هانسي خستهلييه هانسي قيدالار لازيمدير
ساتسوما: (كيچيك پورتاغال) تركيبيندهكي فوليك تورشو و C ويتاميني سايهسينده اؤسكورگي و قانلي توپورمهلري كسر. بوندان باشقا قان لاختالانماسينا قارشي ان تأثيرلي طبيعي يئمك اولدوغو اوچون ايرهلي ياشلاردا ايفليج، يا دا اينفاركت ريسكيني ده آزالدير.
دارچين: يئمكلره گيرميش اولا بيلهجك ائ-جولي باكتئريياسينين بدنده ياييلماسينا مانع اولور. مدني نيزاما سالار. قوسماغا مانع اولار. حتي بال، يا دا ليمون سويويلا بيرليكده قبول ائديلديكده بوغازداكي يانمالاري كسر.
خاردال: ايچيندهكي سينگرين ماددهسي، مدنين قاز چيخارماسينا يارديمچي اولور. هزم سيستميني تنزيملهيير، مده آغريلاريني آرادان قالديرار. ان چوخ بير چاي قاشيغي آلينماليدير.
نانه: تركيبيندهكي مئنتول، مدنين نورماللاشماسينا سبب اولور. بدنه گيرن قريپ ميكروبونا قارشي ساواشديغي كيمي، ايرهلي ياشلاردا خورايا توتولما ريسكيني ده آزالدير. نانه چايي، باش آغريسي، قريپ، سترئس كيمي خستهليكلرين ياناشي مده يانماسينين دا درمانيدير.
دئپرئسسييا:
آووكادو: هزمي چوخ راحت اولان بو مئيوهني خصوصيله يئني دوغولموش كؤرپهلرين ايلك يئميي اولاراق توصيه ائدريك. تركيبيندهكي ائ ويتاميني اوره يه ياخشي گلير، يوكسك كاليوم دا دينج توتار و اينساني دئپرئسسييايا سالان اويوشوقلولوغو و راحتليغي اوستوندن آتار. بدنين خولئستئرول نيسبتيني تنزيملهير. بدنينيزين مونتزم هوجئيره يئنيلهمهسينه سبب اولار. (آريقلاماق ايستهينلر دقت: ياغ نيسبتي بير شوكولاد قدر يوكسك اولان آووكادويو يئمهمهنيزي تكليف ائديريك.)
شوكولاد: سودلو شوكولادلاري سئچين. چونكي تركيبيندهكي كاكاو ياغي، ماقنئزيوم، ائ ويتاميني بئينين اؤزونو يئنيلهمهسينه و پسيخولوژي راحتليق تعمين ائتمهسينه يارديمچي اولور. ميگرئني اولانلار شوكولاددان اوزاق دايانماليدير.
اوستريتسا: ( اوسترئويدا دستهسيندن بير موليوسك نؤعدور،نه اولدوغونو بيلمهينلر اوچون آشاغيدا شكليني قويموشام) ايچيندهكي دمير، سپئرما ساييني و اينسانين سئكس گوجونو آرتيرير. آ، ب12 و ج ويتامينلري داخيلدير. بئيين اوچون ان فايدالي عرضاق اولان اوستريتسا، ائنئرژي وئرير. (دقت: خولئستئرول نيسبتي بير چوخ باليغين ايكي قاتيدير.)
كارتوف: اورتا بوي بير كارتوف، بير اينسانين بير گون ايچينده آلماسي لازيم اولان ج ويتاميني داخيلدير. بئييندهكي سئروتونين آدلي كيميوي ماددهنين اؤزونو يئنيلهمهسينه تعمين ائدير.
ايدرار يوللاري:
نانه: سيديك سؤكدوروجو خصوصيته ماليكدير. تركيبيندهكي مئنتول، مدنين نورمال فونكسيياسيني يئرينه يئتيرمهسينه سبب اولور. بدنه گيرن قريپ ميكروبونا قارشي دؤيوشدويو كيمي، ايرهلي ياشلاردا خورايا توتولما ريسكيني ده آزالدير. سحرلر مده بولانتيسيني كسر. نانه چايي، باش آغريسي، سترئس كيمي خستهليكلرله ياناشي مده يانماسينين دا درمانيدير.. آنجاق نانه چاييني آج قارينا دئييل، توخ قارينا ايچين.
آلما: ايچيندهكي ج ويتاميني و پئكتين اولدوقجا فايداليدير. خولئستئرولو سالار، هزم سيستميني نيزاملايير و سيديك و حاجت (كؤهنه ديلده آرادان قالديريلماسي لازيم اولان احتياج و توالئت معناسينا گلير) يوللارينداكي پروبلئملري آرادان قالديرار.
كپكلي چؤرك: ب3 ويتاميني، دمير، كاليوم و فول تورشوسو داخيلدير. لاپ چوخو سيديك يوللارينا ضرر وئرركن، گونده 2 ديليم يئمك كؤمك اولور.
آللئرگييا:
اريك: ايچيندهكي بئتاكاروتئنئ آدلي مادده هوجئيرهلره هوجوم ائدن مولئكوللاري نظارت آلتينا آلاراق، خرچنگين قارشيسيني آلير. بير اريك نه قدر پارلاقديرسا، ايچيندهكي بئتاكاروتئنئ نيسبتي او قدر يوكسكدير. تركيبيندهكي كالسيوم و ماقنئزيوم، قيرتلاق گؤينهمهلرينه مانع اولور. قورو ارييه رنگي سولماسين دئيه علاوه اولونان سولفات ديوكسيد، آستما كيمي آللئرگييالارا ياخشي گلير.
هئمورويد (باباسيل):
هيندقوزو: تركيبيندهكي ميريستين آدلي مادده قوسماني مانعهلر، باباسيل موعاليجهسينده چوخ خئييرليدير. (دقت! آنجاق چوخ آغير وضعيتده اولان باباسيل اوچون تهلوكهليدير.)
قارين آغريسي:
چوبانياستيغي چايي: باغيرساق يوللاريندا توپلانان قاضي چيخارير، هزم سيستميني نيزاملايير، مده آغريسيني كسر.
قاراجيير:
انگينار: جينارينئ آدلي مادده سايهسينده ان سرت يئمكلري بئله هزمينه كؤمك اولور.كاراجيغئر خستهلرينين يانيندا رئوماتيزم و آرتيريت خستهليگينه توتلولانلارا، حاميلهلره شدّتله توصيه ائديريك.
بييان كؤكو: دونيا اوزرينده بير چوخ قبيله عصرلردير خورا، آرتيريت، برونخيت و قاراجيير خستهليكلرينه قارشي بييان كؤكونو "طبيعي درمان" كيمي ايستيفاده ائدير. آدرئنالين يوكسلدر، اينسانين سترئسسه گيرمهسيني مانعهلر، قان تضييقيني آشاغي سالار. زئردئچال (اگر سهو ترجومه ائتمهميشمسه بو ساريكؤكدور.) قاراجيير: ساغلام بير ايممونيتئت سيستمي، دري و ايتي گؤزلر اوچون لازيملي اولان آ ويتاميني باخيميندان زنگيندير. كيچيك بير بوشقابدان گوندهليك آ ويتاميني و دمير ايله آيليق ب12 ويتاميني احتياجيني آرادان قالديرار. قاراجيير ناراحاتليقلاري ايله ياناشي هزمه ده ده كؤمك ائدير.
ديش:
چؤرك: شيرين بير شئي يئديكده ايچيندهكي تورشولار ديشلره هر 20 دقيقهده بير هوجوم ائدير. چؤرك، ديشلري قورويور. گون عرضينده 6 -11 ديليم چؤرك يئيين.
