اوشاقلاري عائله داخيلي سؤز-صؤحبتدن قوروياق!
"من ائوين كيچيگي اولموشام. ائوده هر شئيه چوخ فيكير وئريرديم. ايستميرديم ائوده سؤز-صؤحبت اولسون. بير آرا چتين واختلار وار ايدي. اولوردو كي، هردن آتا آنام موباهيسه ائديرديلر. من نئجه فيكير ائديرديم اونو بير الله بيلير، بير ده من. بير نفر داوا ائدن كيمي گئديب دوروردوم اورتالاريندا و آغلاييرديم. بلكه بو منيم پسيخيكاما تأثير ائديب، چونكي عصبييم. هر شئيه تئز رئاكسييا وئريرم. من هميشه بؤيومك ايستهميشم، ايندي ده اوشاقليغيما قاييتماق، اوشاق اولماق ايستميرم."
بو سطرلر ايستيفادهچيميز باهار83 -اون "قيزيم بؤيودو " يازيسينا شرحيندندير. بو اعتراف مني ايللرله دوشوندورن بير مسئله حاقيندا يازماغا وادار ائتدي. واختيله منيم اوشاقلارلا ايشلهمهييم، صينيف رهبري كيمي واليدئينلرله سيخ اونسيتيم ايمكان وئريب كي، عائلهداخيلي موناقيشهلرين، موباهيسهلرين اوشاغين پسيخيكاسينا، شعورونا گؤسترديگي تأثيري عياني صورتده موشاهيده ائديم. بيز بير واليدئين اولاراق، چوخ واخت اؤولادلاريميز قارشيسيندا بورجوموزو اونلاري ياخشي يئديرتمكده، گئيينديرمكده، اونلارين ايستكلريني يئرينه يئتيرمكده، بير سؤزله اونلاري "ايستيدن-سويوقدان" قوروماقدا گؤروروك. لاكين عائله ايچيندهكي ان كيچيك بير نارازيليغين، سؤز-صؤحبتين اوشاغين معنوياتينا ووردوغو ضررين فرقينه وارميريق. اوشاقلار چوخ حساس وارليقدير. اونلار اطرافدا باش وئرنلري ماقنيت كيمي بئيينلرينه ييغيرلار. اگر بيز اوشاقلاريميزين اونا عايد اولمايان شئيلر حاقيندا دوشونمهييني ايستميريكسه، اونلارين يانيندا هر حركتيميزه، دئديگيميز هر سؤزه فيكير وئرمهليييك. بيزيم عائلهده بو قايدالارا جدي عمل اولونوب. اؤولادلاريميزي هر جور سؤز-صؤحبتدن اوزاق توتاراق، اونلارين ساغلام دوشونجهلي يئتيشمهلري اوچون اليميزدن گلني ائتميشيك. نه قدر چتينليكلر، نارازيليقلار اولسا دا بيز بونو اوشاقلارا حيسس ائتديرمهميشيك.
سيز نئجه، عزيز قادين.نئت آنالاري، اؤولادلارينيزي عائلهداخيلي سؤز-صؤحبتدن، نارازيليقلاردان قورويا بيليرسينيزمي؟
اونوتماياق كي، اوشاقلاريميزين خوشبخت گلهجيي اونلارين ساغلام دوشونجهلي بؤيومهسيندن داها چوخ آسيليدير!
كؤرپهنين دويغولاري نه واخت اينكيشاف ائدر
ائشيتميي اؤيرنمك
دوغوم سونراسي: ائشيتديگي سس ايستيقامتينه باخار.
بير آيليق: سسلري آييرد ائتمهيه باشلايار.
اوچ آيليق: بير سسه قارشي باشيني ساغا يا دا سولا حركت ائتديرر.
دؤرد آيليق: سسين يئريني تاپيب اونا دؤنه بيلر.
بئش آيليق: اوستدهكي يا دا آلتداكي سسلري تاپار، سسلري و تونلاري آييرا بيلر.
آلتي آيليق: اؤز آديني بيلر و سسلري بيرلشديره بيلر.
