آلما ماسكاسي

آلما سئومه‌ين اينسانا تصادف حاللاردا راست گلمك اولار. بوگون سيزه سئويملي مئيوميز اولان آلمادان ائو شرايطينده حاضرلانان ماسكالاري تقديم ائده‌جم.

ايلك اؤنجه اونو نظرينيزه چاتديريم كي، قورو درييه شيرين آلما، ياغلي درييه ايسه تورش آلما ماسكاسي فايداليدير.

بوتون دري نؤع اوچون ماسكا

اوز دريسينه قيسا زاماندا طراوت بخش ائتمك اوچون يويوندوقدان سونرا اوزونوزو بو مهلوللا ياخالايين: 1 چاي قاشيغي آلما سيركه‌سي + 0.5 ليتر سو

آلمانين ياريسيني و كؤكو سورتگجدن كئچيرين. قاريشيغي درينيزه چكين و 20 دقيقه ساخلايين. يودوقدان سونرا فرقي اؤزونوز حيسس ائده‌جكسينيز.

آلماني سورتگسدن كئچيرين و اوزرينه يومورتا ساريسي علاوه‌ ائده‌رك قاريشديرين. ماسكاني اوزونوزه چكين. 15-20 دقيقه‌دن سونرا ايستي سو ايله يويون. بو ماسكا هم اوز درينيزي تميزله‌يير، هم ده دريني ويتامينله زنگينلشديرير.

آلما و خيياري سورتگجدن كئچيرين. قاريشيغي قالين قاتلا اوزونوزه چكين. 15-20 دقيقه‌دن سونرا يويون. ماسكا اوزده‌كي قاران نقطه‌لري آپارير و اوزو طراوتلنديرير.

قورو دري اوچون ماسكا

آلماني سورتگجدن كئچيرين. اوزرينه 1 چاي قاشيغي خاما و بير آز قرئيپفروت شيره‌سي علاوه‌ ائدين. بونلاري ياخشي قاريشديرين و اوزونوز چكين. 15 دقيقه‌دن سونرا ايستي سو ايله يويون.

سورتگجدن 2 خؤرك قاشيغي آلما كئچيرين. 1 خؤرك قاشيغي زئيتون ياغي ايله قاريشديرين. اوزونوزه چكين، 20 دقيقه‌دن سونرا ايستي سو ايله يويون.

ياغلي دري اوچون ماسكا

آلماني سوبايا قويون و قيزاردين. سونرا 1 خؤرك قاشيغي آلمادان گؤتورون و اوزرينه يومورتانين آغيني علاوه‌ ائديب قاريشديرين. درينيزه چكين و 20 دقيقه گؤزله‌يين. سونرا سويوق سو ايله يويون.

ياريم آلمانين قابيغيني سويون و بلئندئرله ازين. اوزرينه ياريم چاي قاشيغي بال علاوه‌ ائديب قاريشديرين. قاريشيغين اوزرينه ياريم چاي قاشيغي ليمون سويو و ياريم چاي قاشيغي زئيتون ياغي علاوه‌ ائديب ياخشي قاريشديرين. ماسكاني اوزونوزه چكين. 10-15 دقيقه‌دن سونرا ايليق سو ايله يويون.

4 حساس نقطه‌يه 4 حساس قوللوق

1. بويون و دئكولته

بير چوخوموز اوزوموزه قات-قات كرئملر سوره‌رك باخيم ائدركن، بويون و دئكولتئ حيصه‌ميزين بو باخيمدان محروم بوراخيريق. حال‌بوكي، بويون و دئكولتميز، اولترابنؤوشيي شوالارينا ان چوخ مروز قالان، گونشده ان آسان قورويان، لكلنن و قيريشان بدن حيصه‌لريميزدير.

گونش اؤز سولدوروجو تأثيريني ايلك اؤنجه بويوندا گؤسترير و ياشلانماني سرعتلنديرير. بويون دريسي قيسا مدتده قالينلاشير، قابالاشير و قيريشماغا باشلايير. بو سببدن، گونشدن قوروما، اوز تميزله‌مه و نملنديرمه آدينا ائتديگيميز پيلينق و ماسكالارا بويون و اوست دئكولته حيصه‌ميزين ده احتياجي اولور. 40 ياشلاريندان اعتباراً، بويون و دئكولته حيصه‌ميزين رنگي سولغونلاشماغا، بوينوموزداكي اوفوقي قيريشلار و دئكولته حيصه‌ميزده‌كي شاقولي قيريشلار فورمالاشماغا باشلايير.

