حاميلهليگين علامتلري نهلردير؟
حاميلهليگين ايلكين علامتلري آشاغيداكيلاردير:
1. ان باشليجا علامت نورمال آيباشينين بير آي گئجيكمهسيدير.
2. حاميلهليگين ايلك هفتهلرينده قادينين سينهلري بؤيويور و دؤش اوجلاري يونگولجه آغرايير.
3.حاميلهليگين ايلك هفتهلرينده سيديك ايفرازي آرتير.
4. سحرلر اوركبولانما و قوسما موشاهيده اولونور. بو علامت حاميلهليگين ايكينجي آييندا اؤزونو گؤسترير. حاميلهليك ايرهليلهديكجه توكسيكوز گونون هر هانسي بير ساعتيندا اؤزونو گؤستره بيلر.
5. حاميلهليگين داها ايرهليلهميش مرحلهلرينده قارين فرق ائديلهجك درجهده بؤيومهيه باشلايير.
6. حاميلهليگين دؤردونجو و بئشينجي آيلاريندا كؤرپه ترپنمهيه باشلايير.
بو علامتلر هر زامان حاميلهلييه دلالت ائدير؟
خئيير. بو علامتلرين بعضيلري هورمونال پوزغونلوق نتيجهسينده ده مئيدانا گله بيلر.
دقيق حاميلهليك دياقنوزو نه زامان قويولا بيلر؟
تخمينن ايكينجي آيباشي گلمهديگي زامان، يعني حاميلهليگين دؤرد ايله آلتينجي هفتهسي آراسي حكيم موايينهسينده حاميلهليگين باش وئرمهسي تسديق اولونور. بيرينجي آيباشينين گئجيكمهسيندن 1 هفته سونرا ائوده هر بير قادين حاميلهليك تئستي ائديب حاميله اولوب اولماماسيني اثبات ائده بيلر.