اون آيليق: "قوش" يا دا "توپ" كيمي تانيش اشيالرين آدلاريني بيلر. "آل، توت" و يا "گؤستر" كيمي ساده ايستكلره اويغون داورانا بيلر.
اللري ايستيفاده ائتمك
دوغوم سونراسي: اوووجونا يئرلشديريلن بير جيسيمي رئفلئكس اولاراق توتار.
اوچ آيليق: ايستهيهرك اوزانا بيلمز، آنجاق بير جيسمه توخوندوغوندا هيجانلانار.
دؤرد آيليق: بير چوخ جيسيملري قاورايا بيلر.
بئش آيليق: اوزانماق و توخونماق اوچون اللريني آچار.
آلتي آيليق: سالديغي بير اشياني ايزلر و بير حيصهسي گؤرونن اشيانين بوتون فورماسيني آنلايار.
يئددي آيليق: اللريني گؤزلرييله نظارت ائدر، بير جيسيمي توتماق اوچون اوووجلاريني آچار، اوزاناركن گؤزلريني اللريندن آييرماز، ايكي اليني بيرليكده ايستيفاده ائدر.
سككيز آيليق: اؤزونه ديگيرلنن بير توپو توتا بيلر، بير اشياني توتماق اوچون بارماقلاريني و اوووجونو بيرليكده ايستيفاده ائدر، بير اشيايا چاتماق اوچون باشقا بير اشيادان كؤمك آلار.
دوققوز آيليق: ايستهيهرك اشيالاري آتار، ايتلهير و دارتاراق، بير اشياني بير اليندن ديگرينه كئچيره بيلر.
اون آيليق: بير جيسيمي توتماق اوچون اللرييله اوستونو باغلاماق يئرينه بارماقلارييلا آنلاييشلا حركت ائتمهيه چاليشار.
اون اوچ آيليق: بير جيسيمي گؤتورمهدن اول اليني ان ياخشي مؤوقئيه گؤره حاضرلايار. اوبيئكتلري بير قاب ايچينه قويا بيلر.
اون دؤرد آيليق: بير قوتونو ديگرينين اوزرينه قويا بيلر.
اون يئددي آيليق: بير توپو يومرولايا بيلر.
اون سككيز آيليق: بير چوخ بلوكدان بير قولله مئيدانا گتيره بيلر؛ رنگلي بوياني توتوب بير كاغيذا شكيللر چكه بيلر.
گؤرميي اؤيرنمك
دوغوم سونراسي: گؤزببكلري ايشيغا نيزاملانار و 20-25 سم اوزاقليغا فوكوسلانا بيلر. گؤزلري بيرليكده حركت ائتمهيه بيلر، آنجاق باش ياواشجا حركت ائتديريلسه گؤزلرييله آدامي ايزلر.
بير آيليق: آنانين اوزونو تانييار.
ايكي آيليق: گؤزلري بيرليكده فوكوسلانار؛ اشيالارين كنار و كونجلريني گؤره بيلر.
اوچ آيليق: ياخشي بير اطراف حاقيندا فيكري يارانار.
دؤرد آيليق: بيري يا دا بير شئيين تانيش اولدوغونو بيلر و اللرينه باخار.
آلتي آيليق: آيناداكي گؤرونوشونو اللهمهيه چاليشار، بير اشيانين فرقي بوجاقلاردان عيني اولدوغونو قاورايار، يئره سالديغي بير اشيانين آختاريشينا باشلار.
يئددي آيليق : كيچيك جيسيملره بئله فوكوسلانا بيلر.
سككيز آيليق: درين اوبيئكتلرين درينده اولدوغونو آنلايا بيلر.
اون بير آيليق: سرعتلي، حركتلي اوبيئكتلره فوكوسلانا بيلر.
اون ايكي آيليق: آنانين گؤردويو قدر ياخشي گؤره بيلر، بير اشياني سون گؤردويو يئرده آختارا بيلر.