ايپوجو:

سودلو باخيم معجزه‌ يارادا بيلر.

هر شئيدن اول گونده‌ليك باخيم چوخ اهميتليدير. هر آخشام، ياتمازدان اول اوزونوزو تميزله‌ديگينيز كيمي، بويون و دئكولته حيصه‌نيزي ده تميزله‌ميي اونوتماييين. بونون اوچون پيلينق و ماسكا ياخشي بير اصولدور. يا دا ائوده حاضرلايا بيله‌جه‌يينيز ساده بير قاريشيغي تطبيق ائده بيلرسينيز. بير قابين ايچينه طبيعي سود و سو اولان بير قاريشيق حاضرلايين. سونرا بؤيوك بير پامبيق پارچاسي ايله بوينونوزا بير نئچه دفعه‌ كومپرئس ائدين. سونرا سويوق سو ايله يويون. بو كومپرئس آنيندا تأثير ائده‌جك و بوينونوزو داها جانلي و هامار گؤرونمه‌سيني تعمين ائده‌جك. داها سونرا موطلق نملنديريجي كرئم سورتميي اونوتمايين.

2. ساچلار

هر زامان، قيسا ساچين اينساني گنج گؤسترديگينه اينانيلار. حال‌بوكي، ائديلن آراشديرمالاردا اوزون و دالغالي، يا دا دومدوز چيگينلره ائنن ساچلاري اولان قادينلارين ياشلاري‌نين داها كيچيك تخمين ائديلديگي اورتايا قويولموشدور. ساچلارينيزين پارلاق و جانلي بير گؤرونوشونون اولماسي دا اوزوموزو داها گنج گؤسترن فاكتورلار آراسيندادير. بونون اوچون ايسه ساچيميزين قورولوشونا و احتياجلاريني اويغون اولان شامپونو سئچمك اؤنده گلن مسئله‌لردندير. آنجاق، سئچيم قدر تطبيق اصولو ده چوخ اهميتليدير.

ايپوجو:

فيرچالاياراق پارلات.

شامپونو تطبيق ائتمه‌يه باشلامازدان اول، ساچينيزي موطلق فيرچالايين. بئله‌جه ساچينيزدا ييغيلميش اولان توزلاردان تميزلنه‌جك و شامپونون ائففئكتيوليگي آرتاجاق. شامپونلاما اسناسيندا، بارماق اوجلارينيزلا ساچ درينيزه يونگول ماساژلار ائده‌رك قان دؤورانيني سرعتلنديرين. ساچينيز شامپونلويكن، سئيرك ديشلي بير داراق ايله دارايين. آرديندان، ايليق سويلا بوللوجا دورولانين. ساچينيز اوچون هر زامان قيدالانديريجي محصوللاردان ايستيفاده ائتميي اونوتمايين.

3. ديرناقلار و اللر

اللريميز قيشدا سويوغون، ياي دا ايستي‌نين تأثيرييله بير خئيلي كوبودلاشير. بونون قارشيسيني آلماق اوچون، اللريميزي سويلا هر تماسيندان سونرا نملنديرمك اللريميزين ياشلانماسيندا گئجيكديريجي بير تأثير يارادير. بوندان باشقا نملنديريجيلر ايستيفاده ائدركن ال ماساژييلا اللريميزين قان دؤورانيني حركته گتيرميش اولوروق. قان دؤوراني سرعتلنديكده اللريميز قوجالما تأثيرلرينه قارشي موباريزه آپارماق قابيلليتينه ماليك اولور و داها جانلي گؤرونور.

بوندان باشقا ديرناقلاريميز دا داها گنج گؤرونمه‌لي اولان سون درجه‌ اهميتلي حيصه‌دير. ديرناقلارينيزا اؤز رنگينده لاك سورتمك يئرينه، چهرايي يا دا قيرميزي كيمي ياشينيزي داها گنج گؤستره‌جك رنگلري سئچيم ائده بيلرسينيز.

ايپوجو:

هر يئره بير كرئم ايستيفاده ائدين

گون عرضينده الينيزه قيدالانديريجي كرئم سورتميي قطعين اونوتمايين. حتي دوشدا، اوتاغينيزدا، ايش يئرينيزده هر زامان چانتانيزدا كرئم ساخلايين.