مئيوه: (هر نؤو) گونده 2 - 4 پاي مئيوه ايستئهلاك ائدين.
تروز: (هر نؤو) گونده 3 -5 پاي ايستئهلاك ائدين.
قاتيق و يا آغ پئندير: اگر يئمكلر آراسي نسه يئيركن ديش ساغلامليغينيزي دوشونورسونوزسه، كالسيوم آنباري اولان بو ايكي يئميي سئچين.
بانان: يوكسك ميقداردا كاربوهيدرات داخيلدير. زنگين بير كاليوم قايناغيدير. بو مينئرال، اورگين نيزاملي اولاراق ايشيني و تضييقين نيزاملي اولماسيني تعمين ائدير.
تضييق:
رازيانا: تركيبيندهكي كاليوم سايهسينده تضييقي تنزيملهيير. ساغلام قان هوجئيرهلري اوچون زروري اولان فول تورشوسونو دا بول ميقداردا ساخلايار. رازيانا چايي هزم اوچون ياخشيدير.
تاخيل: ايچريسينده قان دامارلاريني بوشالدان و راحتلاشديران بير نؤو فوتوسينتئز كيميوي ماددهسي وار. بو سايهده قانين دامارلاردان داها راحت كئچمهسيني تعمين ائدير. تاخيل يئمك تروزلره نيسبتن بدنده داها چوخ كالوري يانديريلماسيني تعمين ائدير. كالورينين آزالماسي تضييقي تنزيملهيير.
اون: اويودولدويو تاخيلين قيدا ديَرلريني ائهتيوا ائدير. ب ويتامينلري، ائ ويتاميني، دمير و ماقنئزيوم باخيميندان اولدوقجا زنگيندير.
هزم پروبلئملري:
آرپا: تركيبيندهكي كالسيوم و كاليوم كيمي مينئراللار ايله ب ويتاميني بدنه مقاومت قازانديرير. آيريجا آبش-داكي بير آراشديرما، 6 آي بويونجا هر گون آرپا محصوللارينين يئييلمهسينين خولئستئرول نيسبتيني 15% سالديغيني ثبوت ائتدي.
قاتيق: گونده 150 قرام قاتيق بدنين بير گونلوك كالسيوم احتياجيني قارشيلايير. مئيوهلي يوغورتلارا 3 چاي قاشيغي شكر علاوه اولوندوغو اوچون شكر درجهلري داها يوكسكدير. يوغورتتاكي كاليوم، قان تضييقي و اورك آتيشلاريني تنزيملهيير. مدنين يئمكلري موتمادي اولاراق هزم ائتمهسيني تعمين ائدير ...
آريقلاما:
شوكولادلي پودينق: بو سايهده بدندهكي قان ايستهديگي زولال و مينئراللاري آلار. اينگيليس سهيه ناظرليگي، كيلو ايتكيسي ياشايانلارين گونده 3 دفعه 1 هفته عرضينده پودينق يئمهسيني توصيه ائدير.
پئندير: 100 قراميندا 78 كالوري وار.
يومورتا: گونده 2 يومورتا قادينلارين گوندهليك پروتئين احتياجينين 4ده 1ايني، كيشينين ايسه 5ده بيريني قارشيلايير. آ، د، ائ و ب ويتامينلري ائهتيوا ائدن يومورتاداكي سئلئنيوم ماددهسي، كؤرپهلرده هزم پروبلئملريني حل ائدير، يئنييئتمهني ده خرچنگه قارشي قورويور.
دوندورما: گونده 2 توپ وانيللي دوندورما يئمك، اينسان بدنينين گوندهليك پروتئين احتياجينين 20 فايزيني قارشيلايير.
كولباسا: ب ويتاميني، دمير، ناتريوم و كاليوم آنباريدير.
كليماكس:
نوخود: تروز هورمونو "فيتووستروژئن" داخيلدير. بونلار اوستروژئنين بدندهكي تأثيرلريني تارازلايار و كليماكسين ياراتديغي تأثيرلره قارشي قورويار. تروز زولالينين ان زنگين قايناقلاريندان بيريدير.
كولا: كوفئين بدنين يورغونلوغونو آلار.
اوزوم: تركيبيندهكي "ائلاژيك" تورشو سايهسينده كليماكسين سبب اولدوغو سوموك اريمهسينه قارشي قورويار. قانداكي اوستروگئن سويهسيني يوكسلدهرك ده كليماكس سيمپتوملاريني ان آشاغي سويهيه ائنديرر.
قورو اريك: يالنيز ايكي-اوچ ادد يئمك بئله بدنين احتياجي اولان آنتيوكسيدانلاري تعمين ائدير. سيديك يوللاري عضلهلريني راحتلاشديرير. بو دا قالين باغيرساق خرچنگينه قارشي قورويور. دمير، آ ويتاميني، ب6 ويتاميني، كاليوم داخيلدير. تركيبيندهكي يوكسك نيسبتدهكي بور مينئرالي سايهسينده كليماكس دؤوروندهكي قادينلاردا اوستروگئن سويهسيني تارازليقدا ساخلايار.
شيرين كارتوف: آدرئنالين هوجوملاري ايفراز ائدن بئزلري گوجلنديرهرك بدنه ائنئرژي تعمين ائدير. فوسفور، ماقنئزيوم، كالسيوم، ج ويتاميني، كاليوم و فول تورشوسو داخيلدير.
رئوماتيزم:
انگينار: بدندهكي زهري آتما تأثيري سايهسينده باشدا رئوماتيزم اولماق عذره گوت خستهليگي و اويناق آغريلارينين موعاليجهسيدير. فول تورشوسو و كاليوم سوموكلري گوجلنديرير.
پوميدور: ج ويتاميني بولدور.
تاخيل: تركيبيندهكي طبيعي كيميوي ماددهلر، رئوماتيزمين گتيريب چيخارديغي اويناق يانمالاري و روماتيزما آغريلاريني يونگوللشديرر.
ككليك (اوتو): تيمول آدي وئريلن بير نؤو طبيعي ياغ، بدندهكي ديگر ياغلارين پارچالانمالاريني تعمين ائدير. ككليك ياغي دوشدا چكيلديگي واخت رئوماتيزم آغريلاريني بؤيوك نيسبتده آزالدار.
زنجفيل: خبردارليقچي تأثيرلري قان دامارلاريني گئنيشلهديب قان دؤورانيني آرتيراراق رئوماتيزم آغريلاري و يانمالاري يوخ ائدر.
سيستيت:
قوشقونماز: فول تورشوسو، ج و ائ ويتامينلري ائهتيوا ائدير. يئنيلن قيدالارين بدندهكي زهرلي قاليقلاريني آتماغي تعمين ائدير. قاراجيير و بؤيركلرين ايشيني آسانلاشديرير، دستكلهيير. بو سببله حكيملر، سيستيت خستهلرينين موطلق قوشقونماز يئمهلري لازيم اولدوغونو سؤيلهيير.
قان آزليغي:
خورما: نؤعنه گؤره ديَيشسه ده خورمالاري بير چوخو يوكسك نيسبتده دمير ائهتيوا ائدير. قيدا ديَري يوكسك و اهميتلي بير ائنئرژي قايناغيديرلار. طبيعي ايشلتمه تأثيرينه ماليكدير. قورودولموش اولانلارينا گؤره داها يوكسك نيسبتده سو و داها آشاغي كالوري ائهتيوا ائدر.