تئخنولوگييانين اوشاقلارا ضرري
كومپيوتئر، تي وي، ويدئو اويونلاري و جيب تلفونلاري گوندهليك حياتيميزين آيريلماز حيصهلريدير. اينكيشاف ائدن تئخنولوگييانين اوشاقلارا منفي تأثيري چوخدور. بونلاري گؤزدن كئچيرك:
0-2 ياش: آمئريكا اوشاق آكادئميياسي بو ياش اوشاقلارين اصلا ائكرانلا قارشيلاشمامالاريني تكليف ائدير. آپاريلان آراشديرمالار گونده 2 ساعتدان چوخ تئلئويزييا سئير ائدن اوشاقلارين ديل اينكيشافينين ديگر اوشاقلارا نيسبتن 6 دفعه داها گئريده اولدوغونو بيلديرميشدي.
2-5 ياش: بو ياشلار آراسينداكي اوشاقلارين تئلئويزييا ايزلهمك يئرينه زامانلاريني اويونلارا و اجتماعيلشمهيه آييرمالاري اويغوندور. بو ياش آراسينداكي اوشاقلارين يالنيز 1 ساعت تئلئويزييا ايزلهمهلري مصلحتدير. آنجاق آنا آتالارين اوشاقلارا شدّت صحنهسي اولمايان پروقراملار، خصوصيله جيزگي فيلملره باخيلماسينا ايجازه وئريلمهسي مصلحتدير.
6-11 ياش: اوخوما و تاپشيريقلارا صرف ائديلن زاماني چوخالتماق اوچون بو ياشدا اوشاغين تئلئويزييا سئيرينه نظارت ائديلمهليدير. آراشديرمالار، اوشاغين گونده 1-2 ساعت تئلئويزييايا باخماسينين مكتب موفقيتينه، خصوصيله اوخوما مؤوضوسونداكي ايرهليلييشينه منفي تأثير گؤسترديگيني موعيين ائتميشدير.
عائلهلر بو ياش قروپو اوچون كئيفيتلي پروقراملار (طبيعت ايله علاقه دار پروقراملار) آختارماق مجبوريتيندهديرلر. بو ياش اوشاقلاري، مكتب اولي ياشدا اولان اوشاقلار كيمي جيزگي فيلملري سئور و اوراداكي قهرامانلارا اوخشاماق ايستهيرلر. بو تيپ پروقراملارين "تجاووزكارليق" ايستيقامتي مينيموما ائنديريلمهليدير. تئلئويزييانين يارادا بيلهجك منفي تأثيرلريني مينيموما ائنديره بيلمك اوچون شدّت اولان فيلملردن اوشاقلاري اوزاقلاشديرماق لازيمدير. چونكي بير چوخ آراشديرمالار شدّت مئساژلاري ايله دولو فيلملرين اوشاقلاردا قورخويا سبب اولدوغونو گؤسترميشدير. عيني زاماندا هدديندن آرتيق تئخنولوگييا آسيليليغينين كؤكلمهيه سبب اولدوغو، خستهليكلره زمين ياراتديغي دا قئيد اولونموشدور.
7-12 ياش: اوشاقلاردا هدديندن آرتيق تئلئويزييا سئير ائتمهسي ائو تاپشيريغينا آييرديغي زاماني آزالدير. تئلئويزييا سئيري پاسسيو بير ايشدير. ياراديجيليغي آزالدير. اينتئللئكتوال وئريليشلره باخماق داها مقصدويغوندور.