آنجاق، بو كرئملرين چوخ ياغلي اولماماسينا دقت يئتيرين، بئله‌جه ائوده ايشينيزي ائتميي انگلله‌مه‌يه‌جكدير.

4. دوداقلار

آغيز و دوداق حيصه‌سي، ياشلانما تأثيرلريني ان چوخ اؤزونده بيروزه وئرن يئرلر آراسيندا ايشتيراك ائدير. دوداقلار ايسه گولومسه‌مميزي شكيللنديرير. باشقا سؤزله، خوش بير گولومسه‌مه‌نيزين اولماسي اوزوموزو گنج و جانلي گؤسترمه‌نين آچاريدير. بيزي داها گنج گؤسترن دوداقلارا صاحب اولا بيلمك اوچون، پارلاق و ايستي رنگلري سئچيم ائتمه‌ليگيك. چوخ توند هر هانسي بير رنگ، دوداقلار اوچون اؤلومجول اولا بيلر. آچيق رنگلر ايسه دوداقلاري ايشيقلانديرار، داها دولغون و گنج گؤسترر.

ايپوجو:

باللي قوللوق

بارماغينيزا بير ميقدار بال آلاراق دوداقلارينيزا سوروب 10 دقيقه گؤزله‌يين. دوداقلارينيزين قيسا مدتده يومشاق و هامار اولدوغونو گؤره‌جكسينيز. بوندان باشقا، دوداقلارينيزين اطرافيني دقته چارپازلاشديرماق ده گنج گؤرونمه‌نيزي تعمين ائدن ديگر بير فاكتوردور. بير قولاق چوبوغو واسطه‌سي ايله شفاف رنگده‌كي پودراني دوداق كنارلارينا سورتون. داها سونرا پومادانيزي سورتون. گون عرضينده دوداق كنارلارينيزداكي خطتين پوزولماديغيني فرق ائده‌جكسينيز.

آياقداكي قابارلارا قارشي قوللوق

عزيز قادين.نئتين سئويملي و باخيملي خانيملاري! قارشيدان ياي گلير. باغدا، دنيز كناريندا آياقيالين گزمكدن دابانلاريميزدا چاتلارين و يا قابارلارين نئجه يارانديغي‌نين هئچ فرقينده بئله اولموروق. امينم كي، هئچ بير خانيم باخيمسيز اولماق ايسته‌مز.

ائو شرايطينده آياقلاردا عمله گلميش قابار و چاتلارا قارشي موباريزه اصوللاري:

قارا چؤركدن كيچيك كوره‌لر دوزلديب، سيركه‌ده ايسلادين. آخشام ياتاندا قابارلارين اوستونه قويوب باغلايين.

درين و كؤهنه قابارلارين اوزرينه آياق وانناسيندان سونرا ازواي (آلوئ) يارپاغي قويماق لازيمدير.

ليموندان بير ديليم كسيب، قابارين اوزرينه قويون و بينتله مؤحكم سارييين.

اگر آياقلاري سوغان قايناديلميش سودا مونتزم اولاراق يوسانيز، آياقداكي قابارلار اؤز-اؤزونه چكيله‌جك.

عموميتله، آياقلاردا قابار و چات كيمي پروبلئملر اولماسين دئيه 100 قر. چيي كؤك يئيين، آ ويتاميني قبول ائدين.

آياقلار اوچون واننا:

1. ايستي واننا: 1 ليتر سويا 10 ق دوز و 20 ق سابون ازيب قاتين. آياقلاري بو واننادا 20 دقيقه ساخلايين.

2. سويوق دوزلو واننا: 1 ليتر سودا 1 خؤرك قاشيغي دوزو حل ائدين. پروسئدور 10-25 دقيقه چكير. واننادان سونرا دابانلاري سورتون.

پ.س. عادتا آنالاريميز، ننه‌لريميز آياقداكي چاتلارلا موباريزه‌ده دوش قبول ائدركن دابان داشيندان ايستيفاده ائديرلر. بس سيز هانسي اصوللارا ال آتيرسينيز؟

اوز دريسينه قوللوق

قورو دريلر اوچون: اول بيتكي ياغي ايله اوزونوزو سيلين، سونرا دا 1 يومورتا ساريسي+1خ.ق مايونئز قاريشديريب اوزونوزه چكين. 2 خ.ق تزه كسميك،1خ.ق سود،1خ.ق بال قاريشديريب اوزونوزه چكين. 1يومورتا ساريسي و 1خ.ق بال قاريشديريب اوزونوزه چكين. 1ميقدار كره ياغي،1چ.ق سود قاريشديريب اوزونوزه چكين. خاتيرلاديم كي،بو ماسكالاري 15 دقيقه‌دن آرتيق ساخلامايين.