سيديك و بؤيرك:
چوغوندور: بؤيركلري ايشلهدر. اهميتلي بير كاليوم قايناغيدير. بدندهكي دوز نيسبتيني تارازلايار. بو سايهده بؤيركلر و سيديك يوللارينين ايشيني دستكلهيير.
قووون (يئميش): اورتا بوي بير قووونون ياريسي، گوندهليك ج ويتاميني احتياجيني تاماميله قارشيلايير. آ ويتاميني و بئتاكاروتئن داخيلدير. بونلار آنتيوكسيدانت، يعني بدني تميزلييجي تأثيره ماليكدير. بؤيركلري راحتلاشديرير. يوكسك ميقداردا سو و آشاغي ميقداردا كالوري ائهتيوا ائدر.
ديابئت:
قورو لوبيا: ليف باخيميندان زنگين بير قيدادير. بو دا ديابئت ريسكيني بؤيوك نيسبتده آزالدير. تركيبيندهكي كاربونهيدراتلاري بدنين شكره چئويرمهسي اوزون سورر.
مرجيمك: ب ويتاميني، دمير، كالسيوم، كاليوم، فوسفور و ماقنئزيوم داخيلدير. سئروم ليف ائهتيوا ائتمهسي سايهسينده قانداكي خولئسترول فايزيني آشاغي سالير. بو سببله ديابئت و اورك خستهلري اوچون قاچيلماز بير قيدادير.
باش آغريسي:
نانه: نانه چايي باش آغريلاريني ساكيتلشديرمك اوچون بيره-بيردير. تركيبيندهكي مئنتول و مئنتول طبيعي ياغلاري سايهسينده مدني راحتلاشديرماق تأثيرينه ده ماليكدير.
بيبرييه: كيميوي تركيبي سايهسينده طبيعي بير آغري كسيجي وظيفهسي گؤرر.
شوكولاد: طبيعي آنتيدئپرئسان خصوصيتي واردير. شوكولاد ماقنئزيوم و دمير ائهتيوا ائدير. عصبلري بوشالديجي خصوصيتي سايهسينده باش آغريسيني دينديرر.
آرديني اوخو
آرت تئراپييا
آرت-تئراپييا نه دير؟ آرت-تئراپييا قديم زامانلاردان بري اينسالارين فردي موعاليجه مئتودور. سترئسس، دئپرئسييا ، گرگينليك، عصبيليك. بونلار هاميسي گوندهليك حياتيميزدا وار. البته كي، بوتون بونلارين قارشيسيني آلماق اوچون بيز اؤزوموز اؤزوموزو موعاليجه ائتمهليگيك. اينسان ياراديجيليقلا مشغول اولدوقدا بئييندهكي فيكيرلر ايلهاملانماقلا عوضلهنير، پروبلئملر ايكينجي پلانا كئچير. سادهجه شكيل چكمك، شعر يازماق، هئچ بير اساسي اولمادام ناغيللار قوشماق اينسان بئينينه تأثير ائدير. بو ياراديجيليق نؤولري آرت-تئراپييايا چئوريلير. اگر سيزين هر هانسي بير پروبلئمينيز وارسا، نَيسه گؤره ناراحاتسينيزسا، آرت-تئراپيياني تجروبهدن كئچيرمهنين اصل واختيدير. ايستهديگينيز و الينيزين آلتيندا اولان هر شئيدن ايستيفاده ائده بيلرسينيز- كاغيذ پارچاسي، رنگلي كارانداشلار، فلوماستئرلر و يا رنگلي بويا. گؤزلرينيزي بير آنليق يومون، پروبلئمينيزي دريندن دوشونون و قلبينيزين سسيني دينلهيين. ساكيتلشمهيه چاليشين. سونرا شكيل چكمهيه باشلايين. اساس قايدا - شكيل آبستراكت اولماليدير و هئچ بير رئال اشيا و يا اينسان جانلانديرمايين و شكلي آناليز ائتمهيين. سيزين ياراتديغينيزي سيزدن باشقا هئچ كيم گؤرمهيهجك.
ايشي باشلايان كيمي پروبلئمينيزي دوشونون و ائموسييانيزا اويغون اولاراق چكين. اورگينيز بوشالانا كيمي چكين. رسم بيتديكدن سونرا همين شكلي كيچيك حيصهلره بؤلون. بئلهليكله سيزين پيس ائموسييالارينيز همين شكيلله بيرليكده ايتهجك. ايندي ايسه قلبينيزدهكي بوشلوغو دولدورماق واختدير. نئجه؟ ايندي ايسه عيني شكيلده آبستراكت چكه بيلرسينيز، اما ياخشي ائموسييالاري- سئوگي، خوشبختليك، وار-دؤولت، اوغور و س. تزه شكلي ايسه آتمايين. گؤزونوزون گؤرهجيي يئره قويون و بير نئچه گون اونا باخين.
1. ائموسييالارا قاپيلماق.
2. ناغيل تئراپيياسي
ناغيل تئراپيياسي سيزه آرزولارا چاتماغينيزا كؤمك ائدهجك. مثلا، ناغيل تئراپيياسيندان بير چوخ اؤلكلرده چكينين نورماللاشديريلماسي مركزلرينده ايستفاده ائديرلر.
پ.س. سيز عيني مقصدله ديگر ياراديجيليق نؤولري ايله مشغول اولا بيلرسينيز- رقص، موسيقي ياراديجيليغي، تيكيش، توخو
ايلك اؤنجه اؤز مقصديني آيدينلاشدير. داها سونرا اونا اويغون اولاراق ناغيل قوشماغا باشلايين. اولا بيلسين كي، ناغيل آبسورد خارمس ستيلينده و يا ساده خالق ناغيللاري ستيلينده اولا بيلر. هئچ ندن چكينمهيين. اؤز اثرينيزي قيسالتمايين. هر شئيي دوشوندويونوز كيمي تصوير ائدين. اؤزونوز ذؤوق آلا بيلهجهيينيز كيمي يازين. البته كي ناغيلين سونو خوش سونلوقلا بيتهجك. ائلهجه ده سيزين آرزولارينيز ناغيللارداكي كيمي حياتا كئچهجك. سادهجه اينانماق لازيمدير. معجزهلره اينانين. چونكي حيات معجزهلرله دولودور. جولوق، گوندهليك توتون و س. نه ايله مشغول اولماغينيز واجيب دئييل. اساس اودور كي،دوشونجهنيزي و حياتينيزي ديَيشين. هئچ بير ماگييا يوخدور. دونيادا هر معجزه بيزيم و اللهيميزين اليندهدير.
آرديني اوخو
ان دوغرو نفس آلما قايداسي
ساغلامليغيميز اوچون بوروندان يا آغيزدان،هانسيندان نفس آلماغين داها فايدالي اولدوغونو بيلمك گومان ائديرم كي،هر كس اوچون ماراقلي اولار.ائله ايسه بو مسئلهيه داها دقتله نظر سالاق. بئله كي ؛
بوروندان آلينان نفس آغجييرلره چاتمادان اؤنجه ايسينير، نملهنير و تميزلهنير.يعني، بوروندان آلينان نفس قورو و سويوق هاواني آغجييرلره اويغون حالا گتيرير. بو،هم آغجييرلريميز،هم ده ساغلامليغيميز اوچون چوخ اهميتليدير.
آغيزدان آلينان نفس ايسه هئچ بير ديَيشيكليك اولمادان بوغاز و آغجييرلره اؤتورور. عيني زاماندا اورقانيزمدهكي كاربونديوكسيد ايله بيرليكده نمي ايتيرهرك، بدنيميزده گركسيز مايئ ايتكيسينه سبب اولور.