اوشاقلاردا اينك سودونون ضررلري
دؤردونجو آيدان اعتباراً كؤرپهنيزين بسلنمهسينه سود و قاتي قيدالاردان عبارت اولان قاريشيق بسلنمه پروقرامي ايله داوام ائدركن، اونودولان و دقت يئتيريلمهين نقطهلردن بير اينك سودونون ايستيفاده ائديلمهسيدير. كؤرپهيه ايلك بير ايلده، حتي ايلك 24 آيدا قطعيليكله اينك سودو (پاستئريزه سود و يا اوهت ) وئريلمهمهليدير. اينك سودونون قورخولاري - اينك سودونون يوكسك زولال و مينئرال مضمونو، كؤرپهنين هله يئتكينلشمهميش بؤيركلرينه حدديندن آرتيق يوك مينديرر. - اينك سودو ايستيفادهسي، باغيرساق ايچي قانامالارا گتيريب چيخاراجاقدير. بو دا كؤرپهنين قانسيز قالماسينا سبب اولار. - اينك سودوندهكي دمير، آنا سودوندهكيندن فرقليدير. بو ياخشي عميلن بير دمير دئييل. بونون نتيجهسينده، دمير اسكيكليگي و اينكيشاف گئريليگي اولار. - اينك سودوندهكي يود و سينك ميقدارلاري چوخ آز اولدوغو اوچون، كؤرپهنين ذهني اينكيشافي منفي تأثيرلنر. - اينك سودونده د ويتاميني چوخ آزدير. بو دا راشيتيزم (سوموكلرين دوز اينكيشاف ائده بيلمهمهسي) دئييلن خستهلييه سبب اولار. - اينك سودو، كؤرپهنين ويتامين احتياجيني قارشيلايا بيلمز. بو دا بؤيومهده ياواشلاماغا سبب اولار. - ائسانسييئل ياغ تورشولاري باخيميندان چوخ كاسيب اولدوغو اوچون بئيين و گؤز اينكيشافي گئريده قالير. - اينك سودو آلان كؤرپهلر، داها چوخ مينئرال آلماديقلاري اوچون، "سوسوز قالما" دئيه تعبير ائديلن دئهيدراتاسيونا اويغون اولماقدادير. - ان اهميتلي قورخولاردان بيري ده، اينك سودو ايله بسلنن كؤرپهلرده آللئرگييا ريسكينين داها چوخ اولماسيدير.
دؤردونجو آيدان اعتباراً كؤرپهنيزين بسلنمهسينه سود و قاتي قيدالاردان عبارت اولان قاريشيق بسلنمه پروقرامي ايله داوام ائدركن، اونودولان و دقت يئتيريلمهين نقطهلردن بيري اينك سودونون ايستيفاده ائديلمهسيدير. كؤرپهيه ايلك بير ايلده، حتي ايلك 24 آيدا قطعيليكله اينك سودو (پاستئريزه سود و يا اوهت ) وئريلمهمهليدير.
اينك سودونون قورخولاري.
1 اينك سودونون يوكسك زولال و مينئرال مضمونو، كؤرپهنين هله يئتكينلشمهميش بؤيركلرينه حدديندن آرتيق يوك مينديرر.
2 اينك سودو ايستيفادهسي، باغيرساق ايچي قانامالارا گتيريب چيخاراجاقدير. بو دا كؤرپهنين قانسيز قالماسينا سبب اولار.
3 اينك سودوندهكي دمير، آنا سودوندهكيندن فرقليدير. بونون نتيجهسينده، دمير اسكيكليگي و اينكيشاف گئريليگي اولار.
4 اينك سودوندهكي يود و سينك ميقدارلاري چوخ آز اولدوغو اوچون، كؤرپهنين ذهني اينكيشافي منفي تأثيرلنر.
5 اينك سودونده د ويتاميني چوخ آزدير. بو دا راشيتيزم (سوموكلرين دوز اينكيشاف ائده بيلمهمهسي) دئييلن خستهلييه سبب اولار.
6 اينك سودو، كؤرپهنين ويتامين احتياجيني قارشيلايا بيلمز. بو دا بؤيومهده ياواشلاماغا سبب اولار.ائسانسييئل ياغ تورشولاري باخيميندان چوخ كاسيب اولدوغو اوچون بئيين و گؤز اينكيشافي گئريده قالير.
7 اينك سودو آلان كؤرپهلر، داها چوخ مينئرال آلماديقلاري اوچون، "سوسوز قالما" دئيه ايفاده اولونان دئهيدراتاسيونا توتولار.
ان اهميتلي قورخولاردان بيري ده، اينك سودو ايله بسلنن كؤرپهلرده آللئرگييا ريسكينين داها چوخ اولماسيدير.