ياغلي دريلر اوچون: 1 يومورتا آغيني ياخشيجا چالين، لاي-لاي اوزونوزه چكين يعني قورودوقجا. 1خ.ق اون،1خ.ق سمئتان،1چ.ق سودا قاريشديريب اوزونوزه چكين.(15 دق ساخلايين)، 1خ.ق پريسيپكا،ياغسيز سودو حل ائديب اوزونوزه چكين.(10 دق. ساخلايين)، 1خ.ق پريسيپكا،ياغسيز سودو حل ائديب اوزونوزه چكين.(10دق ساخلايين).

اينجه تئللي ساچلارا قوللوق

اينجه ساچلار، عموميتله چوخ ضعيف و سؤنوك اولارلار. فورما وئرمك ده چتيندير. نه ائتسه‌نيز دايانماز دئين اينجه تئللي ساچ صاحبلري گؤردوم اطرافيمدا چوخ. و من اونلارا عموميتله بو حلي تقديم ائديرم.

1-جي قايدا : ماركئته گئدين و هجم آرتيريجي دولغونلاشديريجي شامپونلار الده ائدين.

2-جي قايدا : ساچلارينيزي شامپون ايستيفاده ائتمه‌دن اول كرئمله‌يين.

3-جو قايدا : ساچلارينيزي هر گون يويون و يالنيز بير دفعه‌ شامپونلايين.

4-جو قايدا: ساچلارينيزي قوروداركن ايستيليك اوفله‌مه سويه‌سي آشاغي درجه‌ اولسون.

5-جي قايدا : ژولئ ايستيفاده ائتمه‌يين، ساچ سپرئيي ايستيفاده ائدين.

خانيملاريميز اوچون ماكيياژ قايداسي

ماكيياژدان دوزگون ايستيفاده!

ماكيياژ سون واختلار خانيملارين اساس ايستيفاده واسطه‌سينه چئوريليب.اما بعضي خانيملار ماكيياژي دوزگون فورمادا ائتميرلر.سهو شكيلده شيشيرديلميش ائديلن ماكيياژ ايتلييجي گؤروندويو كيمي سيزي گولونج وضعيته سالا بيلر. دوغرو ائديلن ماكيياژ سيزي هم گؤزئل هم ده باخيملي گؤستئرئجئك.

ماكيياژينيزا باشلامازدان اول درينيزين نملنديريلميش اولماسي لازيمدير. درينيزي نملنديرديكدن سونرا درينيزدن بير تون آچيق و يا بير تون توند فوندوتئن ايستيفاده ائتمه‌ليسينيز. فوندوتئني نملي بير سونگر كؤميي ايله بويونا قدر سورون. دالغالي اولماماسينا دقت ائدين. پودرا ايستيفاده ائده‌جكسينيزسه شفاف پودرا سئچين.

تأثيرئديجي گؤزلر تعجبلو باخيشلار

گؤز ماكيياژينيزا قاش ديبيندن كيرپيك ديبينه قدر سوره‌جه‌يينيز بوز تونلاريندا بير تئن ايله باشلايين. بو تئن قاش آلتيني قيزيلي داها ايشيقلي گؤستره‌جك. پالتارينيز يا دا دري رنگينيزه اويغون فرقلي رنگده‌كي تئنلر ايله گؤز قاپاغينا كؤلگلنديرمه‌لر ائدين. گؤزلرين كيچيكسه سورمه‌ني گؤز قاپاغي‌نين بير آز خاريجينه دوغرو اوزادا بيلرسينيز. گؤز قلميني ده آلت كيرپيكلرين ديبينه يونگول شكيلده سورسه‌نيز گؤزلرين اولدوغوندا داها ايري گؤرونه‌جك. ايندي كيرپيك اوچون توش سورته بيلرسينيز اما فيرچاني دومدوز توتاراق دئييل. اولجه فيرچانين اوجو ايله كيرپيكلره توخونون چونكي كيرپيك اوچون توش فيرچانين اوجوندا توپلانار. داها سونرا كيرپيك اوچون توشو اوفوقي توتاراق كيرپيك ديبيندن اوجونا دوغرو سورون. ايشاره بارماقلارينيزلا كيرپيك آلتيندان يوخاري دوغرو يونگولجه ايتله‌يين، كيرپيكلرينيز قيوريلميش كيمي گؤرونه‌جك. بو عملياتي كيرپيك اوچون توش قورومادان ائتمه‌ليسينيز.

