خاريجي عامللرله باغليدير.مثلا:موختليف قيدالار،درمانلار،بؤجك سانجمالار،كوسمئتيك واسطه‌‌لر و س.
2-جي سبب: اينسان بدني‌نين خاريجي عالمله علاقه قوران سيستملريدير.مثلا: دري،مده- باغيرساق،تنففوس يوللاري و س.
آللئرگييايا مئيللي اينسانلاري “آتوپيك” آدلانديريرلار.بو خسته‌ليك دئييل،لاكين عائله‌‌وي اولان و نسيلدن-نسيله كئچن حالدير.عيني عائله‌‌نين بوتون عضولري آللئرگييايا قارشي خصوصي حساس اولا بيلرلر.عومومي گؤتوردوكده ايسه آللئرگييا گئنئتيك كاراكتئر داشييير.و واليدئينلرين بيرينده اولارسا،آنادان اولان اوشاق دا آللئرگييايا قارشي حساس اولا بيلر.اگر واليدئينلرين هر ايكيسينده آللئرگيك رئاكسييا اولارسا،بو زامان اوشاقدا آللئرگييا ريسكي‌نين يوز فايز اولماسي موطلقدير.
آللئرگييانين موعاليجه‌‌سي عومومي نظارت،پهريز،دوزگون قيدالانما،يوخونون قايداسيندا اولماسي و لازيم گلرسه درمان موعاليجه‌‌سيندن آسيليدير.اونا گؤره ده آللئرگيياني تاماميله آرادان قالديرديغي ادعا ائديلن واسطه‌‌لره آلدانمايين..بو واسطه‌‌لري ايستيفاده ائتمزدن اول موطلق حكيمه مراجعت ائدين.ائو توزونا قارشي آللئرگيياسي اولانلارين دؤشك،يورغان،ياستيق و س.ياتاق دستلري يوندان اولماماليدير.سينتئتيكادان حاضرلانميش دستلر داها مقصدويغوندور.بو اؤرتوكلر ان آز هفته‌ده بير دفعه ديَيشديريلمه‌ليدير.همچي‌نين يوكسك تئمپراتوردا يويولمالي،آللئرگييا ياراتمايان شكافدا ساخلانيلماليدير.آللئرگيياسي اولان اينسانلار يونلو و توكلو گئييملردن اوزاق اولماليديرلار.
نم و روتوبتلي يئرلرده عمله گلن گؤبلكلر و كيفلر آللئرگييا و آستماني آرتيران فاكتورلار سيراسينداديرلار.حامام و بو كيمي يئرلرده خالچا و توكلو اؤرتوكلر ايشلتمه‌يين.آللئرگييالي اينسانلاردا بورون خسته‌ليكلري- اورتيكئرس،آستما،رينيت،نازال پوليپلر كيمي خسته‌ليكلر يارانماقلا ياناشي،اينساني شوكا سالماق سويه‌سينه ده چاتديرير.اونا گؤره ده اؤزونوزه قارشي هر زامان دقتلي داورانين.