2-3 ياشلي كؤرپهسي اولان آنالارا
اشيالاري گميرمهسي
عادتا كؤرپهلر 3-4 آيليق اولاندا ال بارماقلاريني،اويونجاقلاري،قيساسي،اللرينه كئچن هر شئيي آغيزلارينا آليرلار.بو عادتا شرطي رئفلئكسدن ايرهلي گلير. اگر سيزين ده 2-3 ياشيندا اولان اوشاغينيز بئله بير حركتلره يول وئريرسه،بو سيزي هئچ تعجبلنديرمهسين.اونلار اؤزلري ده بيلمهدن آغيزلارينا نسه گؤتورورلر.بونون،سيزين بيلمهديگينيز تك بير سببي وار-بو وضعيت اوشاقلاري راحتلاشديرير،روحن كؤرپهليك زامانلارينا قاييداراق اؤزلريني و فيكيرلريني توپلاماغا چاليشيرلار.اوشاغينيز چيركلي بير اشياني آغزينا آليب چئينهيركن،اونون باشيني قاتاراق چيركليني آليب،عوضينه تميز بير اشيا وئره بيلرسينيز.اويونجاقلاري ايله اويناياركن، اوشاغينيزي تعريفلهيين.مثلا: “اويونجاقلاري آغزينا آلماغين يووخ،اما اونلارلا اويناماغين چوخ خوشوما گلير جانيم بالاجام” دئيه بيلرسينيز.امين اولون،بو اونون چوخ خوشونا گلهجك.
يئمكدن ايمتينا ائتمهسي
2-3 ياشينداكي اوشاقلارين يئمكدن ايمتينا ائتمهسي هم نورمال،هم ده آرا-سيرا باش وئرن بير حالدير.اگر اوشاغينيز ستولون اوستونه قويولان بوشقابي ايتلهييرسه،بو بيشيرديگينيز يئميي بَينمهديگي معناسيني اصلا بيلديرمير.بو اصلينده اؤز دونياسيندا اؤز قرارلاريني گؤسترمك واسطهسيدير.يعني،من،بو آخشام كوفته يئمك ايستميرم.سيز بونا آنلاييش گؤسترهرك،اونا الده ائتمك ايستهديگي حاكميتي آز دا اولسا ياشاييب سئوينمهسينه ايمكان وئرمهليسينيز.داها ” بو اوشاقليغي ايله اؤز سؤزونو يئريتمهيهجك كي” دئييب، بير نؤو الينيزي ستولا وورماغينيزا گرك يوخدور.مثلا، اونا بوشقابيني و سالفئتيني سئچمهيه ايجازه وئرين.اگر اوشاغينيزا بئله بير سئچيم وئرسهنيز،يئمك زاماني داها آز نارازيليقلا قارشيلاشاجاقسينيز.آنجاق هئچ بير حالدا اونو مجبوري يئمك يئمهيه وادار ائتمهيين.نه ده يئمهديگي اوچون جزالانديرمايين.چونكي بو،آرانيزدا اولان وضعيتي گرگينكلشديرمكدن باشقا بير شئي دئييلدير. اوشاغينيزين بير گونده دئييل، بير هفتهده نه يئديگيني نظردن كئچيرين.اولا بيلر كي،بازار ائرتهسي و چرشنبه آخشامي آز يئسين،لاكين او بيري گونلر داها چوخ.
چيممك ايستهمهمهسي
سو ايله دولو واننادا اوتورماق بعضي اوشاقلار اوچون چوخ قورخولو اولا بيلر.بعضي اوشاقلارين ايسه چيممك چوخ خوشونا گلير.بضا سويون و حامامين ايستي و يا سويوق اولماسي اونلاري ناراحات ائدير.بئله ياشداكي اوشاقلارين چوخونون چيممكدن خوشلاري گلمير.چونكي بونون نه اوچون ائديلديگيني اونلار هئچ جور آنلايا بيلميرلر.اودور كي،اؤولادينيزا چيممك واختيني اولجهدن دئسهنيز،او اؤزونو بونا حاضرلايار.و بونو داها گؤزل شكيلده باشا سالين كي،اونون دا چيممهيه اولان هوسي آرتسين.حتي واننا اوتاغيني اويونجاقلارلا بزهمهنيز اونلارين چيممكدن خوشلانماسيندا آپاريجي رول اوينايا بيلر.