بوروندان نفس آلماغين فايدالاري:
1. ياتاركن خورولداماغين قارشيسيني آلير.
2. يوخونو داها راحت ائدير
3. ديش و چنه ايله باغلي پروبلئملري آزالدير
4. اورقانيزمده مايئ ايتكيسينين قارشيسيني آلير
5. آغجيير و بوغاز خستهليكلريني مينيموما ائنديرير
6. دقتي آرتيرير
7. قانداكي اوكسيگئنين ميقداريني چوخالدير
8. آغيزدان خوشاگلمز ايگينين قارشيسيني آلير.
آرديني اوخو
هر دؤش خستهليگي خرچنگ دئييل
قادينلارين چوخو تئز-تئز دؤش آغريلاريندان شيكايت ائدير. چوخ قورخولو اولان دؤش آغريلارينين خرچنگ خاريجينده ده خئيلي چوخ سببي اولا بيلر. پروف. در. عبدالله ايغجي، دؤش آغريلارينين نؤولريني و بو آغريلارين قارشيسيني نئجه آلا بيلهجهيينيزي آشاغيداكي كيمي ايضاح ائدير.
دؤش آغريسي، قادينلاردا ان چوخ شيكايتلنن آغريلاردان بيريدير. آغري بير و يا ايكي دؤشده فرقلي درجهلرده اولا بيلر. بو آغريلارين آنجاق 15-20%-نين موعاليجهيه احتياجي واردير. دؤشده آغري شيكايتي ايله حكيمه مراجعت ائدن خستهلرين ان بؤيوك قورخوسو خرچنگ اولما احتيماللاريدير. اصلينده دؤش آغريسي ايله خرچنگ آراسيندا بيرباشا علاقه يوخدور. دؤشده آغرينين سببي، دؤشون اؤزوندن قايناقلانان پاتولوگييالار اولدوغو كيمي دؤش اطرافينداكي عضله، اويناق و سوموكلرده يارانان خستهليكلر ده اولا بيلر.
دؤشده دؤورو (مئنوستراسييا ايله علاقهلي) و قئيري-دؤورو (مئنوستراسييا ايله علاقهسي اولمايان، داواملي) اولماق عذره ايكي تيپ آغري ميدانا گلير.
دؤورو آغري
دؤش هورمونلاري هسساس بير آغريدير. آيباشي دؤورلريندن (مئنوستراسييا) سونرا يومورتاليقلاردان سئكرئسييالانان اؤستروژئن (اؤستروژئن هورمونو قيزلاردا بويون اوزانماسينا، قادين تيپينين ميدانا گلمهسينه و دؤشون بؤيومهسينده ايشتيراك ائدير. سسين اينجه اولماسي، دوداقلارين بؤيومهسي و قادين تيپي اومبا ميدانا گلمهسيني اؤستروژئن تعمين ائدير. قيزلاردا قول آلتي و گئنيتال اورقان اطرافينداكي توكلنمه يومورتاليقدان سئكرئسييالانان كيشي تيپي هورمونلار (آندروژئنلئر) سايهسينده اولار. اؤستروژئن هورمونو قادينلاري اورك خستهليگيندن قورويار و قان خولئستئرولونو آزالدار) و پروگئستئرون هورمونو، (پروگئستئرون بدنده مايئ ييغيلماسي و قاباريقليقلارين اهميتلي بير سببيدير. بونون سببي دوز عضلهلرده بوشالما و باغيرساقلاردا بو سببله قاز ميدانا گلمهسيدير)، دؤشو سود وئرمهيه حاضرلايار. بو هورمونلار، دؤشدهكي سود كاناللارينين و سود يارادان هوجئيرهلرين بؤيومهلرينه و چوخالمالارينا سبب اولور. بو سببدن مئنوستراسييادان اول، دؤشده سو ييغاراق و دؤشون هجميني آرتيراراق گرگينلييه سبب اولور. مئنوستراسييانين باشلاماسييلا بيرليكده دؤش ايچينده يارانان ستروكتورلار تكرار نورمال اؤلچوسونه گئري دؤنر. دؤشدهكي بو هوجئيره چوخالمالاري و دؤش فورماسينين هجمينين بؤيويوب كيچيلميسي نتيجهسينده فيبروكيستيك ستروكتورلار (آغري، يانما حيسسي و دؤشده كوتلهلرين اله گلمهسي ايله اؤزونو گؤسترن فيبروكيستيك ديَيشيكليكلر) ميدانا گلر. آيباشيدان اولكي دؤورده دؤشده گرگينليك و آغري نورمالدير. مئنوستراسييانين باشلاماسييلا بيرليكده آغري و گرگينليك ايتر. بضا آغريلارين شدّتي آرتا بيلر. دؤش آغريلارينين 70-80%-اي بو شكيلده حيسس اولونور. عموميتله 30-40 ياشلاريندا داها چوخ گؤرونن دؤورو آغريلارين سببلري آراسيندا هورمونال (اوستروژئن و پروگئستئرون) ديَيشيكليكلر، آيباشي نيزامسيزليقلاري، پرولاكتين هورمونونون آرتماسي (كيشيلر جينسي علاقه زاماني اورقازم اولاركن اونلارين اورقانيزمينده فيزيكي يورغونلوقلا برابر هم ده احوال-روحيهني قالديران و يوخو گتيرن پرولاكتين آدلي هورمونون سويهسينين آرتماسي اونلارين جينسي علاقهدن سونرا يوخويا گئتمهسينه سبب اولور. قادينلاردا ايسه تام عكسينه اولاراق جينسي علاقه زاماني پرولاكتين هورمونو ايله برابر جينسي ايستيي آرتيران اوكسيتوسين هورمونو دا ايفراز اولونور)، دوغوم ايداره ائدن هبلر، كليماكس دؤورونده هورمون رئپلاسما موعاليجهسي (دوغوش قابيليتينين ايتديگي 48-55 ياش آراسي دؤوره "كليماكس" آدي وئريرلر)، سترئس، كدر، دوزلو يئمك، چوخ كوفئ ايچمك و ياغلي يئمكلر ايشتيراك ائدر.
آغرييلا علاقه دار توصيهلر:
دؤشو آلتدان دستكلهين اويغون بوستهالتئر ايستيفاده ائتمك،
دوزلو يئميي آزالتماق،
كوفئ ايچميي آزالتماق،
ياغلي يئميي آزالداراق ليفلي قيدا و مئيوه يئميي آرتيرماق،
كؤكلمهمك، چوخ گزمك و ايدمان ائتمك.
دؤورو آغرينين موعاليجهسي:
دؤشده يارانان آيباشي اولي دؤورو آغريلارينين 20%-ني درمانلا موعاليجهيه احتياجي واردير. آسپيرين، پاراسئتامول و يا آنتيفيلوژيستيك درمانلار (يانغيني و قيزديرماني آزالدان)، آغرينين آزالماسيندا تأثيرلي اولارلار. ب1، ب6 و ائ ويتامين پرئپئراتلاري و ماهود چيچيينين ياغي (ائوئنينگ پريمروسئ اويل)، دؤشده راحتليغي تعمين ائدير. بروموكريپتين، دانازول كيمي درمانلار دا چوخ لازيملي اولدوغو زامان ايستيفاده ائديلر آنجاق بو جور درمانلارين چوخ جدي يان تأثيرلري واردير.