اوزونوزده اولدوغو كيمي دوداق ماكيياژيندا دوداقلار نملنديريلميش اولماليدير. قورو چاتلاق دوداقدا پومادانيز پيس بير گؤرونوش ياراداجاق. پومادا سورمه‌دن اول دوداق قلمي ايله دوداقلارينيزي اطرافلايين. دوداق قلمي پومادادان بير تون توند اولماليدير. عكس حالدا ضد بير گؤرونوش سرگيله‌يه‌جك. اگر دوداقلار اينجه ايسه دوداق قلميني دوداق خطتي‌نين خاريجي قيسميندن سورمه‌ليسينيز. بو شئكيلده دوداقلار داها دولغون گؤرونه‌جك. پومادانيز ايستيفاده ائتديگينيز گؤز فاراسينا ضد رئنگده اولماماليدير. پومادانيزي سورون وئ دوداقلارينيزي بير-بيرينه ياپيشديريب اسنه‌دين. ديله‌سه‌نيز بير قات رنگسيز پارلاديجي سورون.

آل ياناقلار

سوره‌جه‌يينيز انليك چهرايي و يا شافتالي تونلاريندا اولماليدير. ميقداري شيشيرتمه‌دن فيرچاني توخوندوراراق سورتولمه‌ليدير. ياناقلارينيزي ايچه دوغرو چكيب، يوكسك قيسيمدن قولاقلارا دوغرو تطبيق ائدين. عيني انليگي آلين بورون و چنه‌يه يونگولجه سورتون.

جئننيفئر لوپئزين ائكسكلوزيو ماسكاسي

هر بير قادين هولليوود اولدوزو كيمي گؤزل و باخيملي گؤرونمك ايسته‌يير. اما اولدوزلارين باهالي كوسمئتولوژي پروسئدورالار ائتديگيني دوشوندوكجه، اوميدلر آلت-اوست اولور. حالبوكي،اولدوزلارين چوخونون گؤزلليك سيرري ساده‌جه بير نئچه عرضاقدان عبارتدير. ائله جئننيفئر لوپئز كيمي.. بو ياخيندا اونون شخصي كوسمئتولوقو اولدوزون ماسكا رئسئپتيني ائل-عالمه جار چكيب.من ده بو ماسكانين رئسئپيني سيزلرله پايلاشيرام ...

ماسكا

1 چاي قاشيغي تميز، طبيعي قاتيقا 2 چاي قاشيغي بال و ياريم چاي قاشيغي يئني دملنميش ياشيل چاي قاتيب ياخچيجا قاريشديرين. ماسكانين قاتي اولماسي اوچون كوسمئتيك گيل و يا يولاف علاوه‌ ائتمك اولار. ماسكاني اوزه، بويونا و دئكولتئ حيصه‌يه چكيب 15-20 دق. ساخلاييب سويوق سو ايله يويون. سوپئر نتيجه الده ائتمك اوچون بو پروسئدورو هفته‌ده 3-4 دفعه‌ تكرار ائتمك كيفايتدير.

ساغلام ساچلار

1 ليتر سويا 10 قوز قابيغيني علاوه‌ ائديب ياخشيجا قاينادين.ساچلارينيزي يودوقدان سونرا اونونلا ياخالايين.ساچلارينيز هم پارلاق هم ده توند اولاجاق.

2 خ.ق قاتيق،1 يومورتا،ليمون سويو،خينا قاتيب(رنگسيز) خمير كيمي يوغورون و ساچينيزا ماسكا ائدين.1 ساعتدان سونرا يويون.ساچلارينيزي تؤكولمكدن قوروياجاقدير.

2 خ.ق زئيتون ياغي،1 يومورتا ساريسيني قاريشديريب ساچلارينيزا سورتون.10دقيقه ساخلاييب يويون.ساچلارينيزي پارلاق ائده‌جكدير.

2 خ.ق بال و 1 ليمونون شيره‌سيني قاريشديريب ساچلارينيزا سورتون.10 دقيقه‌دن سونرا يويون.ساچلارينيزي هجملي و پارلاق ائده‌جكدير.