اوشاغيمين دوستو يوخدور...!
بعضي اوشاقلار عائله داخيلينده اؤزلريني آسانليقلا ايفاده ائده بيلسهلر ده ، ديگر موحيطده اؤزلريني ايفاده ائتمكده چتينليك چكيرلر. بو دا چوخ واخت اونلارين دوستلوق قورا بيلمهمهلري و يا كوللئكتيودن كنار قالمالاري ايله نتيجلهنير.ائله ايسه بونا سبب نه دير ؟ طبيعي كي، بورادا ايلك سبب اونسيت پروبلئميدير. ديگر سببلره گلينجه، بورادا اوشاغين اؤزونه اينامسيزليغي دا موهوم رول اوينايا بيلر. عائلهنين اوشاغي “ قوروماق “ مقصدي ايله يولداشلاريندان تجريد ائتمهسي ده اونون تك قالماسيندا اساس سببلردن بيريدير. بوندان باشقا، اوشاق اطرافينداكي همياشيدلاريني “ اؤزونه اويغون گؤرمهيه “ ده بيلر..
ياش دؤورو ايله باغلي – مثلا، يئنييئتمهليك كيمي بعضي پسيخولوژي پروبلئملري ده اوشاغين دوستلوق قورا بيلمهمهسينده اساس مانعهلردن بيري سايماق اولار…
اوشاقلارا آياقيولو درسي
اوشاغينيز ياواش-ياواش بؤيويور.بو زامانا قدر چوخ يوخوسوز قالدينيز،بلكه چوخ يورولدونوز،خستلننده چوخ قورخدونوز.اما اصلينده ايشينيز ايندي باشلايير.اوشاغينيز بؤيودوكجه تزه ايشلر،تزه جاوابدئهليكلر،يئني سئوينجلر و يئني سيخينتيلارلا قارشيلاشاجاقسينيز.آنا و آتا اولماق اوزون بير يولا چيخماق كيميدير،هر داياناجاقدا يئني بير منظره...
آياقيولو درسي اوچون ايلك اؤنجه اوشاغينيزين بونا حاضر اولدوغونو بيلمهليسينيز.اوشاقلارين چوخو 24 آيدان اعتباراً بونا حاضردير.بعضيلري ايسه 18 آيليقدان بونو ايستهييرلر.عوموميليكده ايسه اوشاق 3 ياشينا قدر آياقيولو درسيني سؤزسوز آلميش اولور.بونونلا ياناشي آتا و آنانين اوشاغا بو درسده دستك اولمالاري،موكافاتلانديرمالاري،تعريفلهمهلري اؤنمليدير.
اوشاغينيز آياقيولو ايله علاقهلي بير چوخ فرقلري باشا دوشورسه (چيش،كاكا،تميز،قورو،ياش كيمي)،آياقيولوندا اوتورماغين نه ايشه ياراديغيني بيليرسه،اوشاق آلتينين ديَيشديريلمهسيندن خوشلانيرسا، اوتوراق(قارشوك) و قورو بئز (پامپئرس) آراسيندا فرق قويورسا،آياقيولونا گئتمك ايستهييني توللاناراق،آغليياراق و يا باشقا طرزده گؤستريرسه،قيسا مدتلي يوخولاردان قورو بئزله اويانيرسا دئمهلي آياقيولو درسينه حاضردير.
داواملي اولاراق اوشاغينيزي جسارتلنديرمك،موكافاتلانديرماق،اونونلا صبرله داورانماق،ايشي ايلنجهلي حالا گتيرمك آياقيولو درسينين قانونلاريدير.بيرليكده بير اوتوراق آلماغا گئدين.اوتوراق يئره اولدوقجا ياخين اولماليدير.اوشاق اؤزونو راحت حيسس ائتمهليدير.اوتوراغين بزكلي اولماسينا دقت ائدين،آديني بزكلي يازيب اوستونه ياپيشديرين(بونو اونونلا بيرگه ائدين).اونا ديواندا راحت-راحت اوتوروبموش كيمي آليشماسي اؤنمليدير.داها سونرا ان آدي آياقيولو ايستهمهسينده بئله اوتوراغي اونا چاتديرين.اونا باجارديغي زامانلاردا هديهلر وئرين.باجارماديغيندا ايسه قيشقيرميين،اوتورادا بيراز اوتورماسيني گؤزلهيين.اگر هئچنه ائتميرسه و يا ايستميرسه اونو مجبور ائتمهيين.ياواش-ياواش آليشديرماغا چاليشين،بيلمهدن پالتاريني ايسلاداندا قطعين پيس داورانمايين.