قئيري-دؤورو آغري (نونپئرييوديك)
قئيري-دؤورو آغري آغري، دؤشده آيباشي دؤورلريله علاقه دار اولمادان ميدانا گلير. آغري، دؤشون موعيين بير بؤلگهسينده حيسس ائديلر و عموميتله 40-50 ياشلاردا گؤرولر. آغري بضا قولدا، چيگين و يا قول آلتيندا دا حيسس ائديلر. آيريجا چيگين، قول و يا عضلهده يارانان خستهليكلردهكي آغري دا دؤشده حيسس ائديلر. زده، دؤشده سرعتلي بؤيوموش ماكروكيستلر، فيبروادئنوم، دؤش ايلتيهابلاري، سود كانالي اطرافيندا يارانان ايلتيهابلار و سترئس دؤشلرده ياغ نئيروزو ميدانا گلمهسي دؤشده آغرييا گتيريب چيخارار. آيريجا عضله آغريسي، چيگين اويناغينداكي رئوماتيزما خستهليكلردن قايناقلانان آغريلار دؤشده ده حيسس ائديلر.
قئيري-دؤورو آغرينين موعاليجهسي
موعاليجهلر آغرينين تيپينه گؤره ديَيشيلر. بؤيوموش كيستلرين آسپيراسيونو، (تنففوس يولونداكي نفس بوروسو ياخود آغجييردهكي مايئ و يا قاتي بير ماددهنين عميلمهمهسي) دؤش ايچينده بؤيوين كوتلهلرين عملياتلا چيخاريلماسي، دؤش ايچينده و يا سود كانالي اطرافينداكي ايلتيهابلارين آنتيبيوتيك درمانلارلا قورودولماسي، سترئسين گتيريب چيخارتديغي آغريلار اوچون آنكسييوليتيك درمانلار آلينماسي (جانليلاردا سترئسسله يارانان علامتلري آرادان قالديران درمان)، عضله آغريسي و يا رئوماتيزما سببلري ايله باغلي دؤش آغريلاريندا ايستيقامتلي موعاليجه ائديلمهسي بونلاردان بعضيلريدير.
آرديني اوخو
جاوان قالماغين يوللاري
چوخ يئمهيين
قبول ائديلميش گوندهليك 2500 كالوري عوضينه 1500 كالوري ايله كئچينمهيه جاليشين. بونونلا سيز هوجئيرهلرينيزه دوشن يوكو 50 فايزه قدر آزالتميش و اونلارين آكتيوليگيني تعمين ائتميش اولارسينيز. چونكي، نه قدر يوكلهنيرسه اونلارين يئنيلنمهسي بير او قدر تئزلشير (هوجئيرهلر تئزلشديكجه بئله دئمك اولارسا اونلارين اورقانيزمده تزلنمهسي ليميتي واختيندان اول بيتير) بونونلادا اورقانيزمين خستهليكلره و ميكروبلارا قارشي گوجو آزالير.
قيدا راسيونونوز ياشينيز اويگون اولماليدير
مثلا ياشي 30-دان يوخاري اولان قادينلار قوندهليك قيدالارينا آز ميقداردا قارا جيير و قوز لپهسي داخيل ائتمكله قيريشلارين يارانماسيني 10 ايلهدك لنگيده بيلرلر. 40 ياشيندان يوخاري قادينلار ايسه داها جوخ تركيبينده بئتاكاروتين (يئركؤكو، يومورتا ساريسي و ساير ساري رنگلي قيدالارين تركيبينده اولان نارينجي-ساري رنگلي پيقمئنت) اولان قيدالار قبول ائتمهليدير. بو ياشدا اولان كيشيلر ايسه تركيبينده سئلئن ماددهسي اولان پئندير و قارا جيير كيمي قيدالار قبول ائتمهليديرلر. خاطيرلاداق كي، سئلئن سترئسسين قارشيسيني آلان ان ائففئكتيو مادده حساب اولونور. 50 ياشيني اؤتموش اينسانلارين قيدا راسيونونون اساسيني ايسه ماقني ايله زنگين عرضاقلار توتماليدير. عومرونو ياري ائتميش اينسانلارين همچينين باليق و ديگر دنيز محصوللاريندان ايستيفاده ائتمهسي ده واجيبدير. جونكي بو محصوللار اورك-دامار خستهليكلرينين قارشيسيني آلير و قانين دؤورئتمهسيني انگللهين سببلري آرادان قالديرير.
ايش اينسانين جؤوهريدير
آتالارين يوز ايللر اول دئديكلري بو مثل گونوموزده علمي تجروبه ايله ثبوتا يئتيريليب. بئله كي، تدقيقاتلار نتيجهسينده معلوم اولوب كي، آكتيو حيات طرزي سورن اينسانلاردا قوجالما و آرتيق چكي پروبلئمينه ديگرلرينه نيسبتن 80 فايز آز راست گلينير. يئري گلميشكن قئيد ائدك كي، اورتا ياشلاريندا فيزيكي ايشلرله مشغول اولان اينسانلار ياشلاري اؤتدوكده بئله فورمالاريني قوروماق اوچون بعضي “آغير” ايشلرله مشغول اولماليديرلار. مثلا يئر بئللئمك، اودون قيرماق و س. شهر يئرلرينده ياشايانلار ايسه بو ايشلري پييادا گزينتيلرله ده عوض ائده بيلرلر. بير ماراقلي مقامي دا دقتينيزه چاتديرماق ايسترديك: تدقيقاتلار نتيجهسينده موعيين ائديليب كي، ديريژورلار، فيلوسافلار، رسساملار و روحانيلرده قوجالما پروسئسي داها لنگ گئدير. بو ايسه همين پئشهلرين هله ده سيرلي قالان مقاملاريدير.
اؤز تاييني تاپ
قوجالمانين قارشيسيني آلان ان ائففئكتيو واسطهلبدن بيري ده قريبه ده اولسا سئوگي و نوازيشدير. عاليملر موعيين ائديبلر كي، سئون اينسانلارين اورقانيزمي ائندوفين ماددهسي ايفراز ائدير كي، بو ماددهني ده قئيري رسمي اولاراق خوشبختليك هورمونو آدلانديريرلار. ائندوفين ايممون سيستميني گوجلنديرير و اينسان سيماسينا قئيري-آدي خوشبختليك جيزگيلري قاتير. اودور كي، قوجالماق ايستهمهينلر اؤز ياخينلاريندان سئوگي و نوازيشلريني اكسيك ائتمهمهلي، گونده هئچ اولماسا بير نئچه دفعه ديللرينه “سني سئويرم” كلمهسيني گتيرمهليديرلر.
عقيدهنيزده مؤحكم اولون.
حياتدا شعورلو شكيلده ياشايانلار عكس قوتبده دايانانلارا نيسبتن داها آز دئپرئسسييا و روح دوشگونلويو ايله اوزلشيرلر. چونكي اونلار اؤز يوللاريني اؤزلري سئچيرلر و هر هانسي بير وئرركن اونون بوتون منفي و موسبت طرفلريني دوشونورلر. ائله بو سببدن ده حتي ان پيس وضعيته دوشدوكده بئله اونا اولجهدن حاضرليقلي اولورلار.
اؤز يولو و عقيدهسي اولماييب حياتين آخاري ايله گئدنلرده ايسه قوجالما و دئپرئسسييا حاللاري داها تئز باش وئرير. ستاتيستيكا دا گؤسترير كي، اينتيهار حاللارينين اكثر حيصهسي محض بو تيپ اينسانلارين پايينا دوشور.
حركت حياتدير
تدقيقاتلار نتيجهسينده ثبوتا يئتيريليب كي، گوندهليك اولاراق 8-10 دقيقه ايدمانلا مشغول اولان اينسانلاردا قوجالما داها گئج باش وئرير. چونكي موتمادي حركت ائتمكله 25-30 ياش آراسيندا اورقانيزمده كسيلمهلي اولان بوي هورمونونون ايفرازي مدتيني خئيلي اوزاتماق مومكوندور. بو زامان بويونوز آرتماسا دا اينكيشاف پروسئسي ان آزي 5 ايل آرتيق داوام ائدهجك.