مايا ايله گؤزلليك ماسكالاري

مايانين فايدالاري قديم چاغلاردان بري بيلينير. كؤهنه مصرده قادينلار گؤزللشمك اوچون ماياني دريلرينه سوررلرميش. آيريجا دئزينفئكسييا ائتمك و تئز ياخشيلاشماسيني تعمين ائتمك اوچون يارالارين اوزرينه مايا قويارلارميش.

بودا مايانين گؤزلليك اوچون فايدالاري…

بدن و اوز:

مايا ايله حاضرلانان ماسكالار، پروبلئملي دريلري ياخشيلاشديرير. 2 شوربا قاشيغي ياش ماياني بير كاسايا قويوب 1 شوربا قاشيغي ايليق سو علاوه‌ ائدين و كرئم حالينا گلنه قدر قاريشديرين.

گؤز و دوداق اطرافي خاريجينده بوتون درينيزه يئديرين. 10 دقيقه گؤزله‌يين. درينيزي، اول ايليق سويلا، سونرا سويوق سويلا دورولايين.

بو ماسكا 20′لي ياسلاردا آيدا 1 دفعه‌، 30′لو ياشلارداسينيزسا 15 گونده بير، 40′لي ياشلارداسينيزسا هفته‌ده بير، 50′لي ياشلاردا ايسه هفته‌ده 2 يا دا 3 دفعه‌ تطبيق ائده بيلرسينيز.

مايا ساچلارين تؤكولمه‌سيني اؤنله‌يير. ساچلارينيز اوچون آشاغيداكي قاريشيغي تطبيق ائده بيلرسينيز.

- 4 شوربا قاشيغي توز ماياني 1 ستكان ايليق سودا اريدين.

- اريتديگينيز ماياني، ساچ ديبلرينه يئديرين.

- بير نئچه دقيقه گؤزله‌ديكدن سونرا، بول سويلا دورولانين.

اللر:

اللري يومشاق ائدير:

مايا اللرين ده دوستودور. ياتمادان اول 1 قهوه فينجاني ايليق سوده 1 چاي قاشيغي ياش مايا علاوه‌ ائديب، اريينه قدر قاريشديرين. حاضرلاديغينيز بو طبيعي ال كرئميني، اللرينيزه ماساژ ائده‌رك يئديرين. 10 دقيقه گؤزله‌ييب، ايليق سويلا يويون. اللرينيزين يومشاق اولدوغونو فرق ائده‌جكسينيز.

دئكولتئ بؤلگه‌لرينه قوللوق

قادينلار دئكولتئ بؤلگه‌لريني خوشلاييرلار.ياشلاري ايره‌ليله‌ديكجه بضا بَينمه‌ديكلري اوچون قوللاريني،آياقلاريني گيزلتسه‌لر ده دئكولتئلريني سئومه‌يه داوام ائدرلر.

ايللر و ديگر تأثيرلر ساده‌جه اوزو دئييل،بويون و دئكولتئ حيصه‌لريني ده ياشلانديريب قيريشماسينا سبب اولور.

ان آز اوز قدر اينجه بير درييه صاحب اولان دئكولتئ بؤلگه‌سي،يئنه ان آز اوز قدر باخيما و اؤزنله قورونماغا احتياجي وار.

لازيم اولان باخيم گؤستريلمزسه كؤهنه‌لر و قيريشيقليقلار باشلايار.بونا انگل اولماق اوچون موختليف كرئملرله،ماسكالارلا،ماساژلارلا و پئئلينگله باخيم ائتديرين.بونون يانيندا ائتمه‌نيز لازيم اولان.

- گونشه چيخمادان اول موطلق قورويوجو كرئملردن ايستيفاده ائدين.دئكولتئنين ان بؤيوك دوشمنلريندن بيري گونشدير.جيلدينيزه اويغون كرئملردن نيزاملي ايستيفاده ائدين.

- ميوليفتينگ (كور حاليندا) و يا گئجه كرئملريندن ايستيفاده ائدين.

- چوخ ايستي سو ايله دوش آلمايين.

- بويون و دئكولتئ مشقلري ائدين.

- حامامدان چيخديقدان سونرا سويوق سو ايله ماساژ ائدين.

- ياتيش شكلينيزه فيكير وئرين،اوزو اوسته چوخ ياتمايين.

ايشله‌يركن باشينيزي دايما ديك توتون.باشينيز هميشه اؤنه اييك اولدوقدا قات-قات قيريشمايا باشلايار.جيلدينيز ان ديَرلي گئيمينيزدير.