آرديني اوخو
شاهماتين بالاجالارا فايداسي نه دير؟
فيزيكي ايشه برابر شاهمات.
هميشه واليدئينلري يالنيز بير پروبلئم ناراحات ائدير:اوشاقلار بوش واختيني نئجه ثمرهلي كئچيرسينلر؟واليدئينلرين قارشييا قويدوقلاري اساس مقصد اوشاقلاري جمعيته فايدالي بير شخص كيمي يئتيشديرمكدير.اوشاقلارين گلهجكده سربست قرار وئريب،حيات چتينليكلرينين اؤهدهسيندن گلمهسي اوچون اونو هله بالاجاليقدان ايستيقامتلنديرمك لازيمدير.بس اوشاقلارا ياراديجيليق قابيليتيني،سربست فيكير يوروتمك قايدالاريني نئجه آشيلاماق لازيمدير؟
هر بير عائلهده بو سوال موختليف جور حل اولونور.بعضيلري اوشاقلاري موختليف درنكلره گؤندرير،بعضيلري ايسه ديل كورسلارينا يازديريرلار.اگر هله ده اؤولادينيزين واختيني نئجه ثمرهلي كئچيرمهسي حاقدا فيكيرلشيرسينيزسه،يازييا دقت ائدين.
پسيخولوقلار بيلديريرلر كي،شاهمات اويونو اوشاغين عقلي اينكيشافيندا موسبت رول اوينايير.
شاهمات اويونو دونياگؤروشونو اينكيشافينا تأثير ائدير،دقتلي اولماغي ،فيكيرلشميي،موقاييسه ائتميي،اوولجهدن اويونونون نتيجهسيني گؤرميي اؤيرهدير.ايختيراچيليق قابيليتيني و قانوناويغونلوق تفككورونو اينكيشاف ائتديرير.اوشاقلاردا سبيرليليك قابيليتيني،اؤزونو اله آلماق ،دؤزوملولوك حيسسلريني آرتيرير.اونلاردا اؤزونه تنقيدله ياناشما ،سربست قرار وئرمك حيسسلري گوجلهنير.شاهماتين ان چوخ دا هيپئراكتيو (دجل،ديناميك) اوشاقلارا اؤيرتمك لازيمدير.
اوشاقلار هانسي ياشدان شاهماتي اؤيرنمهليديرلر؟
مشهور شاهماتچيلارين،دونيا چئمپيونلارين حياتلارينا نظر يئتيرنده ائركن ياشلاردان بو اويونلا ماراقلانديغينين شاهيدي اولوروق.اوچ دفعه خوسئ راول كاپابلانكا دونيا چئمپيونو شاهمات اويناماغا 5 ياشيندان باشلاييب،آتاسينين اويونلارينا باخا-باخا اويونون گئديشينه بلد اولوب.اون بير دفعه دونيا چئمپيونو اولان روبئرتا فيشئرايا شاهماتي 6 ياشيندا اولاركن اؤيرهنيب.اون اوچ دفعه دونيا چئمپيونو قارري كاسپاروو دا شاهمات اويناماغا 5 ياشيندان باشلاييب.راول كاپابلانكانين فيكرينه گؤره: شاهمات سادهجه اويون دئييل،اينتئللئكتوال واخت كئچيرمكدير.همچينين اوندا علمين موعيين اِلِمِنتلري وار.ذهني ايشده ايشلهينلر اوچون شاهمات اويناماق،ايدمانچيلار اوچون ايدمانلا مشغول اولماق كيميدير.شاهمات اينسان عقليني مشق ائتديرمهيين ان گؤزل يولودور.
آرديني اوخو