سرين اوتاقدا ياتين
بئين الخالق حكيملر قروپونون تاپينتيلاريندان بيري ده ياتاق اوتاغينداكي هرارتين قوجالمايا تأثيري ايله باغلي اولوب. اونلار آيدينلاشديريبلار كي، 17-18 درجه هرارت اولان اوتاقدا ياتان شخصلرده قوجالما پروسئسي داها لنگ گئدير. عاليملر بونون سببيني مولاييم ايقليمده اورقانيزمده ماددهلر موباديلهسينين داها لنگ گئتمهسي ايله ايضاح ائديرلر. پروسئسين لنگ گئتمهسي ايسه هوجئيرهلرين تئز قوجالماسينين و تلف اولماسينين قارشيسيني آلير. سرين هاوا عاملي همچينين مولاييم ايقليملي رئگيونلاردا ياشايان اينسانلارا دا تأثير ائدير. بئله كي، اورتا ايقليم قورشاغيندا ياشايان اينسانلار ديگر ايقليم شرايطينده ياشايانلارا نيسبتن داها گئج قوجالير و اوزونؤمورلو اولورلار.
كئفينيزدن قالمايين.
بضا حكيملر موعيين خستهليكلره مئيللي اولان اينسانلارا هر هانسي بير ايشي گؤرميي و يا قيداني قبول ائتميي قاداغان ائديرلر. قريبه ده اولسا بئين الخالق حكيملر قروپو اؤز كوللئقالارينين بو تيپ تؤوسيهلريني ده اينساني قوجالدان اينساني قوجالدان عامللر سيراسينا داخيل ائديرلر. اونلارين فيكرينجه قاداغالارا رغمن بعضي واختلاردا اونلاردان كنارا چيخماق لازيمدير. چونكي قاداگالار عادتا دادلي و شيرين قيدالارا عايد ائديلير. و بو زامان اينسان نفسي ايله حكيم مصلحتي آراسيندا سئچيم ائتمهلي اولور – نفسي شكديگي يئميي ايستسه ده حكيم قاداگاسي اونون قارشيسيني كسير. بو قارشيديرما ايسه اينساندا عسسب، سترئسس و پسيخولوژي گرگينليك يارادير. سؤزوگودن عامللر ايسه قوجالمايا آپاران اساس سببلردن حساب اولونور. اودور كي، بضا حكيملرين قويدوقلاري قاداغالارا رغمن نفسينيزين ده سؤزونه باخماليسينيز. آنجاق بير شرطله كي، بو عادت حاليني آلماسين.
حيسسلرينيزي گيزلتمهيين
اؤزونو دايم هر شئيده تقسيرلي بيلمك و حياتين بوتون اوغورسوزلقلاريندا يالنيز اؤزونو گوناهلانديرماق دا قوجالماغا و قورخونج خستهليكلره موبتلا اولماغا سبب اولور. حكيملر بئله اينسانلارا بير آز “بيوئج” اولماغي، هر شئيي اوركلرينه ياخين بوراخماماغي مصلحت گؤرورلر. پسيخولوقلارين فيكرينجه اينسان شادليغيني و عصبيليگيني بيروزه وئرمهليدير. حيسسلريني قلبينده بوغان اينسانلار حياتدا دايم اوغورسوزلوقلف قارشيلاشير، سئوگيلريندن مهروم اولور و دايم ازيليرلر. بوتون بونلار ايسه سون نتيجهده اونلاردا پسيخيكا پوزغونلوغو، روح دوشكونلويو و سترئسس يارادير.
بئينينيزي مشق ائتديرين
عادتا ذهني ايشله مشغول اولانلارين تئز قوجالمالاري حاقدا فيكير سؤيلهنيلير. لاكين سون تدقيقاتلار بونون عكسيني ثبوت ائدير. سن دئمه عقلي اينسانين قوجالماسينا و پئشه خستهليكلرينه موبتلا اولماسينا اونون هانسي ايشله مغول اولماسي تأثير ائتمير. پئشه خستهليكلرينين سببي ايسه ايشه حددن آرتيق آلوده اولدوقدا و يا امك گيگييئناسينا عمل ائتمهديكده يارانير. اودور كي، “ذهني ايش اينساني قوجالدير” دئييب بئينينيزي پاسسيولشديرمهيين. هم ده ذهني ايش دئديكده تكجه علمي ايش نظرده توتولمور. بئيني پاسسيو ساخلاماماق اوچون دوكاندان آلوئر ائدركن يئكون قييمتي حسابلاماغينيز دا كيفايت ائدير. ذهني مشغوليتين ان ساده يولو ايسه كروسسوورد حل ائتمكدير. بونونلا سيز هم بوش واختينيزي ثمرهلي كئچيرر، هم ده اؤزونوزو و بئينينيزي قوجالماقدان قوروموش اولارسينيز
آرديني اوخو
گوندهليك حيات طرزيميز نئجهدير؟
1.درينين وضعيتيني ياخشيلاشديرماق اوچون.قهوه و قيرميزي شراب اوز دريسي دامارلاريني گئنيشلنديرير،همچينين دري پيگينين سئكرئسيياسيني گوجلنديرير و ايلتيهابا گتيريب چيخارير.تركيبينده يوكسك كونسئروانت و بوياق ماددهسي اولان محصوللار دئرتامينين يارانماسينا يول آچير.درينين تميز اولماسي اوچون سادالاديغيميز ايچكيلردن ايمتينا ائديب راسييونونوزا لوبيا (تركيبيندهكي زولال بيتيشديريجي توخومالارين برپاسينا كؤمك ائدير)،قيزيلباليق،زئيتون ياغي (ياغلي تورشولارين تأثيري آلتيندا اورقانيزمي نم ساخلايير) و كسميك (سئلئن منبعييدير،يعني ان واجيب آنتيتوكسيناتير) علاوه ائدين.
2.مئنستوراسييا اؤنجهسي سيندرومون يونگوللشمهسي اوچون.آغير مئنستوراسييا اؤنجهسي سيندروم زاماني آغريكهسيجيلر چوخ واخت كؤمك ائتمير.بو پروبلئمي يالنيز دوزگون قيدالانماقلا آرادان قالديرماق اولار.گونده 1-2 قرام كالسيوم قبول ائتديكده بو سيمتومپلار 48%-دك آزالير.بئلهليكله ،اورقانيزمي كالسيوملا تعمين ائتمك اوچون هر سحر 1 يومورتا (27مق)،ناهار واختي برك پئندير (300مق) يئمهنيز مصلحت گؤرولور.
3.نفهسي طراوتلنديرمك اوچون .آغزينيزدان گلن پيس قوخونون سببي ديلده و ديشلر آراسيندا ييغيلان باكتئرييالاردير.تأسف كي،نانهلي ،تركيبينده شكر اولان كونفئتلر اونلارين سايينين داها دا چوخالدير.ياپون عاليملرينين فيكرينجه ،قاتقيسيز طبيعي يوقورتلار نفسده اولان سولفاتين درجهسيني آشاغي سالير و دئزودوراسييا ائففئكتي وئرير.
4.ديرناقلارين مؤحكملنديريلمهسي اوچون.اگر ديرناقلارينيز تئز-تئز سينير و باخيمسيز گؤرسهنيرسه ،موطلق گوندهليك راسييونونوزو بير داها گؤزدن كئچيرين ،بلكه يئديگينيز محصوللارين تركيبينده زولال چاتيشمازليغي وار.24 ساعت عرضينده يئديگينيز يئمكلرين تركيبينده ان آزي 45 مق زولال اولماليدير.بونا گؤره ده مئنيويا هيند تويوغو،مال اتي،گؤبلك علاوه ائدين.همچينين لپهني ده اونوتمايين،اساساً يئرفينديغيني،چونكي او،ديرناقلارين ساغلامليغينا موسبت تأثير ائدن كالسيوملا زنگيندير.
5.ساچلارينيزين مؤحكم و پاريلتيلي اولماسي اوچون.ساچ تؤكولمهسينين سببي آدي سينك چاتيشمامازليغي دا اولا بيلر.گونده جمعي 8 قرام سينك قبول ائتمكله بو پروبلئمين اؤهدهسيندن گلمك مومكوندور،بونون اوچون كراب و ياشيل نوخود يئمك كيفايت ائدير.همچينين ساچلارين پارلاق اولماسي اوچون ات،باليق و يارما يئمهنيز مصلحتدير.يارما قيدالانديريجي ماددهلرين هزميني ياخشيلاشديران توخومانين اساس منبعييدير.ساچ ديبينين مؤحكمليگي اوچون ايسه موطلق گونون سونوندا ياشيل چاي ايچمهنيز واجيبدير.
6.باش آغريسيندان آزاد اولماق اوچون.اگر تئز-تئز باش آغريسيندان اذيت چكيرسينيزسه ،او زامان پئندير،سيتروس مئيوهلري،چيپس،قيرميزي شراب ،پيوه و شامپاندان ايمتينا ائدين،چونكي اونلار دامار گئنيشلنمهسينه سبب اولور.بو حالدا دامارلاري دارالدان توند شكرلي قارا چاي ،طبيعي قهوه ايچمهنيز مصلحتدير.حكيملرين تدقيقاتينا گؤره باش آغريلارينا سبب اورقانيزمده اولان ماقنئزيوم آزليغيدير.داها چوخ ماقنئزيوم هيند لپهسي و قاباغين قوورولموش تومونون تركيبيندهدير.اونلاري سالات و شوربالارا دا علاوه ائتمك اولار.
7.ايدماندان سونرا عضلهلرده عمله گلن آغريدان قورتولماق اوچون.سحر ايدماندان سونرا سيييق يئيين.سيييغين خئيي آرتيق تستيقلهنيب.اوستيندهكي تئخاس اونيوئرسيتئتينين عاليملري الدن دوشموش وئلوسيپئدچيلره بير نئچه هفته عرضينده يالنيز يالنيز ياغسيز سودده بيشميش سيييق يئميي تؤوسيه ائديبلر.معلوم اولوب كي،دنلي بيتكيلر عضلهلرين برپاسي اوچون ستيمول يارادير و اونلارين ائنئرژي احتياطيني آرتيرير.آلبالي شيرهسي آنتوسيان و آنتيتوكسينات ايله زنگيندير، بو دا يورغونلوق و سويوقلامانين قارشيسيني آلير.
آرديني اوخو
چوخ اينسان وار كي،"نه دير بو عاغيل ديشلريندن چكديگيم؟" جوملهسي ايله شيكايتلنمهسين.عاغيل ديشلري ديگر آدلارييلا(8 نؤمره، 20 ياش ديشي،
wيسدوم تووته وس )كيمي پروبلئملي ديشلر حالينا گلمهيه باشلادي و آرتيق خالق آراسيندا بو ديشلرين ايشه ياراماديغي و چكيلمهسي لازيم اولدوغو كيمي دوشونجهلر گئدهرك ياييلماقدا و چوخ سايدا دا اوپئراتيف فعاليتلرله بو ديشلر چكيلمكدهدير.عاغيل ديشلري هاردا يئرلشير؟
اساساً17-25ياشلاري آراسيندا چيخماگا باشلار.عاغيل ديشلري ديشلريميزين ان آرخاسينداكي بؤلگهده (سون ديشلر) اوستده و آلتدا 2 ادد اولماق عذره جمعي 4 ادددير.
عاغيل ديشلري نييه پروبلئم يارادير؟
بو ديشلرين آغيزدا قاليب قالماماسي موباهيسهليدير.اگر دوگرو وضعيتده چيخيرسا و اطراف توخومالارا ضرر وئرميرسه بو ديش يئرينده قالا بيلر. چنه سومويونه بيرلشميش و آنورمال وضعيتده اولان بير ديشين (رئنتگئنله موعيين ائديلميش) گلهجكده يول آچاجاغي ضررلر گؤز اؤنونه آليناراق چكيلمهسينه قرار وئريله بيلر.
عاغيل ديشلرينين چكيلمهسينه يول آچان حاللار هانسيلاردير؟
چوروك: توپورجك، باكتئرييا و يئمك قاليقلاري يئني چيخماقدا اولان ديشين آچديغي يووادا ييغيلاراق هم عاغيل ديشي هم ده يانينداكي آزي ديشيني تهلوكهيه آتار. بو تيپ چوروكلري موعيين ائتمك و موعاليجه ائتمك اولدوقجا چتيندير. آغري و اينفئكسييايا يول آچان و آبسئسله نتيجلنن آغير حاللار ميدانا گله بيلر.
ديشتي خستهليگي (پئريكورونيت): قيسمن چيخميش بير عاغيل ديشين ديشتينده باكتئرييا و يئمك آرتيقلارينين ييغيلديغي بير اينفئكسييا ييغيناغي اولور. بو وضعيت آغيز قوخوسو، آغري، اؤدئم و تريسموسا (آغزين تام آچيلا بيلمهمهسي حالي) سبب اولور.اينفئكسييا ليمفا سيستمي واسطهسي ايله ياناق و بويونا ياييلا بيلر.
تضييق آغريسي: آغيل ديشي چيخان زامان قونشو ديشلره تضييق ائديرسه،بونونلا علاقه دار دا آغري حيسس ائديله بيلر.بعضي حاللاردا بو تضييق آشينمايا گتيريب چيخارير.
اورتودونتيك سببلر: بير چوخ گنچ دايمي ديشلريندهكي ايريليكلري دوزلتمك اوچون اورتودونتيك موعاليجه آلير. عاغيل ديشلريني چيخما تضييقي ديگر ديشلره ده عكس اولوناجاغيندان ديگر ديشلرده ده بير حركتليليك اولور،ايريليكلر آرتا بيلير.
پروتئزللاقهلي سببلر: پروتئز حاضرلانماسي پلانلاشديريلان بير آغيزدا عاغيل ديشلئريني نظره آلماق لازيمدير. چونكي، عاغيل ديش چكيلديكدن سونرا ديَيشن آغيز قورولوشونا گؤره يئني بير پروتئز حاضرلاماق لازيم گلهجكدير.
كيستا عمله گلمهسي: رئتئنسييا اولموش بير ديشين سبب اولدوغو كيستا حاللارييلا دا قارشيلاشماق اولور. كيستا سوموك اريمهسينه، چنهنين گئنيشلنمهسينه و اطرافداكي ديشلرين يئر ديَيشديرمهسينه يا دا ضرر گؤرمهسينه سبب اولور.سوموك اريمهسينين قارشيسيني آلماق اوچون ديش چكيلمهلي و كيستا تميزلنمهليدير. نادير حاللاردا بو كيستا چوخ گئنيش اراضييه ياييلارسا شيشه چئوريله بيلر و يا چنه سومويونده اؤز-اؤزونه قيريلمالارا يول آچا بيلر.(باخين، ديش آبسئسي)
هئچ بير ناراحاتچيليق وئرمسه ده دوزگون ايستيقامتده اولمايان بير عاغيل ديش نه اوچون چكيلمهليدير؟
ديشين ايستيقامتينين دوزگون اولماماسي اينفئكسييا اوچون يئترلي بير سببدير. بئله بير حالدا بحث اولونان پروبلئملر ياشاناجاك. اوستهليك بو تيپ پروبلئملر قفلتن و گؤزلهنيلمهين بير زاماندا يارانيرلار.
عاغيل ديشلرين چكيلمهسي اوچون ان اويغون زامان نه دير؟
ايمپاجت- دوزگون ايستيقامتلنمهميش بير ديش شيكايت اولسون يا دا اولماسين 14 - 22 ياشلاري آراسيندا چكيلمهليدير. گنج ياشلارداكي اوپئراسييالار تئكنيكي اولاراق داها آساندير و ساغالما داها تئز اولور. 40 ياشدان يوخاري اوپئراسييالار چتينلشير . ياشين آرتماسييلا بيرليكده علاوه تأثيرلر ده آرتار و ساغالما مدتي اوزانار.
كسكين- آكتيو اينفئكسييانين اولدوغو حاللاردا (پئريكورونيت) ديش چكيله بيلر مي؟
چوخ زامان خئيير. اينفئكسييانين وار اولدوغو بير وضعيتده موداخيله ائديلرسئ اينفئكسييا اطرافا ياييلار، يارانين ساغالماسي گئچ و چتين اولار. لوكال آغيز گيگييئناسي، آنتيبييوتيكلئر و بضا ده قارشي چنهدكي عاغيل ديشين چكيمي ايله اينفئكسييا كونترول آلتينا آلينير.
ديگر ديش چكيملريندن فرقليديرمي؟
بلي،فرقليدير...
عاغيل ديشين مؤوقئيي،قورولوشو و اؤلچوسونه باغلي اولاراق تطبيق اولونان پروسئدورون چتينليك درجهسي ديَيشير. ساده بير چكيمدن سونرا يونگول شيشليك، آغري وئ قاناما اولا بيلر. داها اؤزئل ايشلملر گركديرن بعضي كومپلئكس چكيملر ده حياتا كئچيريله بيلمكدهدير..
بو چكيمين آرديندان -دري سوكئت- آدلانان ساغالما پروبلئمي يارانا بيلر. چكيم بوشلوغوندا قانييغيلما و آغري دا يارانا بيلر. بير نئچه گون ايچينده پروبلئم آرادان قالخير. ديش حكيمينين توصيهلرينه عمل اولوندوغو زامان بو جور حاللارلا قارشيلاشماماقدا اولار.
ياش آرتيقجا سوموك قورولوشو قالينلاشديغي و ائلاستيقليك آزالديغي اوچون ديش چكيمي چتينلشير،ساغالما گئجيكير.
اوپئراسييا سونراسي قوللوق
يارا يئري قورجالانماماليدير. يوخسا آغري، اينفئكسييا و يا قاناما اولا بيلر.
ايلك 24 ساعت عرضينده او طرف ايله چئينهنيلمهمهليدير.
ايلك 24 ساعت سيقارئت چكيلمهمهليدير. چونكي سيقارئت قاناماني آرتيريب ساغالماني چتينلشديرر.
توپورولمئمئليدير. يوخسا قاناما آرتار و لاختا يئريندن ترپنه بيلر.
قاناما كونترول ائديلمهلي. ائگر تيكيش آتيلماييبسا ستئريل بينتله تامپون قويولا بيلر. لاختا يارانماسي اوچون تامپون ياريم ساعت آغيزدا ساخلانيلماليدير. تامپون چيخاريلديقدان سونرا قاناما داوام ائديرسه يئني تامپون قويولماليدير.
شيشكينليگين كونترولو. اوپئراسييا سونراسي بؤلگهيه سويوق بير تامپون ايستيفاده اولوناراق قان دؤوراني ضعيفلهديلير و اوزون شيشمهسي انگللهنير. تامپونون تطبيقي بو جور اولماليدير: 20 دقيقه سويوق تامپون- 20 دقيقه آرا- تئكرار 20 دقيقه سويوق تامپون شكليندهكي فاصيلهلريه داوام ائديلير.
ايلك 24 ساعتدان سونرا هر 2 ساعتدا بير ايليك دوزلو سويلا آغزي قارقارا ائتمك لازيمدير. كاريشيق 1 ستكان ايليق سويا 1 چاي قاشيغي دوز علاوه ائتمكله حاضرلانير.
عاغيل ديشينين عملياتلا آلينماسي
پ.س. بو ياخينلاردا بو ديشدن چكديگيم اذيته گؤره سيزلرين ده معلوماتلانمانيزي و عاغيل ديشلريني سيرادان،بوش بير شئي سانمادان واختيندا تدبير گؤرمك لازيم اولدوغونو بيلمهنيزي ايستهديم.
قئيد: اؤز تجروبمدن،اونو دئييم كي،عاغيل ديشينيزي حكيملره موعاليجه ائتديرمهيه قالخيشمايين،چونكي،زامان ايرهليلهديكجه،ايلتيهابلانما پروسئسي ايله اوز-اوزه قاليرسينيز.بو ديشلرينيز چورودوسه،هئچ فيكيرلشمهدن چكديرين.
آرديني اوخو
قادين اوتو-اركوده
يونانجا ناموس معناسيني بيلديرير. 2500 ايل بوندان اول ايستيفاده اولونموشدور. كيشيلر اوچون مصلحتلي اولمايان،لاكين قادينلارين هورمونال پوزغونلوغونو تنزيملهين بيتكيدير. ائل آراسيندا "ايبراهيم آغاجي" و “قادين اوتو”آدلانديريلير. بو آغاجين آلتيندا دينجلن و اونون عطيريني آلان هر كس جاوانلاشير.
اركوده مئيوهسينين دملنمهسي فايداليدير:
- مئنسترواسييا اولي و سونراسي گرگينليكده
- مئنسترواسييا پوزغونلوغوندا (سانجي،دئپرئسسييا)
- هورمونال توكلنمهده (3 آي ايچيلمهسي مصلحتليدير)
- مئنوپاوزا دؤوروندهكي سيخينتيلاردا (ايستيليك باسماسي،سوموكلرين اريمهسي،باشگيجللنمهسي)
- اوشاقليقداكي كيستا و ايلتيهابلاردا
- باغيرساق فعاليتينين نورماللاشماسيندا
- گئنيتال بؤلگهنين خرچنگ خستهليگيندن قورونماسيندا
- دامار كئچمهمزليگينده (ترومبلاردا)
- تسيكلين پوزغونلوغوندان دولايي حاميلهليگين گئرچكلشمهديگي دوروملاردا
(14-16 آي ايچيلمهليدير)
- اوشاقليق يولونون قورولوغو
- سينير پوزغونلوغوندا
- قبيزليكده
- ايشتاهاسيزليقدا
- اوشاقليغين عملياتلا گؤتورولمهسيندن سونرا عمله گلن بوتون پروبلئملرده.
ايستيفاده مدتي و ميقداري:
ساغالما مدتي ايلك 10 گونده باشلاسا دا،تام بير موعاليجه مدتي 6 آيدير.خستهليگين علامتلري تام آرادان قالخاندان سونرا اركوده ايله موعاليجه 3-4 آي داوام ائتمهليدي.عكس تقديرده گئرييه دؤنوش باشلايا بيلر.
آرديني اوخو